懷孕前後 今日: 12 | 主題: 329824

積分: 402

41^#

發表於 08-5-17 16:11 |只看該作者

樓主, 你最近點呀? 我剛剛係15/5半夜見紅入咗院. 34w3d.

我想提你唔好飲薏米, 我唔知係咪咁啱我飲完啲有薏米的湯就見紅.其實, 我一直都知道係唔飲得薏米的, 連我個中醫都叫我唔好飲, 但我果日(15/5)返我奶奶屋企食飯, 食完飯飲湯, 我飲到尾先知死. 因係我見到煲湯內有好多薏米. 點知飲完冇耐就開始覺得個肚有啲抽住, 半夜瞓瞓下覺得有啲唔妥, 起初都唔想理, 諗住瞓阻先算. 後來覺得都係隠陣起見, 起身去廁所. 點知真係見紅, 即刻同老公飛的去醫院. 住咗兩日, 好彩冇咩, 今朝都有啲啡, 姑娘話係啲舊血. 本來今日醫生都叫我繼續住, 但我又好想走, 因瞓唔到, 聽日又係星期日, 我唔想住咁耐, 好多大陸人,啲大陸人好煩. 醫生見我住得近, 就比我走. 我而家都成日提心吊膽, 希望唔好再有下次, 希望可以捱到38week開刀, 因我已book了開刀日子, 11/6漫漫長路, 4個星期都唔知捱唔捱到, 姑娘話我已流過一次, 好可能會早?.

仲有, 今次入院我覺得啲醫生同護士同好好喎. 係有時啲姑娘會忟啲. 因為對住啲大陸人, 佢地真係好煩. 我見到都等啲姑娘慘. 成日都要對住啲咁煩的人. 我都有信心係政府生. 因我由尋日半夜至到今朝短短七至八小時內見到兩個都係胎盤前置需要緊急開刀的媽媽, 我見啲姑娘都好似好純熟同快速. 所以我諗佢地應該見慣呢啲場面. 應該冇問題的.

你自己要小心啦. 希望收到你的好消息.

私人傳訊

積分: 1952

42^#

發表於 08-5-17 17:45 |只看該作者

rainrain613,

之前醫生同我說如失去過多可能要全身麻醉和要輸血及cut了卵巢, 當時的感受是死便死喇最緊要是保住個bb喇...
唉, 咁又係, 最緊要保住bb, 我同老公講, 好唔開心, 冇諗過第一胎就搞成咁, 仲諗住生第二胎, 但係都唔知仲有冇咁既機會, 但老公話, 算嘞, 好彩bb 宜家長得好, 最緊要我同bb 健康, 同埋好多人都只係得一個小朋友, 一家三口都好開心.....

而且我也明白醫生的話, 所以也簽了同意書.
嘩, 要簽同意書架?? 好似簽生c狀咁既?? 有啲得人驚.....

最後也是半身麻醉, 而且也不用輸血.
半身麻醉??? 咁好??? 咁你可以睇到bb 出世囉, 好開心呀......

醫生說我失了大量血休息一吓先,
之後check了血色數只是低了小小, 只是得9左右所以吃補血藥也可以喇...
你大量失血都唔使輸血?? 咁請問你坐月期間會唔會特別補呢?? 你有冇餵人奶架?? 我驚如果大量失血, 產後冇得咁快餵人奶呀.....

大出血是無先兆架....
咁咪要拿拿淋墊條產婦m 巾先入院??

因我當初也好似你一樣很怕會再出血,
後來在瑪麗醫院住了1個多月,
看了很多case而且d護士也說bb要出來的話,
你keep也keep不到他在自己的肚裡,
要出的話便要出來喇所以聰了d護士說也有道理...
反而自己太緊張也影響肚裡的bb,
順其自然也是好事...
咁又係.....請問你住院期間係咪一直流血?? 定係已經停咗??

如果因資金問題, 在政府開刀生也會好過私家架?
瑪麗醫院是可在別的區住也可入瑪麗醫院架?
瑪麗醫院是政府生bb的皇牌醫院架,
我是住元朗區架, 嘻嘻哈哈
嘩, 你由元朗入瑪麗, 好遠呀.....我住荃灣, 諗住近近地去瑪嘉烈算嘞, 咁你果時大出血, 係第一時間去瑪麗, 定係後期穩定咗至轉過去架??

你不要太擔心喇...
我也是早產又是大出血而且bb又不足磅出世,
現在回到家也叫安好雖然之前入了箱3天觀察,
但現在也叫沒事喇...
真係恭喜你總算平安無恙度過咗, 希望我都會係咁啦.

推入產房等10多已取了bb出來及清潔好曬比我睇及後等多約20-30後便出產房去了觀察房1hours便推回出來, 前後只不過是最多2個鐘便回病床.
咁請問個手術需時幾耐呢??

[ 本文章最後由 vvcc 於 08-5-17 17:59 編輯 ]

私人傳訊

積分: 1952

43^#

發表於 08-5-17 18:32 |只看該作者

bb628,

樓主, 你最近點呀? 我剛剛係15/5半夜見紅入咗院. 34w3d.
我都係咁上下囉, 嘩, 睇到真係鄧你驚呀.....

我想提你唔好飲薏米, 我唔知係咪咁啱我飲完啲有薏米的湯就見紅.其實, 我一直都知道係唔飲得薏米的, 連我個中醫都叫我唔好飲, 但我果日(15/5)返我奶奶屋企食飯, 食完飯飲湯, 我飲到尾先知死. 因係我見到煲湯內有好多薏米. 點知飲完冇耐就開始覺得個肚有啲抽住, 半夜瞓瞓下覺得有啲唔妥, 起初都唔想理, 諗住瞓阻先算. 後來覺得都係隠陣起見, 起身去廁所. 點知真係見紅, 即刻同老公飛的去醫院.
真係好驚險呀, 點解你99會用薏米嚟煲湯架??? 現階段你都係唔好周圍去囉, 我除咗上次母親節返咗99 度食飯之外, 之前已經冇返去3個幾月, 再對上果次係大除夕食團年飯.....我個醫生都叫我唔好出街, 驚行得多企得多會引發宮縮而出事囉.

住咗兩日, 好彩冇咩, 今朝都有啲啡, 姑娘話係啲舊血. 本來今日醫生都叫我繼續住, 但我又好想走, 因瞓唔到, 聽日又係星期日, 我唔想住咁耐, 好多大陸人,啲大陸人好煩. 醫生見我住得近, 就比我走.
好彩你冇咩事, bb 都冇咩事, 總算大小平安. 你唔係住响瑪麗咩, 瑪麗都有好多大陸人??? 吓?? 果度港島區, 高尚啲架喎.....我以為通常啲大陸人會响新界, 例如北區, 或者沙田既公立醫院多啲咋......估唔到佢地已經殺入港島區......

我而家都成日提心吊膽, 希望唔好再有下次, 希望可以捱到38week開刀, 因我已book了開刀日子, 11/6漫漫長路, 4個星期都唔知捱唔捱到, 姑娘話我已流過一次, 好可能會早?.
咁你真係要更加更加小心呀, 真係唔好出街啦, 除非去產檢, 我都如非必要, 都唔出街, 只係去產檢, 同埋頭先落街剪短咗頭髮囉. 我好明白你既心情, '捱'呢個字真係完全道出咗我地呢類媽咪既心情呀!!! 宜家距離11/6 仲有3個半星期度, 其實都好快過架, 我再上次產檢, 醫生同我講話要等到35-36週開刀, 當時要等個半月, 我都覺得好辛苦好辛苦, 直情係漫長, 無盡既等待同折磨, 度日如年, 點知等等下, 每日時間都過得幾快下, 宜家都過咗2個半星期lu.....最最最緊要你宜家千祈唔好出街, 唔好食錯嘢, 希望可以穩穩陣陣過埋呢3個半星期.

仲有, 今次入院我覺得啲醫生同護士同好好喎. 係有時啲姑娘會忟啲. 因為對住啲大陸人, 佢地真係好煩. 我見到都等啲姑娘慘. 成日都要對住啲咁煩的人. 我都有信心係政府生. 因我由尋日半夜至到今朝短短七至八小時內見到兩個都係胎盤前置需要緊急開刀的媽媽, 我見啲姑娘都好似好純熟同快速. 所以我諗佢地應該見慣呢啲場面. 應該冇問題的.
哦, 咁都好啲, 等你心理上放心啲, 希望我去既瑪嘉烈唔會太差啦, 因為我同老公商量咗, 都希望响瑪嘉烈生, 因為如果去私家實在太貴啦, 雖然我個醫生係醫學博士(因為我之前同老公有生育困難, 所以要揾個好有quali 既私家醫生), 佢好有經驗, 同手勢好好, 但响私家生, 始終好多好多嘢預算唔到, 有可能要幾十萬埋單, 我地唔係俾唔到, 但係都覺得好貴, 聽呢度啲媽咪講, 又覺得政府果邊信得過, 希望冇問題啦.

你自己要小心啦. 希望收到你的好消息.
每一日, 我瞓醒, 就覺得好感恩, 因為我既bb 响肚入面又大個咗一日. 現階段我地要樣樣小心啲呀, 宜家不怕一萬, 只怕萬一, 希望日子一日一日過去, 無驚無險又過一天啦.

私人傳訊

積分: 1952

44^#

發表於 08-5-17 19:04 |只看該作者

bb628,

我其實冇諗過咁快book, 但我尋日去到醫生話係我38week果個星期有公眾假, 而東區只係逄一,三,五,接開刀, 所以早啲book, 我咁早book都已經係第3個啦.
哦, 唔好意思, 睇返呢度先知你book咗東區醫院. hehehe.....

我同你一樣咁諗, 但係你可以同你個私家講叫佢寫病假比你, 你唔洗攞自己假, 留返啲假遲啲用來照顧亞b.但我好唔明, 唔知係咪床位問題, 政府居然答我話而家唔洗卧床喎. 我又住得近醫院, 所以唔洗瞓院喎, 但佢又唔放病假比我. 連我今日去睇私家, 佢都話點解政府唔寫假比我, 奇怪地, 佢話我唔適合返工, 但都唔係好想開,都唔知佢驚咩.
點解政府醫院唔肯開病假既??? 係咪驚啲僱主投訢??? 真係奇怪.....宜家有床位, 你都唔想瞓啦, 係咪??? 點都係响屋企舒服自在好多, 你都好呀, 住得算近醫院, 我由荃灣去瑪嘉烈, 睇怕都要十零分鐘.

你都好過我, 我已經34, 亞b都係4.6咋. 其實, 你真係唔好太擔心, 我而家開始睇開啲啦. 我都覺得成日擔心都冇用, 人算不如天算, 起初我都覺得點解我咁好彩, 六合彩又唔見我中, 我睇書話如第一胎係胎盤前置的機會率係1/1500. 諗深層, 生b的風險真係好大, 以前啲人講, 生仔好似差咗一隻腳落去閰羅王度. 其實我地都算係咁啦, 我同你生於現今咁好醫療科技的社會度, 起碼我地知道最壞係去到邊, 有定心理準備, 安排妥當, 大吉利是都冇咁混亂, 而且醫生都有唔同啲安排. 再諗衰啲, 有好多case仲嚴重過我地, 或者有啲b一生出來就有天生缺陷, 同我地相比, 我地都算係咁啦.

六合彩又唔見我中..... 真係好句呀!!!!!! 夠晒精警 !!!!
你講得啱, 人算不如天算, 我就成日諗起個同事既一句話:'唔使驚, 上天俾既, 冇事既!' 今日睇報紙, 話伍穎薇同老公好恨生bb, 但努力多時仍然未有所出, 跟住伍話如果過咗今年都冇得生, 就, 就同老公二人世界開開心心過埋下半世算數, 睇到呢度, 有啲鄧佢心0翕, 又覺得自己宜家雖然係論盡啲, 但起碼有得生先, 我同老公恨咗兩年至成功架, 宜家就嚟修成正果, 應該感恩至係.

我之前都係咁諗, 好可惜, 我又有糖尿, 唔可以食咁多, 所以真係好矛盾.
咁你個醫生應該有建議你可以食啲咩架痳, 跟住醫生既建議去食, 同埋瞓多啲, bb 就會好好長胎架啦, 同埋你個bb 宜家就嚟5磅啦, 我聽人講話bb 有5磅都隱陣架啦, 已經大大減低瞓箱既機會.

醫生話佢唔擔心個b, 因唔好彩亞b而家出來, 問題都不大, 佢話反而大人的問題大啲.
我個醫生又係咁講.

私家話一定全身, 政府就話要睇到時我啲血係咩情況先決定. 我同你一樣都諗住繼續生, 醫生只係講最差情況比你知啫, 唔代表一定係咁的. 小朋友係個天比的, 隨緣吧.
係啦, 呢啲真係緣份嚟, 整定既, 希望我地都平安無事.

私人傳訊

積分: 1952

45^#

發表於 08-5-17 19:13 |只看該作者

原文章由 jc118 於 08-5-15 10:58 PM 發表

手術時間係半個鐘,待產時間係4-5個鐘,其實待產既時間好快過,因為我當時掛住喊不過D姑娘都好好人,959都會過黎同我講下,開解我,同我講BB有5磅幾都好理想,不過出世後先發現佢唔食吮奶奶,不過情況好常見,唔洗太 ...

吓??? 點解要待產咁耐既??? 你果時有冇流血呀???
好驚架喎.....
你個手術都好快下喎, 半個鐘搞掂??? 好多正常開刀既媽咪都要45分鐘呀!!!
好多謝你既忠告, 希望我生完之後唔會喊啦, 至於擔心一定少不免.....

mouth:

私人傳訊

積分: 1952

46^#

發表於 08-5-17 19:17 |只看該作者

原文章由 winwin815 於 08-5-16 11:44 PM 發表
vvcc, 你可以放心, 如果你係嚴重既胎盤前置, 一定搵大醫生做, 我個時係第三級, 共三個醫生做, 再加埋麻醉師, 護士, 好多人架, 真係可以放心

好多謝你既回覆同安慰!!!

私人傳訊

mrs_liu

積分: 191

47^#

發表於 08-5-18 00:00 |只看該作者

vvcc,

我而家第33週,b囡重4磅6, 响廣華睇,醫生話好大機會開刀,但冇講我係第幾期胎盤前置. 2星期後(35週)要再照U/S.

本來我好想順產的,但無耐因為胎盤前置而無法如願. 而家只求自己同bb都安全.

睇左咁多位有相同問題既媽媽分享,我個心都定d, 但產假我只取了前2(後8), 有d擔心會响未放產假前已經要生.

你會响邊間醫院生? 執好走佬袋未?

私人傳訊

mrs_liu

積分: 191

48^#

發表於 08-5-18 00:01 |只看該作者

私人傳訊

mrs_liu

積分: 191

49^#

發表於 08-5-18 00:02 |只看該作者

私人傳訊

jc118

積分: 4027

50^#

發表於 08-5-18 09:26 |只看該作者

原文章由 vvcc 於 08-5-17 19:13 發表

吓??? 點解要待產咁耐既??? 你果時有冇流血呀???
好驚架喎.....
你個手術都好快下喎, 半個鐘搞掂??? 好多正常開刀既媽咪都要45分鐘呀!!!
好多謝你既忠告, 希望我生完之後唔會喊啦, 至於擔心一定少不免.....mouth ...

因為我係5月1日生,你記唔記西貢有單大車禍啊!果日又係假期,又有大獲野,所要等手術室,不過有路有姑娘觀察住我!

最重要一點,就係如果見紅你就千萬唔好食左野先入院,好彩我無聽我99講食d先入院,如果唔係分分鐘都仲要等多幾個鐘先做得手術!

私人傳訊

rainrain613

男爵府

積分: 6617

好媽媽勳章

51^#

發表於 08-5-18 10:41 |只看該作者

原文章由 vvcc 於 08-5-17 17:45 發表
rainrain613,

之前醫生同我說如失去過多可能要全身麻醉和要輸血及cut了卵巢, 當時的感受是死便死喇最緊要是保住個bb喇...
唉, 咁又係, 最緊要保住bb, 我同老公講, 好唔開心, 冇諗過第一胎就搞成咁, 仲諗住生第二胎, ...

唉, 咁又係, 最緊要保住bb, 我同老公講, 好唔開心, 冇諗過第一胎就搞成咁, 仲諗住生第二胎, 但係都唔知仲有冇咁既機會, 但老公話, 算嘞, 好彩bb 宜家長得好, 最緊要我同bb 健康, 同埋好多人都只係得一個小朋友, 一家三口都好開心.....
你不要太唔開心喇, 之前我也在7週時小產了而且今次這個bb我們也覺得是上天賜給我們所以也很珍惜, 因之前失去了所以現在不論如何也會更加珍惜眼前的BB呀.

嘩, 要簽同意書架?? 好似簽生c狀咁既?? 有啲得人驚.....
是個個大肚婆入產房也要簽紙架.

半身麻醉??? 咁好??? 咁你可以睇到bb 出世囉, 好開心呀......
係呀, 只可惜我老公卻不能陪產看不到呢!

你大量失血都唔使輸血?? 咁請問你坐月期間會唔會特別補呢?? 你有冇餵人奶架?? 我驚如果大量失血, 產後冇得咁快餵人奶呀.....
我沒有餵人奶因餵人奶是很痛架而且我是有貧血如我餵人奶BB將來也會因我貧血而傳給了BB也貧血架. 同時我個傷口和子宮位又好痛, 所以最後比森永奶粉BB飲, 嘻嘻~~

咁咪要拿拿淋墊條產婦m 巾先入院??
我入院是沒有墊產婦巾, 起初是用夜用後來大出血才轉了產婦巾. 因我出入瑪麗醫院有3次喇.

咁又係.....請問你住院期間係咪一直流血?? 定係已經停咗??
是流一段時間又停吓咁, 但最終也不知是什麼原因喇...

嘩, 你由元朗入瑪麗, 好遠呀.....我住荃灣, 諗住近近地去瑪嘉烈算嘞, 咁你果時大出血, 係第一時間去瑪麗, 定係後期穩定咗至轉過去架??
我第一時間是打算入養和醫院, 我個私人醫生他更議我入政府醫院, 因我住元朗, 通常是入屯門醫院但之前屯門醫院前一天死了個小朋友所以不敢入屯門醫院, 所以當晚零辰決定立即叫老公架車送我入瑪麗醫院.

真係恭喜你總算平安無恙度過咗, 希望我都會係咁啦.
我相信你也沒事, 我這樣大出血也BB出到世沒事喇. 你也會沒問題所以你不要想太多不開心事會對BB好D架, 不過近來四川的事真的睇到也會流淚及不開心! 不開心也會影響BB架, 你要多D訓床唔好行太多喇,知道嗎?

咁請問個手術需時幾耐呢??
約30分鐘多

私人傳訊

積分: 1952

52^#

發表於 08-5-18 20:46 |只看該作者

mrs_liu,

我而家第33週,b囡重4磅6, 响廣華睇,醫生話好大機會開刀,但冇講我係第幾期胎盤前置. 2星期後(35週)要再照U/S.
你33 週啦, 同我差唔多喎, 我聽日33 週啦. 我咪22 號去瑪嘉烈睇囉, 可能你個醫生諗住下次同你照, 如果個胎盤真係冇返上去至話你知掛.

本來我好想順產的,但無耐因為胎盤前置而無法如願. 而家只求自己同bb都安全.
我同你諗法完全一樣, 本來又係想順產, 諗住做母親當然要試下果種痛啦, 順產又快啲好, 又可以快啲餵人奶.....點知......

睇左咁多位有相同問題既媽媽分享,我個心都定d, 但產假我只取了前2(後8), 有d擔心會响未放產假前已經要生.
係呀, 自己知多啲, 有多啲心理準備, 會冇咁驚囉, 我都好多謝呢度回應既媽咪呀, 佢地俾咗好多支持我, 等我可以定啲, 同冇咁鑽牛角尖. 就算未到產假已經要生, 咁你個產假係咪自動提早??? 我公司係咁喎, 總之放十星期, 早咗咪照計囉.

你會响邊間醫院生? 執好走佬袋未?我住响荃灣, 諗住响瑪嘉烈生囉, 一早執好走佬袋啦, 有兩袋嘢咁多呀, 尋日我仲特登落街剪短頭髮添, 準備咗先囉. 萬一真係有起咩事上嚟, 都冇咁慌張.

私人傳訊

winwin815

公爵府

積分: 26018

畀面勳章

53^#

發表於 08-5-18 21:23 |只看該作者

我兩胎都開刀, 兩胎都即刻有奶, 係手術室就餵添, 唔關事既, 不過好辛苦, 因為傷口痛

原文章由 vvcc 於 08-5-18 20:46 發表
mrs_liu,

我而家第33週,b囡重4磅6, 响廣華睇,醫生話好大機會開刀,但冇講我係第幾期胎盤前置. 2星期後(35週)要再照U/S.
你33 週啦, 同我差唔多喎, 我聽日33 週啦. 我咪22 號去瑪嘉烈睇囉, 可能你個醫生諗住下次同你 ...

歡迎參觀『文。穎之家』
文文小公主Corliss出生於28/9/2006, 重2.99kg, 31/12/2008重13.4kg, 高85cm
小穎小王子Wayne出生於01/11/2007, 重3.5kg, 27/2/2009重11.8kg, 高78m, 頭圍49cm

私人傳訊

積分: 1952

54^#

發表於 08-5-18 21:30 |只看該作者

原文章由 jc118 於 08-5-18 09:26 AM 發表

因為我係5月1日生,你記唔記西貢有單大車禍啊!果日又係假期,又有大獲野,所要等手術室,不過有路有姑娘觀察住我!

最重要一點,就係如果見紅你就千萬唔好食左野先入院,好彩我無聽我99講食d先入院,如果唔係分分鐘都仲要 ...

哦, 原來如此.....
咁你咪好驚囉, 又要一路等一路驚.....
哦, 知道, 明白嘞, 好彩你話我知咋, 多謝晒你呀!!!

私人傳訊

積分: 1952

55^#

發表於 08-5-18 21:56 |只看該作者

rainrain613,

你不要太唔開心喇, 之前我也在7週時小產了而且今次這個bb我們也覺得是上天賜給我們所以也很珍惜, 因之前失去了所以現在不論如何也會更加珍惜眼前的BB呀.
係, 我都係咁諗呀, 因為我好似你咁, 兩年前試過6週冇咗bb 架, 今次bb 好叻可以排除萬難, 長到33 週呀, 真係要感恩至得.

是個個大肚婆入產房也要簽紙架. 哦, 咁都冇咁驚.

係呀, 只可惜我老公卻不能陪產看不到呢! 相信佢响出面等都好辛苦下.

我沒有餵人奶因餵人奶是很痛架而且我是有貧血如我餵人奶BB將來也會因我貧血而傳給了BB也貧血架. 同時我個傷口和子宮位又好痛, 所以最後比森永奶粉BB飲, 嘻嘻~~
唉, 睇嚟我都要執生, 如果子宮好痛, 未必合適餵人奶......

我入院是沒有墊產婦巾, 起初是用夜用後來大出血才轉了產婦巾. 因我出入瑪麗醫院有3次喇. 是流一段時間又停吓咁, 但最終也不知是什麼原因喇...哦, 原嚟係咁.

我第一時間是打算入養和醫院, 我個私人醫生他更議我入政府醫院, 因我住元朗, 通常是入屯門醫院但之前屯門醫院前一天死了個小朋友所以不敢入屯門醫院, 所以當晚零辰決定立即叫老公架車送我入瑪麗醫院.
嘩, 屯門醫院咁得人驚???? 但你可以咁樣?? 你有冇响瑪麗攞定個位?? 因為我個私家醫生叫我响瑪嘉烈攞定位喎.....唔知係咪可以自由轉既呢???

我相信你也沒事, 我這樣大出血也BB出到世沒事喇. 你也會沒問題所以你不要想太多不開心事會對BB好D架, 不過近來四川的事真的睇到也會流淚及不開心! 不開心也會影響BB架, 你要多D訓床唔好行太多喇,知道嗎?
多謝你既安慰呀! 係啦, 我日日睇新聞都會流淚架......真係好淒涼......所以都捐少少錢, 同自己同bb 積福囉. 宜家咪日日响屋企囉, 一係攤响梳化, 一係就坐, 盡量行少啲, 企少的.

約30分鐘多 希望我都可以好似你咁, 咁快做完手術啦.

私人傳訊

積分: 1952

56^#

發表於 08-5-18 21:59 |只看該作者

原文章由 winwin815 於 08-5-18 09:23 PM 發表
我兩胎都開刀, 兩胎都即刻有奶, 係手術室就餵添, 唔關事既, 不過好辛苦, 因為傷口痛

你好叻呀, 兩胎都即刻有奶. 我驚自己冇咩奶, 因為個胸唔係大咗好多.....

係咪個子宮咁樣開刀法會特別痛架???

私人傳訊

winwin815

公爵府

積分: 26018

畀面勳章

57^#

發表於 08-5-19 10:51 |只看該作者

個胸大左幾多都唔關事, 關咩事又答你唔到, 總之even唔係立即有奶, 都比bb啜, 呢個係不爭既事實啦

因為政府落麻醉藥係剛剛好既, 所以到佢地認為我餵得奶, 而開始feel到痛, 咁你訓住餵奶, 要打側個身, 即係要陏, 咪痛囉, 你預左要餵奶, 頭幾日就係咁架啦, 不過係值得既

原文章由 vvcc 於 08-5-18 21:59 發表

你好叻呀, 兩胎都即刻有奶. 我驚自己冇咩奶, 因為個胸唔係大咗好多..... 係咪個子宮咁樣開刀法會特別痛架???

私人傳訊