1-3歲 今日: 0 | 主題: 19431

積分: 1387

22^#

發表於 21-6-18 00:30 |只看該作者

樓主我都分享吓我既情況。我仔仔同樓主你既小朋友差不多大，而家20個半月，佢一路都唔識講野，冇發過有意思既音，bb話就ee erer, 亦都唔係好回應我地，例如叫佢佢唔回頭（其實正常聽到大大聲都會回頭，係對聲音既反應，但佢聽覺係冇問題，所以係其他地方有問題），同佢玩佢唔同我玩，會自己玩...我咁岩響佢5個月大到佢18個月大呢一年做左ftm, 一手一腳湊大就留意到好多細節同好敏感/敏銳，所以歲半去健康院時同姑娘反映情況同憂慮，安排左家長問診（姑娘想查問主要照顧者，但當時我返新工請唔到假去健康院，果日係老公帶仔仔去打針，所以第2日打黎問我）,我答左佢堆問題之外，仲講多d日常發生我覺得唔尋常既情況 ,之後姑娘覺得bb要接受言語評估，我同姑娘講唔理評估地點，邊間快就去邊間，最後排到2歲做評估，我覺得已經好快，因為聽人講係排好耐。
樓主你黎緊有冇覆診或去健康院之類既野，因為除左私人評估，如果能夠厚面皮d（我指我）博得政府既評估機會，雙線進行，當second opinion 又好，當慳d錢都好，排左先，到時已經唔需要再決定去唔去。
我都研究緊私家評估同訓練，針灸都研究緊，打算響佢進入n班後都冇改善時就action(我唔排除係因為我既原故，係我唔識教，學校既群體生活可能會激活左佢）。所以我特登比佢讀N班, 讀K就太遲了. 亦都特登搵左一間有JOIN兼收計畫既學校, 我相信學校既然有兼收老師, 成間學校都會對呢類小朋友會了解同包容多D, 同校有兼收老師, 又有機會快D得到訓練.
我地都好好地把握黃金治療時間，我當然寧願係我地兩個做亞媽既過份敏感，做多一步，都想bb之後既路走得容易。
一齊努力

私人傳訊

積分: 1387

23^#

發表於 21-6-18 01:00 |只看該作者

有同類媽媽教過我（佢出去上左d好貴既堂學點幫助小朋友），小朋友需要刺激多d前額葉，可以同小朋友轉吓有碌椅（即係公司果d), 打多d千秋，同埋用棉被卷住小朋友玩「卷腸粉」，呢d都係帶有轉動/律動既遊戲。
雖然我自己冇上過堂又唔知係咪對每個小朋友既情況都有效，但我覺得本身呢類遊戲都係簡單而冇傷害性，小朋友亦都係玩得開心既，所以我有多玩。
因為疫情，我買左個千秋響屋企添，貴就唔貴，因為係2手既，但係好阻地方，小餐桌都要變細摺桌，個廳冇曬位。
掉返轉諗，可能因為我覺得自己做d野，有為仔仔而努力，所以心態上反而變得正面。
我都有好傍偟既階段，尤其當身邊同年一齊生b既幾個朋友（豬年特別多）, 佢地既b都好正常發展，只有我連「媽」呢個字都未聽過（其實好想聽到佢叫我一聲，知道我係你媽媽），亦只有我同亞仔每次出街都好似追賊咁，佢一路fing開唔比你拖，又學訓地（都唔知邊度學返黎），又狂奔跑追到你死，馬路都衝出去，聽唔明指令叫佢停...個個行過都會回頭望我既失態，真係好難話無感覺。
但我知道，只要我愈正面，心態正直唔over, 唔好將件事放到好大，但又肯持續學習同去嘗試，對亞仔既幫助肯定係最大。我一路都係如此相信。

私人傳訊

bbchumama3

積分: 1438

24^#

發表於 21-6-20 06:34 |只看該作者

你好！BerniceL

謝謝你的詳細分享。

我這陣子有段時間很正面，有陣子好消極，特別見佢開始玩眨眼，fing 頭，在車上郁來郁去，在餐廳上大哭，以前出街都肯行下，而家完全唔肯行，扭抱，在家冇時停，一系企系枱上，椅上……我真的好辛苦。而自己同佢講/教佢唔好，佢又唔明。我真是心如刀割…

我提早2星期去健康院，只見姑娘，我都講得佢好嚴重，希望快做評估，但佢不斷遊花園，剩系話要見左醫生先，仲要系等下月醫生電談(因疫情唔面見)，姑娘話如他說有需要做評估，都要等一段時間……個姑娘比我感覺好差，見面其間呀仔走來走去，坐唔定，我要抱住仲要企系度先可免强同姑娘傾，佢都冇話幫我快安排評估……

而家同仔上緊playgroup,好明顯佢系突出的一位，完全坐唔定，找玩具玩，聽唔明指令……想過唔番，但為左呀仔，硬着頭皮，只想佢學到少少羣體和少少指令，安坐巳很開心

而家報緊協康評估，大概要8月頭先可做，唔想私家，因貴，想儲起D錢來比佢日後讀私家課程

我買了yoga ball,和隨道，但隨道佢不愛玩，有時放他最愛的食物在入面引佢捐，時得時唔得

而家最頭痛系佢怎樣在家少D走來走回，學會坐耐D，出街唔好扭甘多抱。

我都冇同人講，一來未做評估，二來講左又點，又或者我怕人label左佢……而家都同佢去公園玩，D小朋友走來同佢打招呼，話一齊玩，我仔當然冇彩佢，跟住我解釋比佢聽佢未明白你講乜，又時仲解釋比佢媽媽聽佢唔鐘意同人玩，有D自閉傾向……唉！但在公園呀仔需然自己跑來跑去，佢好開心，我扮捉佢，都話有D eye contact,大家都話有D甘 dur互動，我都好開心

希望大家小朋友一日一日進步

大家一起努力，共勉之

私人傳訊

ame1128

積分: 2700

25^#

發表於 21-6-20 15:07 |只看該作者

回覆 Curtis0917 的帖子

可以PM我嗎? Thanks

私人傳訊

Curtis0917

積分: 326

26^#

發表於 21-6-20 17:01 |只看該作者

ame1128 發表於 21-6-20 15:07
回覆 Curtis0917 的帖子

可以PM我嗎? Thanks

本帖最後由 Curtis0917 於 21-6-20 17:02 編輯

del

私人傳訊

積分: 1387

27^#

發表於 21-6-21 03:45 |只看該作者

回覆 bbchumama3 的帖子

我一放工就會衝返屋企帶bb落一落街玩，放佢電又好，接觸吓世界又好，總不能成日都困響屋企，會悶親佢。但放工再玩捉賊仲要咁熱既天氣係非常攰...其實我有比電視佢睇，通常都係晚餐時間同之後，隔日有YouTube, 睇30分鐘左右，呢d時間佢就會靜d同定d, 雖然唔係咁好既方法，但佢唔會好似其他小朋友咁睇吓書，玩靜態遊戲，捉住佢佢又反抗，我暫時未諗到點誘導佢。佢自己一個人玩時都好靜唔需要大人陪同，例如佢會拎住一個小玩具坐響地下，掟玩具落地，執起，再掟...玩好耐...（唉，我寧願你玩第二樣都唔係玩呢款）

你果間健康院既姑娘似乎有點hea... 不過佢都叫幫你「安排左」，你又嘈唔到佢d乜野...唯有照排。

但你如果搵n, 真係搵d有兼收老師既學校好d, 起碼多個專業人士響學校，請教佢地都方便d。
我本身都唔係虎媽類，而小朋友而家既情況又咁不定，能夠搵/安排多d人響佢身邊幫到佢成長，已經好好。
你可以上網睇吓，邊d幼稚園有行兼收計劃，我果區有2間，因為疫情，收生不足，我in 2間2間都收左，仲係最近2個月之內既事，相信真係好多人退n, 你襯而家衝入去攝位，應該都成功的。

私人傳訊

積分: 1387

28^#

發表於 21-6-21 03:54 |只看該作者

https://www.swd.gov.hk/tc/index/ ... ing/id_integrated2/

呢個list你可以參考吓

私人傳訊

manman_1110

積分: 338

29^#

發表於 21-6-24 23:20 |只看該作者

bbchumama3 發表於 21-5-17 09:59
請問有冇家長的仔女同我仔一樣，快2歲唔講野，，識聽簡單指令，冇眼神交流，唔手指指，不懂模枋扮食玩具生 ...

我囝囝都係咁！2歲時就立即搵人同佢做評估！結果係言語發展嚴重遲緩！然後去搵私人言語治療師，因為政府要等好耐！同時建議你去搵衞生署外展訓練服務，評估加埋排期要等上年半時間！同埋要去HA排埋言語治療！以上服務都係需要搵醫生轉介，所以建議你去搵家庭醫生寫轉介信！會加快進度！唔好再等，治療係有一個黃金期，千祈唔好錯過！
我係過來人，好明白你嘅感受，真係好擔心！

私人傳訊

manman_1110

積分: 338

30^#

發表於 21-6-25 00:12 |只看該作者

manman_1110 發表於 21-6-24 23:20
我囝囝都係咁！2歲時就立即搵人同佢做評估！結果係言語發展嚴重遲緩！然後去搵私人言語治療師，因為政府要 ...

我囝囝而家三歲半啊，但係仲未講得出一句句子！喺兩歲嘅時候我安排佢去見言語治療師同埋報讀N班，我認為真係幫到佢！最近interview K1表現唔錯！雖然唔係句子但係老師嘅問題佢條條都識答！
而且而家仲入讀一間心儀嘅幼稚園！所以我哋一定要積極面對問題

私人傳訊

bbchumama3

積分: 1438

31^#

發表於 21-6-25 23:35 |只看該作者

回覆 manman_1110 的帖子

謝謝manman_1110的分享……你小朋友可能只是語言遲緩，沒有其他問題，所以好快見到改善和加埋你既努力。
我小朋友應下月尾便做心理評估系協康會，而家在step上緊堂(剛上左一堂)，主要系玩遊戲來教佢專注力，希望有幫助啦。
我都想報N班，但兼收的巳full,現等waiting list, 同時我考慮到到上playgroup我系度都好似甩繩馬騮，又走，又訓唔聽指令，到時返N實比人投訴，投訴唔緊要，系怕整傷自己(因孟孟中中)，可能我太多顧慮吧……

私人傳訊

annieoran

洋房

積分: 39

32^#

發表於 21-6-27 00:05 |只看該作者

好感動睇到呢個post😭有同路人
我仔仔都係剛2歳但除左爸爸媽媽，其他都係呀呀的bb話。係小朋友差唔多歳半，帶左去playgroup,上左冇耐就發覺同同齡的發展已經有d距離，但心裏面同自己講唔好同其他小朋友比較。結果越來越擔心。21號去左健康院見護士，小朋友坐唔定，係甘走，護士只係話要等醫生電話，就算有事都唔係佢轉介，叫我記得留意電話。而家努力自己搵緊屋企附近的言語治療服務。身邊冇朋友有甘的情況所以又講唔到（朋友冇小朋友），先生反應都係甘上下，話番工已經好辛苦處理唔到甘多，自己都失眠左一段時間，而家調節緊自己心情，希望大家媽媽加油🥲唔知媽媽想唔想開whatapps Group傾？想就pm我希望係晚上訓唔著的時候大家講句加油🙇🏻‍♀️

私人傳訊

Curtis0917

積分: 326

33^#

發表於 21-7-13 08:27 |只看該作者

Curtis0917 發表於 21-5-31 13:28
本帖最後由 Curtis0917 於 21-5-31 13:32 編輯

我個仔2yr都唔識講爸爸媽媽，健康院比我地去排期做評估 ...

糾正我之前係到講果d野，昨天問左負責既老師，佢話每日佢會有半小時同仔仔做訓練，每兩個月明愛會有一個語言治療師過黎幫仔仔做評估，每三個月社署會有人黎幫仔仔做大小肌肉訓練，老師應該唔係語言治療師，不過係有經驗，因為學校一直有呢個服務。

私人傳訊

KYC0308

積分: 2094

34^#

發表於 21-7-15 19:25 |只看該作者

Curtis0917 發表於 21-5-31 13:28
本帖最後由 Curtis0917 於 21-5-31 13:32 編輯

我個仔2yr都唔識講爸爸媽媽，健康院比我地去排期做評估 ...

我都想知邊間幼稚園，請pm，謝謝

私人傳訊

積分: 1387

35^#

發表於 21-7-21 12:50 |只看該作者

update 0下: 我最近TB左支點讀筆連書比亞仔玩, 因為佢成日都跑, 坐唔定, 我好累啊...佢一開頭唔識玩, 但係日日都塞比佢玩又同佢一齊玩/我自己好誇張咁玩吸引佢過黎, 佢而家識玩啦, 當然唔會因為咁而開金口(我仲未等到個媽字), 但起碼知道支筆係可以點去咩書同卡度會有聲...(雖然LEVEL好低, 但我已經覺得有進步了)
大家都可以試下...咩都試下嘛....

但另一方面, 佢鍾意搭LIFT既情況嚴重左, 自動導航既情況都明顯左(即係一落街就衝閘咁去一個固定既路線, 條路線由一開始短, 到而家好長佢都記得, 我就算好遠好遠, 先放佢落地, 佢一樣千里迢迢咁去得返個LIFT位之後玩LIFT唔出黎

...)

私人傳訊

annieoran

洋房

積分: 39

36^#

發表於 21-7-31 09:06 |只看該作者

各位媽媽🙇🏻‍♀️
我係呢段時間搵左私人評估，評左整體發展遲緩半年左右，懷疑有自閉症傾向🥲playgroup媽媽介紹下讀緊屋企附近的密集班，讀左好好多，隻眼開始有番靈魂，仲識左好幾人同路人媽媽。岩岩都搵到屋企最近的兼收位幼兒學校，希望k1排到I位。昨日去埋心理學家轉介的精精神醫生做咩評估，暫時確定係自閉，準備等醫生再見面傾做咩訓練💪🏻個自閉評估其實個標準都幾高，我做到一半都知小朋友應該pass唔到😂各位媽媽加油！

私人傳訊

kik11

積分: 1475

37^#

發表於 21-7-31 17:35 |只看該作者

annieoran 發表於 21-7-31 09:06
各位媽媽🙇🏻‍♀️
我係呢段時間搵左私人評估，評左整體發展遲緩半年左右，懷疑有自閉症傾 ...

請問你小朋友係邊間到上密集班咁快有位？我排緊隊仲未有得上，想知，謝謝

私人傳訊

KYC0308

積分: 2094

38^#

發表於 21-8-9 13:30 |只看該作者

提示: 該帖被管理員或版主屏蔽

私人傳訊

akko2morita