成個8月都好忙，冇咩點睇新劇，加上奧運期間冇人敢上大劇，上咗都俾奧運搶晒熱度，上咗嘅好多本身就質量麻麻，加上奧運期間宣令傳都冇咩水花，有D索性宣傳都慳番。
張凌赫連出幾套都唔熱，包括同趙今麥嘅度華年，同景甜嘅四海重明，由2020少女大人出道到而家都係繼續未爆待爆，難得仲有資本押寶，依然有劇拍，但佢個樣已經冇咗出道時果種清澀正氣。
張晚意因為覺醒年代為人認識，到長相思第一季收獲不少關注，但長相思第二季卻未能突圍而出，到擔正男一嘅柳州記，演技被為質疑，更被嘲全劇雙目無神，同女主王楚然豪無CP感。
最近幾個演員被曝光黑材料，第一個慶餘年瘋批名媛二皇子劉端端因為慶2火了一陣，佢歌手出身，曾參加披哥，憑瘋批二皇子迎他事業春天，慶2播完後7月初被狗仔隊跟踪影相，曝佢婚內出軌，跟辣妹返家過夜，後有話係當事人女子同狗仔隊對質話絕無出軌，只係好朋友約會，更非到女方家中。
到8月中又到太子張昊唯出事，話說8月初有博主爆料話有個最近爆劇新晉當紅演員透露三字男星參與李易峰事件，矛頭指向戴向宇，張被流出一段與友人聊天嘅錄音，內容講到「李易峰事情查到他（戴向宇）了」，並推測「他可能清楚嫖娼問題可能會爆出來」，剛巧戴於唐朝詭事錄之西行演的一個單元，角色就係一個渣男。戴即刻發律師信俾張，要求張道歉，兩日後張昊唯發文澄清不認識戴向宇，強調錄音遭人加工剪輯過，「此事純屬烏龍，子虛烏有，我為我自己不負責任的言論和做法向戴向宇大哥道歉。」戴嘅太太陳紫涵力挺老公，但戴後來發文說因為此等網上爆料內容，工作已經全沒了。
張大嘴巴事件並未平息，及至月中後再被爆料疑似涉嫌組織嫖娼、逃稅，馬上引起網友熱烈討論，張昊唯錄音事件繼續發酵，有佢同人八卦其他藝人嘅錄音流出，影響嘅藝娛樂圈人除咗戴向宇，仲有佢工作室老闆錢多多、宋軼、白敬亭、金晨等。張亦因此暫時被停工，佢本人話暫時休息，事實係已經冇人敢用佢，慶3太子肯定"被癈"，出道10年，一Q清袋。
花旗太太生活在花旗國，留意時差，你問我未必即時答到。
發表於 
返回列表
