Baby Kingdom - 親子王國 香港 討論區 › 首頁 › 夫婦情感› 照顧小朋友問題

夫婦情感

收藏本版
發帖
返回列表
跳至頁
照顧小朋友問題 [複製鏈接]

首頁
1

尾頁
   0
Rabbitson


別墅

積分: 570


1#
發表於 12-5-14 01:27 |只看該作者
都唔知係我問題定個c6問題，平時佢返工好長時間，早上八點出門，晚上十一點才返到家，平時佢一返黎就會去沖涼，有時細仔（剛一歲）會夜訓，爸爸沖完涼都未訓，咁我就想佢爸爸睇佢一陣，等我可以去沖，但個死人頭，要佢睇一陣好似求佢咁，一係就話個仔唔肯俾佢暗訓教，一係就話自己要食啲嘢一係話自己好眼訓，總之佢想我搞掂埋個仔先去沖，但搞埋個仔訓，我最快都要點幾先有得沖，兩點幾至有得訓。但係平時個仔早訓的話，佢就拎住部電話打機打到兩點幾，又唔見佢話眼訓！第二朝又我最早醒，整嘢俾大女食，湊佢落樓坐校車，但有時我老公晏返工，只係差三分鐘都唔肯帶埋個大女落去上車！佢好似好唔願意分時間俾對仔女咁，我明佢返成日工會累，又無時間對住啲仔女，先至想俾返啲親子時間佢地，都好似好唔願意咁！只係十幾分鐘姐！之前佢一咁樣態度我就會唔彩佢，咩都自己黎，費事求佢，佢見我咁，佢又會主動話帶女落樓，但過一排又回復原狀，到底係咪我要求高，唔應該要佢睇啲仔女呢！我好憎見到佢嗰啲面口，早上問佢你今日帶唔帶到個女落去呀？佢即時就話唔得，趕唔切，但三分鐘，大家只差三分鐘，咁都唔肯，驚死我一定要佢帶咁，好討厭！整整下我都唔問佢，廢事一早要睇人面色，我淨係諗，生就識生，時間又唔肯付出，仔女你都有份，淨係搵錢就咩都唔洗理嗎？唉！
私人傳訊

謙仔媽


大宅

積分: 2224


11#
發表於 12-5-20 23:52 |只看該作者

回覆 回覆:yikaho的帖子

講的好。
私人傳訊

mspigpig


男爵府

積分: 5158

玩具勳章 畀面勳章 BK Milk勳章


10#
發表於 12-5-20 20:31 |只看該作者
聽你地咁講﹐全職媽媽真系吾易做喎﹐我依家系在職媽媽﹐一星期只揍BB兩日﹐但我C6好幫我手架﹐佢一星期返工返足6日﹐我好彩D﹐5日嗟﹐雖然有時佢顧住睇電視或者玩電話﹐個仔嚮度搗亂佢都吾理(我煮住飯或洗緊野)﹐但一嗌佢﹐佢即刻會睇住BB﹐平時佢放工返黎﹐我話要做乜做物﹐叫佢睇住個仔一陣﹐佢都肯幫架！至於出街﹐我B吾肯自己行﹐要人抱架﹐仲要好多時只系要我抱﹐我C6好想幫我﹐但佢一抱﹐BB就喊﹐所以自己好累都無計！吾系C6吾幫手﹐系個仔要折磨自己嗟！
私人傳訊

DGH


複式洋房

積分: 287


9#
發表於 12-5-20 19:01 |只看該作者

回覆：yikaho 的帖子

Agree, 所以我幾辛苦都返工，老公又肯同我 share 湊仔做家務，我份糧賺黎自己洗，又可以買野氹下老公同兩個仔，真係好爽！

私人傳訊

yuhoma


複式洋房

積分: 440


8#
發表於 12-5-19 23:17 |只看該作者

回覆：照顧小朋友問題

我個c6都係，我放工番屋企立刻幫兩個仔溫習，自己帶出帶入學嘢，由朝忙到晚，佢就大爺咁，有時叫佢睇個仔功課，可以漏做教錯曬，又唔比家用，全家我頂曬，雖然我人工高佢三倍，但都唔好咁過份。上次同我有吵咗場小交，佢居然話個仔考第一名會逼死佢，個仔生性好學自動波溫習，考第一都唔得，激死我！
私人傳訊

wingwing-0-


複式洋房

積分: 179


7#
發表於 12-5-19 23:00 |只看該作者

照顧小朋友問題

樓主好叻呀，家中事無大小自己一手一腳搞店！男人>>追你就係寶，生完當係草！樓主要堅強獨立有主見啊，搵反份兼職都好呀，呢個社會人人平等呀，你老公可能覺得佢有錢比你，咁屋企就唔理得咁多！我都係ftm，但我湊兩件仲有時間扮靚同學野，我亦都同老公講明我一星期只煮三四餐飯(個女就曰曰煮)，男人娶老婆反黎唔係當阿四呀。
私人傳訊

bi_hui


男爵府

積分: 6478


6#
發表於 12-5-19 22:56 |只看該作者

回覆：照顧小朋友問題

男人就是這樣。
私人傳訊

wingwing-0-


複式洋房

積分: 179


5#
發表於 12-5-19 22:51 |只看該作者

照顧小朋友問題

我老公會幫手照顧小朋友喎，尤其係我病左或佢放假，佢會叫我休息佢幫湊一陣！收工又第一時間陪個女撩下佢玩一陣先。當初有bb講明要一齊湊！男人要爽要愛愛要舒服，中招bingo呢？搞得出大家都有責任，一係就唔好生！男人>>咸濕唔係大哂囉！
私人傳訊

yikaho


子爵府

積分: 13737


4#
發表於 12-5-17 10:49 |只看該作者
好明顯係你老公問題~ 不過正如樓上jm所講, 好多男人都係咁~

如果只係呢樣嘢, 其他嘢佢都唔係對你太差, 而你又唔打算同佢分開, 就放長雙眼, d仔女知道老豆唔錫佢哋, 大個想佢哋孝順佢都几難... 不過你都唔好喺d細路面前數個老豆, 費事做衰人, d小朋友好醒, 唔使你講都知, 但你一講, 你老公就會話係你教到佢哋咁~

生就識生，時間又唔肯付出


車, 你生之嘛, 佢爽完嗰下就算架啦... 你頂得順就頂埋佢啦... 做ftm冇乜牙力, 佢覺得唔使你出去做嘢就要做晒家裏所有嘢, 佢就有放工, 你就冇.... 等d小朋友大d搵份part-time做抬返起自己個頭吧~

教 養 孩 童 ， 使 他 走 當 行 的 道 ， 就 是 到 老 他 也 不 偏 離 。 (箴22:6)
Train up a child in the way he should go: and when he is old, he will not depart from it. (Proverbs 22:6)
私人傳訊

niyuki_0619


大宅

積分: 2884


3#
發表於 12-5-17 02:22 |只看該作者

回覆 回覆:Rabbitson的帖子

同我隻c6一樣吖！叫佢凑一陣好似要佢去死咁！
私人傳訊

candy1984


複式洋房

積分: 203


2#
發表於 12-5-14 01:55 |只看該作者
唉，完全明白！同我老公一模一樣
好似搵錢返嚟就大晒，個家同個囡完全唔關佢事
但我得一個三歲大嘅囡，無你咁辛苦。

有時我同個囡去99屋企，同佢返工同一方向搭火車，
叫佢等我兩分鐘一齊出門一齊搭車，幫手輪流抱吓個囡都好吖，
佢都即刻話「唔好呀，唔等呀！」
洗唔洗咁呀…

所以我依家都唔叫佢幫手，盡量唔要求佢做嘢
如果真係唔得閒我都叫我家姐／媽咪／99幫我睇阿囡好過
真係無辦法先叫佢…

唉，算喇，唯有諗多啲佢優點喇
除非你諗住同佢分開，如果唔係只有改變自己睇法
否則只會感情變淡架咋
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見