回覆：「記錄」一個複雜嘅家庭！（更新）
本帖最後由 Nicolelovebaby 於 14-10-5 09:14 編輯
2012.11月，6299，老公嘅二姨，三姨，舅父一同回國。
原因：6299個細仔12月份補擺結婚酒，同時又可以見下我呢個未來新抱。
話說有一日，我同我媽嗰邊啲親戚去飲早茶，咁啱得咁橋，表嫂話我知6299同佢啲親戚又喺嗰度飲早茶，我行過，蜡下眼，我見到好似成班黑面神坐咗喺度咁，心裡有些小“協“。
當然，我無主動同佢哋打招呼，畢竟未見過，如果我主動行埋去好似怪怪哋咁。覺得都係等老公飛番嚟先作正式介紹咁會好啲。
2012.12月老公終於飛番嚟。
之前講好咗我去接佢機，嗰次亦都係我哋第一次見面。
老公嗰次係十幾年嚟第三次飛番嚟，佢哋每次飛番嚟都會喺佢姑姐度暫住。
之前我哋都有商量過，我接完佢，我就會直接番屋企。點知老公100%反對，佢想我跟埋佢番佢姑姐度，佢話如你要番屋企，咁我都跟埋你番屋企， 老公係一個講到做到嘅人 。我話咁樣唔好，你啲親戚肯定有說話畀我聽。
今日先係我哋第一次正式見面，事實上，我覺得佢去我度暫住，同我去佢姑姐度，都唔係咁好，但老公態度堅決，我就為有跟埋佢番去佢姑姐度。
當時已經凌晨1點幾，第一次正式見6299，我心情超緊張。一入門口：6299，二姨，三姨，舅父，姑丈，姑姐成群人湧咗出嚟，老公同佢哋say hi，而我就全程微笑。
我知道入屋要叫人，雖然唔知邊個打邊個，都有叫叔叔阿姨。而老公可能太攰，一直忘記咗同我介紹佢啲親戚。我有提佢，佢又講得唔清唔楚咁。後嚟聽佢哋講嘢我已經大概估到。
凳都未坐暖，最勁嗰個人物佢姑姐終於出聲，講咗啲我知道係單單打打，但又唔係好明嘅說話。
我笑住細聲問老公係咩意思？
老公笑笑囗講：“唔使理佢，佢講緊我啫，佢嬲我啫……“
跟住三姨爆咗句：“之前去飲早茶見到嗰個係佢嚟咩？唔係呀嘛？唔同咗嘅，依家睇上去靚好多喎，喂，真係佢嚟咩？“
聽完之後我同老公笑笑口咁互相對望。（心諗：原來嗰日黑面係因為覺得我醜！）
老公入房攞咗樣嘢出嚟：“嗱，我買咗條咁嘅鑽石頸鏈……“（個個都問送畀邊個，其實係打算送畀我嘅）
姑姐（高8度嘅聲音）：“哇，係咪送畀我㗎？你幾時又送番條畀我啊？“（啤住老公，簡直想攞住唔放咁款，睇得出佢嬲，但一直唔知嬲乜，計劃聽朝飲早茶，佢仲嬲到話唔去tim）
唉……佢姑姐份人，貪心，又小氣，把口又唔收，當時一早知佢咁，我會阻止老公咁做。
當時深夜2點幾真係好攰，第朝仲要早起飲早茶，死得……（待續……）
5W1D，無胃口，瞓5好，肚好似M痛，體重輕咗1磅!
發表於 
返回列表
