新一代嘅中女真係唔講得笑，上晒電視作晒戰，風靡全城。最近又有中女上咗位，事關有一本叫做《中女情懷總是詩》嘅書面世，作者叫「白蓮達」（圖）。白蓮達自我介紹話，佢自小得母親薰陶，愛閱讀，愛寫作，寫詩兼改寫流行歌詞，曾獲青年文學小說獎。
不過呢本書唔係講述才女嘅私事，而係一部詩集，比較冷門，但係都有fans。可惜當佢想開簽名會嘅時候，就遇上困難重重。白蓮達喺facebook留言感嘆話：「生於這香港，如今原來一切的所謂核心價值，可以在一夜間消滅。尋找地方舉辦讀詩會，原來是那麼艱難－－商業機構要看你有無賣點，學術機構又嫌活動有銅臭，我覺得我像游說合縱失敗的蘇秦。」不過最終都有書店願意啃咗呢位中女，星期六（28日）下晝四點，旺角陳湘記書店，不見不散。
發表於 
返回列表
