吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (未睇入黎)一個屯門屋邨妹嫁去淺水灣的憤鬥歷史 ...

夫婦情感今日: 4|主題: 42651

收藏本版

發帖

返回列表

跳至頁

樓主: candy.c

(未睇入黎)一個屯門屋邨妹嫁去淺水灣的憤鬥歷史

1 234 5

積分: 12691

2025勳章 2025勳章蛇年勳章牛年勳章 hashtag影視迷勳章畀面勳章環保接龍勳章

41^#

發表於 12-8-16 01:30 |只看該作者

呢2日追晒B太的post, 聽日可以追呢個, 幾驚無得睇呀, 咁精彩

私人傳訊

llssisi

公爵府

積分: 28384

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

42^#

發表於 12-8-16 03:23 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

咁有無結局睇?

私人傳訊

AJ'sBaby

男爵府

積分: 8726

43^#

發表於 12-8-16 03:43 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

勁呀！多謝晒樓主同jm分享番呀！

我就係差最尾兩篇睇唔到呀！有無好心人post埋個ending呀？

私人傳訊

Anpanmama

翡翠宮

積分: 91398

2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

44^#

發表於 12-8-16 07:02 |只看該作者

本帖最後由 Anpanmama 於 12-8-16 07:25 編輯

Elefant老婆發表於 12-8-15 22:35
十六，大學畢業時代

當時的我還未畢業，大學裡追求我的男同學，講眞不太值得再提。只是有時看看facebook他 ...
........我辭職後一個月內仲要係果度做, 就係咁, 兩個賤人, 就安排獲杰嘢我嘆, 而今次他們萬料不到是成就了我的淺水灣大屋之路!!!!!!!

CONT"""""

housewifegigi

複式洋房


	197

37#

題外話, 我上文講到s小腰, 我想講女人幾時都要有好身材!

身材好老公happy自己也happy!!!

想改善自己的朋友, 如果你想令自己進步, 請一定要keep fit呀!做多些運動!

請記住!!!, 大胸幼腰當然最好, 小胸幼腰也ok, 無胸就一定要有腰, 無胸無腰就係自己嘅錯!

點評

miffymiffy

發表於昨天 16:53

wongjoetabo

發表於昨天 13:35

大猫猫与OTT "大胸幼腰當然最好····· 無胸無腰就係自己嘅"超鍾意D句呀！發表於昨天 11:54

Katy_mwong

發表於昨天 11:37

ccyin 呢句最岩聽

發表於昨天 01:15

housewifegigi

複式洋房


	197

38#

所有質疑我唔會回應, 我向來就不是要說服人認同我的人...

但我提的吳x維, 方x申, 只是外型有相似地方, 與任何演藝人員毫無關係, 我不想誤導大家和沾他人的光, 特此澄清一下...

housewifegigi

複式洋房


	197

39#

本帖最後由 housewifegigi 於 12-8-14 00:55 編輯

其實我這幾年, 成日都想用自己的經歷去鼓勵一d仲有條件選的女仔努力改善將來. 當中有d可能智慧未能明白, 聽得明嘅, 一個我家姐, 另外一個係我一個朋友, 佢地都聽我講, 努力去達到目標, 而唔係喺度怨, 點解人地咁幸福我就要咁辛苦, 真係努力同有條件嘅人共同經營感情. 我仲教佢地好多方法去幫助自己, 而家都嫁得好好, 好幸福.

我完全唔介意所有反對嘅聲音, 因為, 要我選一億次, 我都會走這條路! 幸好我從來都自己為自己打算!

點評

bk_mommy 可以無怨無悔, 盡了能力, 問心無慚, 人生夫復何求~

發表於昨天 13:08

housewifegigi

複式洋房


	197

40#

十八. 出來做嘢

我比上述那兩個賤人整蠱, 公司有個客係星期六日係尖沙咀一間酒店開會, 第二條team 的人就要輪班幫手, 仲有好多嘢要預備, 預了那個星期裡天天都要好夜收工.

兩個賤人即刻向第二條team D 同事'推薦' 我, 等我可以去幫手. 但係佢哋平時都好好人 (一個國內女人, 四十幾歲, 中英國語都好勁), 一個外國返來女仔 (佢都好寸, 個男友係一個時裝GROUP的BUYER, 佢成日有好多名牌的PRIVATE SALE問我去唔去, 一個好爽嘅鬼妹仔, 但對我都OK, 所以好都鍾意佢, 不過好情緒化, 有時同男友嘈交全世界都聽到), 同一個鬼佬阿頭 (無乜特別, 超好人) 我只係一個剛上班的small potato, 加上呢幾個同事好人, 我就'挨'義氣, 答應去幫手.

由於個TEAM同事好人, 我個個星期都唔算太辛苦, 最遲只係十點佢地就叫我走, 不過星期五就要幫手到淩晨四點, 我好記得D仔出來送我番屋企(人地無追我㗎, 不過心甘情願出來送我回家), 阿吳X維都咁啱SMS我問我係邊 (D仔準備渣車入東廊送我回家), 佢話不如入鯉景灣, 三個人一齊傾吓偈(D仔同吳X維係未見過).

年輕真係有無窮盡嘅精力㗎, 雖然好夜, 我都叫D仔渣車入鯉景灣會合吳X維.D仔都想睇吓吳X維係邊個

唔傾由自可, 一傾不得了, 那時間的餐廳酒吧全關門了, 我地就係咁企喺條街上, 吳X維當晚渣住佢當年好HIT嘅黃色M3, 上吓咁打量D仔同佢架車, 原來佢個晚飲了酒, 佢一路用D唔鹹唔淡嘅中文, 同D仔講, '你就係D仔呀, 做乜咁夜都唔瞓, 出來接佢放工呀? 你一定係想追佢啦, 係唔係? 哈哈...' '你唔好同我講你真係想同人做朋友, 我唔信架, 哈哈哈..", 我同D仔真係好尷尬, 佢又飲醉, 仲周街問D阿伯做乜咁早起身晨運, 最後我唔記得點打發佢走, 不過都係D仔送我番屋企.

我只係瞓得兩個鐘, 就搭地鐵去尖沙咀個間酒店開會. 個間公司的人陸續入場, 不過主要係同其他地方的PARTNERS傾嘢, 所以有好多唔同國籍嘅人.個客戶老闆仲未到, 我手外面就拎住份RUNDOWN, 入面就係一本英國版GLAMOUR MAGAZINE, 偷偷咁睇. 有時就同個客的PARTNERS傾吓, 希望呢日快D完結.

跟住就有一個斯斯文文, 三十幾歲男人, 一支箭衝入來, 我啲同事就即刻招呼佢.

跟住佢地開會(包括我啲同事), 我就因為無跟開佢地啲嘢, 係房外面, 做我SMALL POTATO要做嘅嘢, 就係等人吩咐

突然間有個全身花哩碌同穿金戴銀嘅中年中東女人走來, 要入去搵個客戶老闆, 而我印象中佢都未到, 咁我就叫佢等一等, 而家唔入得去, 點知佢好大反應, 又問我知唔知佢係邊個, 我工作時對住人都要扮死狗, 我好友善話唔好意思我唔知, 佢就發晒癲咁罵我, 我仲笑笑口, 問佢要唔要坐低先, (呢份係我嘅工作, 我唔想因為我一時之氣令其他同事難做), 佢有佢繼續嘈, 仲要見我唔係高級職員, 用英文講, '你D小職員, 你以為你係邊個, 我唔會同你坐!" 最後房入面D人開門, 走出來看發生乜事, 花哩碌女人即刻走入去同頭先個斯文男人告狀, 我先知原來佢係呢間公司老闆!

個男人同我講, '對唔住, 嚇親你添, 佢係一個中東好出名家族嘅太太, 你睇佢穿成這樣就知. 所以可能對你無乜禮貌"我衝口而出, '你哋開緊會, 我唔理佢係咪咩中東家族, 幾有錢都應該識規矩, 唔可以衝入嚟㗎嘛.' 個男人愕然, 估唔到我咁講, 打量我一陣. 同我交換了卡片.

第二日, 我都開始留意佢, 佢都成日同我微笑, 又會同我傾吓偈, 但係都無乜特別舉動.

回到家裡, 我在yahoo search了這男人的資料, 暗暗笑了出來... (我想在此保護他, 所以連行業, 家族, 是否白手興家也不能透露)

係佢喇!!!!!!

我上班後, 詐帝send一個email給朋友(包括他). 這是一般forward給朋友的普通郵件, 我心想, 如果你唔覆我也無嘢, 如果你覆我就...hehehe

佢如我所料覆了email, 之後來來往往, 佢好似無想約我出來的意思. 我開始心急..

我又扮想睇一套戲, 最後佢都係話, '唔好意思, 我呢排有d嘢做, 唔係好方便. 你等我.'

我嬲到飛起, 心想這又是一個賤男, 我就發脾氣, '隨便你啦, 我都好忙, 都可以找到其他人同我睇戲.'

(出去先, 一陣再打..) :)

十九，畢業之後

原來當時係佢同女友剛剛分手（未識我之前），佢又唔想唔清唔楚或者比人誤會我係小三所以想靜一排先開始同我來往。我本來打了一大段佢地的分手原因，不過都係刪晒。想保留點私隱給他們。我好多謝佢尊重我，冇同一時間踏兩船。呢度我輕輕帶過算啦。

我同佢一齊之後慢慢留意到佢的優點，例如佢好孝順父母，生活好健康，工作好勤力，可以每晚工作至凌晨，對身邊嘅人不論上下都好好。我覺得，就算唔係好有錢，以佢咁嘅性格真係嫁得過，所以自己都要做好自己。

我自己都好努力付出，做一個好嘅女朋友。例如立即同身邊全部男性朋友斷絕來往。連電話都唔肯講。連普通食飯都唔肯去，一次都無，到現在也是。對佢的家人好好，像對自己家人一樣。從無要求佢買呢樣果樣。我只是努力做一個好女朋友本分。最重要的是我一直都潔身自愛。信又好，唔信又好！

待續

私人傳訊

Anpanmama

翡翠宮

積分: 91398

2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

45^#

發表於 12-8-16 07:03 |只看該作者

本帖最後由 Anpanmama 於 12-8-16 07:31 編輯

Anpanmama 發表於 12-8-16 07:02
CONT"""""

二十. 寫完啦, 多謝一啲支持我的網友, 萍水相逢, 成日留言撐我, 感謝您的祝福! 我的故事好長, 亦唔係咩可歌可泣嘅愛情故事, 您們都看到呢頁. 真心都祝福您們找到給您幸福的另一半和美滿家庭.

我少女時媽媽就教, 女仔第一次好重要. 加上我自私嘅性格, 根本無可能比d非結婚對象佔便宜. 這亦可能是籃球隊長和方x申曾經偷偷識其他女仔的原因.

雖說現在社會開放, 但我還是認為女仔應該在這方面保守一點. 我和老公結婚前, 從不會在他的屋內過夜. 亦絕對唔會同居 (都是媽媽教的)...

我好喜歡佢, 唔係佢對我有幾豪氣, 根本佢就係一個對人好好的人. 有一次, 我們在街上見到個遊客(阿婆), 佢拿住好多行李, 最後成個跌倒在地. 佢二話不說, 即時將佢扶起, 仲同佢執好d嘢. 我覺得呢個人衰極有限.

另一次, 我婆婆病重, 我哋一齊去探佢, 我想起都好心痛. 我阿婆好錫我哋幾姐弟, 仲好好心, (個時佢成日好好心機整月餅年糕比我爺爺同阿麻, 我爺爺同我阿麻講, '比番封利是人呀, 唔食好閒咋呢d嘢" , 睇唔起我阿媽外家) 佢成日幫我媽媽照顧我地. 我同老公(未結婚)去醫院探佢, 佢真係主動同婆婆傾計(雖然佢無乜知覺), 仲同佢抹面, 蓋被, 我好感動.

就係咁, 我畢業一年後就結婚了. 我一結婚就立即叫兩老唔好做, 我同佢一齊時佢完全無比錢我架, 不過一預備結婚, 佢知我女家無乜錢辦嫁妝就比了筆錢我攪婚禮, 等我可以有多D嫁妝..

講真, 到呢度, 我其實可以晒吓隻介指幾大粒, 佢比幾多禮金我 (係咪'三百萬'咁少?

等D唔LIKE呢個POST嘅女人睇吓D排場, 貫徹我鍾意報仇嘅性格).但係我一開始就係講我'憤'鬥搵MR.RIGHT嘅'歷史', 我點樣去努力, 唔係講我老公幾咁有錢或我哋豪華嘅生活 (我都可以借D意出吓D超級遊艇呀, 家用出CASH有幾多呀, 幾多物業呀咁, 仲要扮到好似唔係故意. 或者開個POST扮晒不經意旁敲側擊嚟晒命, 出多D二打六, 又同佢去街但又唔收禮物, 班女人鍾意睇乜我一早唔知咩? 仲可以順勢收一班FANS, 不過呢D嘢我從來都唔會做

) 只是, 我有時坐係車度, 望出去, 見到D年輕女仔, 有我當年嘅影子, 我都希望佢可以識諗, 第時搵到錫自己嘅真愛.同家人都唔洗挨. 令自己人生活得美麗, 輕鬆.

我亦唔想喺度講我同夫家關係點好, 因為我唔需要強調呢樣嘢, 來向D唔相信有錢男人家庭會對新抱好的女人去證明.

順帶一提, 呢度啲人真係幾無聊, 成日在意點解我爸失業時搵三萬都唔夠洗, 或者點解我媽仲穿膠花, 呢D問題你最好去問佢, 我自己都唔知, 都無問過, 不過我從來無為了怕人質疑真確性刻意刪減一些我記得的詳細回憶. 或者不如唔好寫咁詳盡就算啦?美樂花園有個李卓雄醫生, 當時仲有間彩玉餐廳喺美樂輕鐵站附近. 蝴蝶邨有美景百貨超級市場旁邊係恆昌書局, 而家唔知係唔係度? 我記憶力就係咁好, 唔係讀文科點攞幾條A呀?

文筆唔好唔緊要, 最緊要考官LIKE, 比條A我第時去搵食就得!

不過, 做人老婆就要付出吓嘅, 例如日日刨幾份中英報紙呀THE ECONOMIST呀咁去增加同老公出去應酬的話題呀, 自製蛋糕比奶奶呀, 琴棋書畫都要精仲要狂買衫狂扮靚狂做運動令自己靚靚呀, 未識游泳就為了佢努力去考個潛水牌, 開個好得意嘅PARTY應酬佢D朋友, 撐老公公司FUNCTION連續兩個月訓四小時撐到外國PARADE自己落手落腳幫手好似遊行D九十後咁, 呢D我都做, 仲做得好落力好享受添.

我回想以前的經歷, 例如見到D大屋覺得好犀利, 居然有D人覺得好CHEAP, 我諗佢一定將CHEAP同PRECIOUS弄錯了, 現在我在一些超級富豪家中作客, 甚至同D名人明星導演食飯 (高官唔敢寫), 都找不回當時那嘆為觀止的感覺了, 唔覺得特別了, 那當時的感覺不是PRECIOUS是甚麼?

我老公其實係知我咁嘅性格架, 連我嘅過去佢全部都知, 我真係招晒出來架, 佢有時覺得點解我可以咁直, 毫無掩飾, 有時講了他心底裡都覺得但唔好意思表達出來的事, 所以我同佢係無掩飾㗎. 我問佢, 其實你覺唔覺得我衰好功利? 佢話, '我唔覺得, 起碼你唔會去害人, 去陰濕 ' 所以我連惠質蘭心都唔洗扮!

有一個問題我好想答, 就係我老公TOUCH WOOD生意失敗我會唔會離棄佢?
我成日覺得你點對我我點對你, 我老公對我好的程度(唔只係物質), 我100%一定唔會, 以我咁上進自強嘅性格, 你估我地拍住上唔可以成功咩?

點評

chowchow2012

發表於昨天 23:48

bk_mommy 你好有性格, 我鍾意~

發表於昨天 22:53

IdaKiwi 唔知點解,我都好鍾意你咁直既性格

發表於昨天 22:44

tommy2012

發表於昨天 22:27

ernestchow

發表於昨天 21:54

housewifegigi

複式洋房


	197

HEY, 請大家不要起底了.

housewifegigi是本人(我是編輯)工作的出版社一個構思, 因為那時剛興起王迪詩的'蘭開廈道', 我和老闆都有這個構思, 於是借用了當時一位在職同事的bk account來放housewifegigi的blog, 不過反應不好, 我們擱置了這一概念.

最近想不到再在此以housewifegigi的角色試試市場反應, 居然不錯, 本來想結集成書. 不過沒想到起底的網友將舊同事的account起了出來, 我已致電舊同事gagamama刪除blog, 希望不會影響到她 (gagamama)

謝謝. 對此版及網友造成不便, 特此致歉.

housewifegigi

複式洋房


	197

不好意思呀各位! 如果不是有網友起底我們也會打算將這主題結集成書!

但如果影響到人就唔係咁好, 尤其舊同事已離職, 剛才她致電我話已忘記gagamama在bk的password. 又好驚問我做了甚麼. 我已叫webmaster先block了account. 希望不要影響到她.始終是舊公司同事. sorry 呀!

housewifegigi

複式洋房


	197

45#

是否需要證明, 我影了我的名片, 不過唔知道怎樣放上網,,,

housewifegigi

複式洋房


	197

46#

name card

http://www.baby-kingdom.com/home ... um&picid=397974

私人傳訊

devilcandy89

大宅

積分: 4863

46^#

發表於 12-8-16 08:17 |只看該作者

獲利回吐.都比佢諗到..

睇完有點兒想死....

一個女仔咁細個有咁既心機...

好得人驚姐..

私人傳訊

媽咪面

伯爵府

積分: 16837

47^#

發表於 12-8-16 09:18 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

其實我淨係睇到工程c咋，之後留言睇埋鬧人嘅回應，而家可以抱住可笑嘅心態追一次先

芭芭拉

私人傳訊

Celloken

複式洋房

積分: 425

畀面勳章

48^#

發表於 12-8-16 10:52 |只看該作者

好勁呀....BK既JM真係可以搵返晒出黎.....

私人傳訊

夏之空

大宅

積分: 3765

49^#

發表於 12-8-16 10:56 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

終於睇晒，故仔有幾點謬誤，不過唔加以指正，唔想間接幫人編修出書

私人傳訊

maggie625

伯爵府

積分: 15258

陪月勳章

50^#

發表於 12-8-16 11:39 |只看該作者

回覆：(未睇入黎)一個屯門屋邨妹嫁去淺水灣的憤鬥歷史

好野。之前冇睇到。三萬蚊起而家都夠一家四口駛啦。佢果個年代老豆搵三萬係好多錢。我應該同佢差不多大。我老豆果時搵得七千幾蚊。一家五口住間二百尺吾夠的公屋。仲記得吾駛八百蚊租。
睇黎大作家冇做足資料搜集

私人傳訊

dbbp

男爵府

積分: 8888

51^#

發表於 12-8-16 11:41 |只看該作者

我相信個故事有部份係真嘅，事實上我都有個同學仔由普通家庭嫁左去淺水灣，老公又靚仔又有錢又專一嗰種（另post左在公海），所以原創人寫嗰陣我都認為真有其事唔出奇，但後來實在越寫越脫離現實，佢描寫唔到有錢人生活嗰啲details，最後仲話係編輯純粹作個故仔出黎，咁呢句就真係假得離譜喇，寫得書點都要做research，就算Daisy Wong寫蘭開夏道，佢都真係寫到律師行嘅野，雖然內行人一早已知道佢一定唔係律師，只係可能有做律師吒嘅朋友供料俾佢寫入故仔度，但最少會呃到一般讀者。

加埋原創人回覆 bk moms 提問時嗰種口吻，絕對唔會係編輯為左出書要做嘅事，簡單黎講，描寫窮生活時想結識有錢男人的段落係ok嘅，但一寫啲 hippies 生活就見底，所以我估佢都係作下故仔，點知最後收唔到科。