Vic920 發表於 22-1-18 10:18
基金係買一籃子既野,例如好多隻股票/債劵/貨幣劵等,分散風險。係香港,主要可以從股票市場,銀行保險都買到基金。(MPF 都係基金)因為監管規定,季報資料只能顯示頭 10大公司 ,通常都係佔 30 - 40%左右。
股票市場買到既叫 ETF (Exchange Trade Fund) ,在香港,大部份都係以香港及亞洲區為主。
好處: 一般手續費平,容易 trade,門檻低,有些以指數為主而且有槓桿成份 7200/7500(被動型),有些會類似以股票為主(主動型),例如 2800。 其實只要一上 AAstock 就會一目了然。
唔好處 :上落都可以好大,每一次 trade 都有費用,大多花多眼亂,有些新興地區沒有得揀。其實同買股票沒有分別。
Vic920 發表於 22-1-18 10:23
而基金單(即投資相連),但係經由銀行或保險公司買。通常都有月供同一筆過。
好處係 :有些特別的版塊或地區有得揀,有得揀派息(5厘至10厘),鎖定年期短,通常 4-5年就可以唔駛手續費攞返出黎(一筆過)。轉基金不收費。有agent 跟。
壞處係:其實某些類型基金上落都好大,基金管理費相對高,提早攞返要有手續費(越早攞返越少,特別月供),要鎖定一定年期。
其實係睇你想要乜目標或類型, 世界上冇絕對的零風險投資,一定要知識去支持。
如果遇著個好既又識野 agent ,都可以幫到賺錢/蝕少d,至少會比到分析係 make sense。 但遇正 d 9up 又乜都唔識分析,浪費錢。
Vic920 發表於 22-1-18 10:35
有介心同小心係同意,因為有d agent 係背後可以收埋哂手續費唔講,最後回報差左,風險更大。特別係月供基金,我都唔建議去做。 一筆過既話就睇情況啦,都係個句,睇人。
如果炒個股同 ETF ,我會寧願買 ETF 好過個股。 但係股票市場太多選擇,太易入門,有d 人唔識就走玩,都會損手爛腳。