原帖由 小靜小青 於 10-9-28 21:46 發表 
終於說左了
他們體諒我了....
又說粗好意思..我也跟他們說不好意思,我騙他們......
終於雨過天晴了...雖然係有點尷尬....但...坦白了...舒服左好多.....
謝謝大家呀!!!!!!!!!!!!!!!!!!!!!!!!!!!! ...
唔好怪我又飲多咗, 口水多多...如果今次件事, 唔係完滿咁處理, 你可能會失去咗一d 有潛質成為好朋友的人, 係咪?
仲有幾個故事, 你可以當笑話睇下.....
1. 我十幾歲時, 喺教會識咗個大姐姐. 嗰兩年, 佢唔駛拍拖時, 我實搵佢周圍坐(公園/停車場). 之後佢結咗婚, 有一兩年冇見面. 有一日, 唔駛加班, 突然好想見到佢....跟住打電話比佢, 叫佢煮埋我飯.....
2. 都係咁上下年紀, 我同個女仔行夜街, 兩個人加埋, 身上得五個幾. 一係就坐車送佢返歸, 然後自己行廿幾分鐘返屋企....問完佢之後, 結果買咗嘢食, 大家行路, 送咗佢翻去, 我再行翻屋企.
3. 廿零歲, 老豆死咗三日, 我搵多咗一份報館打字的夜班, 去霸佔時間. 有個舊同學打比我, 話過幾日我生日, 要送份禮物比我喎. 我地約咗凌晨兩點, 喺中環大會堂海旁等...原來送禮物係借口, 佢只想關心我有冇事.
其實, 冇錢, 一樣可以買罐汽水, 行下沙灘, 講下心事, 係咪?
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
發表於 
! 
" 
返回列表
