興趣嗜好 今日: 2 | 主題: 123925

積分: 11724

1^#

發表於 13-8-13 16:18 |只看該作者 |正序瀏覽 |打印

我隻狗9歲幾，上星期六突然唔食野又冇精神，夜晚同佢去睇醫生，醫生話佢急性胰臟發炎，要留院三日。本來今日出院，星期日去探佢時精神ok，尋日醫院都話佢穩定。到今朝診所一開，即刻打去問幾時出院，佢話要等三點後，醫生睇左情況先決定。點知過左一陣，就收到電話話狗狗唔得，我老公話我地會趕出嚟見佢，叫佢等埋我地，點知趕到出去，醫生原來已經同佢拔晒喉，我連佢最後一面都見唔到.....我唔想佢以為我地唔要佢，最後得佢自己一個。果晚等報告，我抱左佢去附近公園坐，冇諗過會係最後同佢相處嘅時間，如果我知道佢將會離開，我一定會帶佢返屋企，陪佢到最後。
我知道總有一日要面對佢離開我，但我接受唔到我送唔到佢最後一程，要佢孤單咁走，一諗到呢度我d眼淚就係咁流，我覺得好對佢唔住.....

0 0 0

私人傳訊

積分: 11724

24^#

發表於 13-8-22 13:10 |只看該作者

回覆 sandy38 的帖子

呢樣野真係好無奈，因為寵物自己唔識表達，我地跟本唔知佢地發生咩事，只好靠醫生。我地想寵物好返，就唯有聽醫生說話做，佢話做咩檢查，要幾多錢都照做，如果唔做，又怕會害左隻寵物。所以搵到一個好獸醫真係好緊要。

私人傳訊

sandy38

民房

積分: 11

23^#

發表於 13-8-22 01:36 |只看該作者

SAA 無良診所,大家一定唔好去.
事件發生在2012年10月,我隻貓因為更換厠所後,發脾氣唔肯去便便!起初帶過睇獸醫,話佢肚內冇問題,肯食.之後約十日先有便便!去過兩三次後就一路冇!個幾月後更唔肯食,食少少又嘔,當時情況都幾差!
又識先打聽,見附近有呢間以保護遺棄動物為名的寵物診所,心以為會有愛心,就再帶貓瞄去睇.
當時該獸醫話"都幾嚴重,先照X光再睇睇,要千幾二千." 我答應.報告出了
獸醫:佢都幾嚴重,要輸血先得.費用要三四千. 我:吓要咁貴! 獸醫:咁一係同佢打針安樂死囉, 我:梗係唔得啦,佢因發脾氣唔去便便咋,點可以要佢死. 獸醫:咁你考慮吓先.
我同丈夫商量後決定要救貓貓. 獸醫:先留院吊鹽水,今日星期日未必搵到啱血型,可能耍聽日先得.我地陪住貓貓吊鹽水個幾鐘後,工作人員問我有冇兩三歲的貓,幫忙帶來驗血,睇吓是否啱血型.就帶了家中另一隻貓去驗.好快結果係啱.當晚兩隻都留院,明早做手術.陪住貓貓到5點見佢情況有D好轉就回家!家人6點幾睇過,影咗D相.
晚上回想似有不妥,點解我話貴就叫我隻貓去安樂死.咁冇醫得!點安心俾佢繼續做!成晚瞓唔着!決定明天一早帶番兩隻貓走,另聘高明!
10點才開店,9點半先打去問我兩隻貓有冇事,做手術未?對方:冇事,等醫生返就做.即叫佢停,等我過來睇吓貓貓先.9點45到達,表明來意後叫我地坐下等等!等了十幾分鐘後都未有帶貓貓出來,心急再問,對方:冇病個隻就可以俾你,有病個隻就唔俾得. 做緊急救,心臟突然停頓. 我話冇可能,剛才都話冇事,點會咁,我即大吵要帶走貓去別處搶救.爭吵一會後帶入內,見到它巳被插晒喉,奄奄一息.又要我簽名打安樂死,我唔肯,只想快帶它走,去搶救.佢地攤住唔俾我地走,要我結好賑才可走,日前巳放4千按金,現要急救,稍後再計.結果途中死在我懷裹.不到10分鐘到達另一間診所,姑娘見狀即帶入內,但醫生話:巳經走咗!後來將X光報告及情況告知,"係好嚴重,但未致於咁快死"
原來動物生命可以咁,要你死就即死"
唔知可以點做先可以幫貓貓尋寃得雪,我個心到現在都好痛!好痛!

私人傳訊

Lucina.cheung

積分: 1070

畀面勳章

22^#

發表於 13-8-21 03:26 |只看該作者

回覆：見唔到狗狗最後一面，好唔安樂......

私人傳訊

esmehouse

寶石宮

積分: 382295

2024年龍年勳章 2024勳章 2023年兔年勳章虎到金來勳章牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章醒目開學勳章 hashtag影視迷勳章貓狗褓姆認識瑞士牛牛第一回美好大世界2017勳章開心吸收勳章

21^#

發表於 13-8-19 17:29 |只看該作者

我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.

私人傳訊

kklee0826

積分: 4735

20^#

發表於 13-8-19 14:08 |只看該作者

引用：唔好甘傷心,+我隻狗狗都係星期五走左,+佢得

原帖由 Ponys 於 13-08-19 發表
唔好甘傷心, 我隻狗狗都係星期五走左, 佢得5歲半.

佢係急性腎衰歇, 前個星期睇醫生, 驗左血, 醫 ...

一路睇一路想喊。。。

私人傳訊

積分: 11724

19^#

發表於 13-8-19 13:01 |只看該作者

Ponys 發表於 13-8-19 12:37
唔好甘傷心, 我隻狗狗都係星期五走左, 佢得5歲半.

佢係急性腎衰歇, 前個星期睇醫生, 驗左血, 醫 ...

咁你個醫生都幾好，起碼佢照實同你講病情，唔會叫你做一大堆檢查或留院。我狗狗個醫生，我同老公都決定就算遲d會再養寵物，都唔會再睇呢間。

其實送狗狗入院果晚，我都預左佢唔得，因為佢急性胰臟炎仲有皮膚癌。但醫生就話佢皮膚癌情況唔嚴重，話留院三日醫左胰臟炎先。再決定皮膚癌點醫。留院頭兩日醫生都話穩定，但之後又話可能膽有事，到星期二本來出得院又話佢唔得，仲唔等我地就即刻同佢拔喉。我有d懷疑佢地係驚狗狗留唔足3日院，我地會叫佢退返留院費，因為入院時已俾左成5千蚊檢查費，留院費同药費。所以佢地到出院前先話佢惡化.....如果佢入院果晚已經同我講佢情況咁差，我唔會俾佢留院，寧願帶佢返屋企陪住佢，最後反而另佢受左兩日苦，又見唔到我地.....

私人傳訊

Ponys

積分: 2409

18^#

發表於 13-8-19 12:37 |只看該作者

唔好甘傷心, 我隻狗狗都係星期五走左, 佢得5歲半.

佢係急性腎衰歇, 前個星期睇醫生, 驗左血, 醫生話佢唔留得幾耐, 帶左佢返屋企, 佢開始唔食野, 又成日嘔, 醫生話係甘, 我同醫生講佢肯食雞肉同豬肉, 可唔可以比佢食, 醫生話蛋白質太高, 唔可以, 但佢唔肯食野, 只飲少量水, 我話甘都唔得, 最終用針筒灌佢飲特製奶粉, 但每次只可以飲好少, 同埋好快又嘔番出黎, 到左上星期狗狗已經由25磅, 得番17磅, 睇住佢, 我都唔知可以做咩, 其實由醫生同我講個一刻, 我係公司已經忍唔住喊, 狗狗由出世到而家一直係我家中一份子, 突然間佢既生命好快就結束,
我真係接受唔到 (狗狗媽媽重係屋企, 但身體唔係幾好), 醫生講過, 佢真係好痛苦就比佢走, 但我真係唔捨得, 上星期佢情況一直惡化, 我打算星期六都係帶佢睇醫生, 睇下可以點樣, 令佢無痛苦先, 點知, 可能佢都唔想我哂錢, 星期五自己靜靜地在廁所離世, 工人去完後花園再入番屋, 就見到佢而經走左, 工人即刻喊住打比我, 我都忍唔住, 喊左出黎, 雖然都已經接受左, 佢好快會走, 但就係走得好快, 所以你都唔好傷心, 狗狗都唔想我地傷心.

私人傳訊

積分: 11724

17^#

發表於 13-8-17 09:26 |只看該作者

cccchristyyyy 發表於 13-8-17 07:54
睇到喊左，唔好怪自己啦，狗狗一定感受到你對佢嘅愛架~~wish he rip

Thx!心情已平伏左d，只係仲係自閉中，因為怕聽到d唔想聽嘅說話....

私人傳訊

cccchristyyyy

積分: 1592

16^#

發表於 13-8-17 07:54 |只看該作者

回覆：見唔到狗狗最後一面，好唔安樂......

睇到喊左，唔好怪自己啦，狗狗一定感受到你對佢嘅愛架~~wish he rip

私人傳訊

積分: 11724

15^#

發表於 13-8-16 23:06 |只看該作者

bebu_jj 發表於 13-8-16 12:25
睇完你個post令我諗起自己都經歷過……雖然已經發生左好幾年但伊家都覺得好自責！不過相信狗狗吳會嬲我地… ...

我爸話狗狗入院果日，覺得佢好似成日想出去咁。老公都話聽過有貓狗知道自己會離開，怕主人傷心就會籬埋喎，可能佢地想安慰我啦。不過我爸話夢到狗狗沖完涼d毛好鬆，坐返喺佢平時個位度看門口。雖然我自己仲未夢到狗狗，但聽完個心都舒服左d。

私人傳訊

bebu_jj

男爵府

積分: 6828

14^#

發表於 13-8-16 12:25 |只看該作者

回覆：見唔到狗狗最後一面，好唔安樂......

睇完你個post令我諗起自己都經歷過……雖然已經發生左好幾年但伊家都覺得好自責！不過相信狗狗吳會嬲我地……而且佢已經比起好多狗幸福，因為有我地全心全意愛佢……

私人傳訊

積分: 11724

13^#

發表於 13-8-15 08:48 |只看該作者

尋晚將上年鉤俾佢，但因為唔夠冷而未完成嘅衫，改左做一條頸帶同一個袋，頸帶會陪住佢，而個袋我會用嚟裝住佢個骨灰龕帶返屋企，係我對佢最後嘅心意，希望佢會鍾意。整完之後心情好左d......

私人傳訊

ammon.wong

男爵府

積分: 8849

12^#

發表於 13-8-14 23:36 |只看該作者

R.I.P.
狗狗係會明白你架..

Cheers,

阿檬

私人傳訊

kklee0826

積分: 4735

11^#

發表於 13-8-14 23:30 |只看該作者

回覆：見唔到狗狗最後一面，好唔安樂......

你唔開心，佢會知道的。
別再責怪自己

私人傳訊

QQdevil

侯爵府

積分: 21832

BK Milk勳章

10^#

發表於 13-8-14 09:10 |只看該作者

RIP

私人傳訊

積分: 11724

9^#

發表於 13-8-14 06:26 |只看該作者

Sk818 發表於 13-8-13 22:46
狗狗在彩虹橋見到你現在唔開心佢亦會唔開心𠺢
記得有朋友講過，狗狗好識性，如果自知自己有事，就嚟 ...

我都未決定到之後d骨灰點處置好，當然想佢可以陪住我，但聽人講如果將骨灰放屋企，佢會唔捨得走。我尋晚瞓唔到，瞓一陣就醒，好想再見佢一面.....

私人傳訊

Boyboy817

別墅

積分: 587

8^#

發表於 13-8-14 04:02 |只看該作者

回覆：見唔到狗狗最後一面，好唔安樂......

睇到好心痛、RIP

私人傳訊

TONG423