請冷靜唔好衝動,相信你都明一段婚姻出現問題一定係2個人都有問題,2個人既感受不被滿足先有咁既結果,好慶幸你仲識走上黎發洩,令我都同時聽到男人既感受,TKS!! 既然仲係一個好男人冇小三,就唔好胡亂搵個小三返黎自己開心黎逃避現實問題,小三只會令你地更痛苦更難解決你們既問題,唔值得係有問題既婚姻上添加複雜性。
或者真係試下交低小朋友俾家人照顧,半日都好,再約太太出街透下氣,搵個靜啲氣氛好啲既地方傾下個問題,相信你平時唔係冇同佢傾,但又係咪係合適大家既時間、心情同狀態下傾呢?係大家有脾氣情況去溝通,效果唔會好。倒不如相約一個時間,解釋清楚今次約出黎既目的,可以講出發現婚姻出問題,好影響以後點繼續生活落去,令佢都正視問題,如果你咁認真,明白事理既太太應該都唔會逃避掛。傾前最好大家講明要控制情緒,平心靜氣,傾傾下互相指責就冇意思。當然佢仲陀緊仔就黎生,嗰種辛苦你唔係女人真係唔會明,佢想你忍耐都好正常,叫你搵小三可能都係灰心既戲言,但你唔好因為咁而灰心!
抱歉騎劫左樓主個POST....