回覆:講下大家的婚禮吖?
我個婚禮攪咗兩日,第一日嘅酒席只係for親戚及我亞爸嘅朋友;由於大部份人我都唔熟+好多人專注攻打四方城,開席前嘅影相時間我地兩公婆超得閒,仲响台上面坐咗好耐冷板凳。嗰晚我淨係洗頭都洗咗成個鐘,因為個頭好膠!(噴髮膠)
第二日下午去教堂行禮,行完禮再攪咗個西式酒會宴請我同c6嘅朋友;最難忙有兩件事,第一係有超過8成嘅賓客醉咗,我同c6當然唔例外啦,我醉到賴低c6,自己返咗屋企換衫再出去朋友間酒吧飲,c6同我個妹打鑼咁搵我,最後c6着住件白色背心底衫+西褲皮鞋就出咗尖沙咀搵我(件恤衫已經不知所蹤)非常樣衰!
第二件攪笑事件係事後朋友講返出黎,佢話响酒會散嘅事後見我c6如上述打扮一條友响空地耍功夫,跟住佢見到有隻曱甴响燈柱上就起飛腳踩死佢。講返出黎c6一啲記憶都無,因為佢已經貓到七彩!
所以我地個婚禮眞係好難忘
The meeting of two personalities is like the contact of two chemical substances: if there is any reaction, both are transformed.
Carl Jung (1875 - 1961)