本帖最後由 Giant 於 11-6-8 11:23 編輯
C6發火啦, 都話屋漏更添連夜雨啦, 99呢個時侯收到房署信, 可以響元朗的公屋搬番出市區(獨居長者公屋), 於是C6話屋企部冷氣唔換住喇, 頂住先, 因99搬屋點都要駛D錢(雖然有幾兄弟姐妹夾), 我就話我阿媽問我攞萬幾蚊整牙, 當堂拍枱嬲到震話佢洗腳唔抹腳, 點解唔去D福利機構睇吓有冇D優惠俾長者。
我開聲叫我阿媽去攞綜援, 上網睇埋, 長者每月有$2680, 即刻話雞碎咁多就要佢抓爛塊面去乞, 睇社署D人面色, 交租什費都冇咗一大截, 淨低嗰D都唔知夠食定夠買日用品, 養到我咁大而家唔理佢要佢去做乞兒, 有咗個仔就唔要阿媽, 將來我個仔都會係咁對番我....。
最終, 我發火, 小時家貧, 同學仔有的我冇, 我都冇怨過, 讀完中五就叫我出去做嘢幫手搵錢, 3X度返完通宵班返嚟開冷氣瞓又鬧, 話我咁少家用就嘆冷氣, 表弟嚟我哋度暫住溫書考會考就日日呻話人食得多, 父母又一個仙都唔俾, 俾晒面色表弟睇, 咁親嘅親戚都都要用錢去算住, 覺得好寒, 佢阿媽(即我阿婆跌傷嚟暫住, 起碼有個人響屋企睇住佢), 又好話掉個老人家嚟, 伙食費又唔俾, 連阿媽都用錢去計, 我大肚咁耐, 佢睇都冇睇過我, 講俾人知我阿媽都未見過我個大肚Look, 真係冇人會信, 總之俾足家用就由朝到黑冇尾飛陀出去wet... 我決絕咁同佢講, 我自己都有頭家, 真係月月清, 所以只會俾埋今年生活費, 下年生活費食阿公定食自己就由佢決定。亦講明我冇預個仔會養番我, 我哋會用MPF去養自己, 筆錢用晒就會抓爛塊面去食阿公, 自己苦都唔想下一代同樣受苦, 抓爛塊面可以減輕阿仔的負擔我覺得值得的。
孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！
發表於 
返回列表
