吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 俾我呻下啦>_<

懷孕前後今日: 18|主題: 330170

收藏本版

發帖

返回列表

跳至頁

查看: 1426 | 回覆: 30

俾我呻下啦>_< [複製鏈接]

yuyulee

大宅

積分: 1197

1^#

發表於 11-11-22 14:02 |只看該作者 |正序瀏覽 |打印

而家我同c6同6299同c6家姐住的, 62冇做野, 99要返工,
咁我唔係99個女, 咁自然好多時都睇得出佢對我同對佢個女有幾大分別!
我而家29wk啦
咁我都睇得出99個女比我仲似大肚婆, 食飯湯水永遠都唔岩我食
我唔食又話我對肚入面果個唔好, 話我唔俾面佢,
有時唔係唔岩食, 係你煮果d野有時太涼, 涼到我唔敢食....

近排開始同c6傾坐月問題, 我私地下問過我mama,
mama都同意我坐月返hm,因為我mama唔使做野,
但問題係我同mama住得好遠, 所以如果我返去坐月, c6放工都好難過到黎見我
而且c6放假都要返第2份工, 應該成個月都唔會見到面
咁c6佢就話唔想, 話99會一早煮定俾我食, 我問佢有冇同99傾過, 佢又話冇
我話全部都係你估, 我問佢我係到坐月有冇得補, 我連而家食飯花膠都係冇我份食,
但就成日俾99話我肚細!c6就正係識話唔知, 又話我太緊張, 到時99自然會做野喎!
之後我咪話我唔要估估下, 我要肯定左先, 佢就話我以前d人生完邊有咁麻煩話要補ga姐!
生完咪落田繼續做!鬼婆果d都唔補ga啦!!
之後我發覺我同佢溝通唔到, 正係識虎衍我

我自己都好矛盾好唔好返屋企坐月, 好似要搬好多野, 健康院唔知到時有冇得轉去第間

0 0 0

私人傳訊

manmanpau

別墅

積分: 546

31^#

發表於 11-11-23 05:17 |只看該作者

生完仔真係會鬧情緒，我係自己屋企坐月，但見到乜都唔順眼，尤其係99同阿媽黎探我嗰陣，我覺得好煩！最後我要返工司避開佢哋，我休息兩星期，可以坐我就返工司了！我喺公司開心好多！

我阿媽一早同我講，外嫁女不能回家坐月，會帶給娘家惡運！但有一天他們不在家我也回家拿東西。最後，我婆婆來探我們，三個星期我便搬回家，其間我又開車到美國Shopping，又帶婆婆遊山玩水，我一個星期就收身，完全沒有坐月的感覺，連醫生都話:"你好靚女噃!仲靚過你結婚時!"

99就完全冇寄望，我諗佢都可能唔知乜野係坐月。佢同我講，佢話佢最叻就係揍仔，但我發現佢最叻就係俾D壞習慣D孫！Anyway，佢話淨係揍仔，其他野唔做，我話我有工人揍，得閒嚟坐吓得了！佢嚟到冇句好說話，成日話我個仔奀
(7磅10安)，佢生四個最輕都9磅幾，佢係肥婆又點同我比呢！

最好都係婆婆，一早就買定兩盒超靚燕窩俾我，我叫工人浸定揀定燉定，阿媽帶湯嚟我就加D落去，成個月淨係食燕窩和出外用膳。

我想講嘅係最緊要係自己開心，做自己鍾意做嘅嘢，不坐月也沒什麼大不了！你嘅心情好影響自己的健康和BB的成長！

私人傳訊

peony_only

大宅

積分: 4698

BK Milk勳章

30^#

發表於 11-11-23 02:32 |只看該作者

我99年紀大, 所以我生連醫院都揀喺媽咪附近, 99就幫我煲薑醋
香港有幾大吖, 你老公係要關心你, 要睇你, 放工要去到深圳都會去啦

私人傳訊

nurse_a

大宅

積分: 1111

29^#

發表於 11-11-22 21:46 |只看該作者

回覆：俾我呻下啦>_<

好認同姐妹們，點都係自己媽咪好！

我媽咪幾年前過左身，想都冇用。

本來想請陪月，但99開到口話佢會過來陪我，叫我唔好請。咁最後都係由得佢陪我。

我99係好nice, 但始終一齊住唔慣，佢話食乜點照顧BB, 就算我有意見都唔點出聲！開頭餵人奶我bb成日喊，99成日叫我補奶粉，好煩，餵人奶已經好辛苦，仲成日話我唔夠奶。

講真，生完真係好情緒化，成日想喊，又要係奶奶面前忍住好辛苦。自己媽媽就唔同，可以嗲，可以表示不滿，可以依賴！

私人傳訊

kktimtim

大宅

積分: 2612

28^#

發表於 11-11-22 20:48 |只看該作者

俾我呻下啦>_

花膠閒閒地要過千蚊,
你地有無比錢奶奶買補品呢?

我奶奶一直有問我要吃花膠嗎?燕窩嗎? 我好堅持話唔要!

佢地幾年前呃左我老公幾十萬比佢個衰女做首期, 之後佢件衰女唔供樓,但層樓老爺奶奶住左,焗我地供落去, 今後佢地無論比山珍海味我,我都啃不下,

bb 將來大個,我會講件事佢知!

私人傳訊

christytsui

伯爵府

積分: 18413

認識瑞士牛牛第一回

27^#

發表於 11-11-22 20:33 |只看該作者

我唔係好明, 有b 要食好多花膠架? 講真我由有b 到而家, 食左真係都唔知有無十次...我99 唔得閒, 我自己煮飯煲湯, 仲煲埋比佢, 攞埋去佢做野個到, 好近, 同條邨, 我都唔煲所謂既補野, 全係瓜湯類既野, 有營養就ok...要飲花膠我都係返我mum 到飲, 唔一定個個wk有, 所以我唔覺得食花膠補野有幾重要, 反而係要食有營養既野.
我本身都會last d 個月同坐月返我mum 到, 我都係前2日先同 99 講, 叫佢煲醋唔使煲我個份, 我係mum 到過last 個月同坐月, 過埋lunar ny 先返, 因為我1月頭預產, 佢好似覺得有d奇怪我唔係自己屋企月過d2個月, 我就同佢講, 你個仔要返公, 你又唔得閒, 阿婆 (老公婆婆而家同99住同一屋, 我地係同邨既)又唔方便 (因為有病), 咁返我媽到有咩事都有人知..有人理...咁佢就無聲可以出啦.

你個case, 我會同老公講
1) 我有bb 唔食補野, 無問題, 但都無理由唔食d 新鮮有營養野,要食隔夜餸姐, 你係唔係愛我同bb架, 我返mum 到有新鮮野食, 有人照顧, 唔煩你mum你都唔like? 仲有你mum 係唔係幫手照顧bb先? 唔係, 就一定要返娘家啦, 食又無啖好食, 仲要一個人照顧bb,老公,如果我捱到病, 係唔係你請假湊仔???
2) 你而家都見你mum 對你個妹服待周到, 但佢點對我呢? 生左bb 佢都係咁, 唔通我先執野去我mum 到? 到時我同你mum 攪到面左左, 有心病, 你夾係中間你自己慘咋...

Make a pregnancy ticker

私人傳訊

lindachewybb

大宅

積分: 1644

26^#

發表於 11-11-22 20:30 |只看該作者

回覆：俾我呻下啦>_<

返媽咪度啦！佢可以全日協助照顧你同BB，而且一定對你好。坐月心情起伏好大，對住99發佢脾氣又唔係，屈住又唔係！

私人傳訊

anna_my_baby

珍珠宮

積分: 44373

25^#

發表於 11-11-22 20:01 |只看該作者

yuyulee 發表於 11-11-22 15:05
我今晚會再同c6再傾下ga啦, 頭先係電話到傾完我自己都喊左一陣....
佢又唔想跟我返娘家住(佢唔想對住我老豆 ...

即係點？會整好多好野食, 但就唔整花膠？買埋比佢整唔整呀？
PS. 你放鬆D心情啦~

輸入搜索內容

私人傳訊

Ka116

別墅

積分: 728

24^#

發表於 11-11-22 18:37 |只看該作者

回覆：俾我呻下啦>_<

如果生完餵人奶就不要食花膠，奶會出不到！
其實係咪你99覺得貴先唔整花膠，一係你同佢一齊去買，比錢就更係自己啦！扮下咩都唔識問下佢點整，如佢肯整既就最好！
再唔係咪買鴻福堂，都好膠質架

係咩錢問題佢先少整新鮮食物！了解下，不用自己估估下

私人傳訊

baby0604

大宅

積分: 3439

好媽媽勳章

23^#

發表於 11-11-22 18:23 |只看該作者

如果係我，我會去自己媽媽度坐月，一來同聲同氣，媽媽在身邊自己湊bb都定d。何況坐月期間一定要補得好，否則產後身體會更差。我自己第一胎說是補得唔好，坐月成日食唔飽，又要擔水自己教99點幫bb沖涼，令到自己產後身體出現很多問題，所以第二胎寧願自己請陪月，都一定耍好好調整身體。既然你99之後要照顧佢個女，咁你話返娘家坐月，亦合理，說算何況況同老公見少d都係咁話。

私人傳訊

charlotterabbit

男爵府

積分: 5247

熱血金章畀面勳章

22^#

發表於 11-11-22 18:14 |只看該作者

我都建議你返媽咪度坐月，始終你係佢個女，就算生完情緒唔好or有脾氣，媽咪都會好快唔記得，但係奶奶就成世有條刺，一次可以致命..

以我自己為例，前果排有一次奶奶在我面前食煙，我唔敢出聲．但C6就話左佢兩句，而家奶奶見親我都黑面唔出聲...

私人傳訊

yuyulee

大宅

積分: 1197

21^#

發表於 11-11-22 18:13 |只看該作者

引用：你粒聲都吾出就返娘家坐月的話會好大鑊坐月

原帖由 kavenzou 於 11-11-22 發表
你粒聲都吾出就返娘家坐月的話會好大鑊
坐月時99實話你吾比佢見個孫,坐完月返去實比面色你睇
佢都話會整豬 ...

我一陣再同c6傾睇下佢咩反應先，再諗諗點同99講

私人傳訊

kavenzou

珍珠宮

積分: 49993

20^#

發表於 11-11-22 18:00 |只看該作者

你粒聲都吾出就返娘家坐月的話會好大鑊
坐月時99實話你吾比佢見個孫,坐完月返去實比面色你睇
佢都話會整豬腳薑同米酒,証明佢準備幫你坐月
你c6吾同佢講,你只能自己開口
你試下同講佢到時佢要返工仲要照顧你,怕佢辛苦,而你媽話得閒可以照顧你,問佢好吾好返娘家,睇下99反應
再吾係就出動你媽,99幾吾老脾都會比面你媽
最緊要吾好話佢知你好想返娘家

當然新抱同自己個女係吾同架啦,但我就覺得可能你想多左
佢話你唔俾面佢,對肚入面果個唔好,証明佢吾知太涼,唔岩你食
你要直接同佢你的需要,想食什麼,什麼對bb好
99為左個孫實做比你