吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有無人都好怕食奶奶煮的野?

婆媳關係今日: 0|主題: 27728

收藏本版

發帖

返回列表

跳至頁

樓主: Lumpy

有無人都好怕食奶奶煮的野? [複製鏈接]

4 567 8...11

evashao

大宅

積分: 2165

101^#

發表於 08-2-21 07:02 |只看該作者

原文章由 wmpl 於 08-2-20 18:33 發表

原隻田雞???

蒸臘腸,灼菜???真係好耐都唔該佢lor,

你老公好笑,自己唔食質俾你,衰衰咁！

直頭係原隻怪獸咁款啦,咁驚嚇我都唔知我99自己食唔食得落

!我老公唔係好搞笑,係好衰就真,果晚咪仲有蝦既(薑蒜烚蝦

),唔落鹽淡茂茂,唔知以為白灼蝦,但d蝦水係橙橙地色,我老公食左2隻又係話[一睇就知我阿媽特登煮比你食啦~],講到我都火火地,因為我從來無要求過想食蝦,我老公擺明屈我

!最終呢...我99拎左十零隻嚟(中蝦),老公食左2隻,我勉強食左4隻就投降喇

,我都唔想浪費但實在太寡食唔落,真係好心佢啦,唔識煮無創意就唔好嘥晒d食物丫嘛,拎過嚟比我整蒜茸蝦或既茄汁蝦碌仲好啦,激死:( !

私人傳訊

evashao

大宅

積分: 2165

102^#

發表於 08-2-21 07:11 |只看該作者

原文章由 christy1012 於 08-2-20 21:10 發表

我唔食田雞嫁,不過如果我見到原隻田雞訓係飯盒度,我諗我應該會嘔囉,因為有d死佈,你媽咪講得o岩,自己學下煮囉,我做女個陣都係十指不沾陽春水嫁,而家都煮得幾味,得閒問下人,學多d,試多d就ok嫁喇,努力呀 ...

我一定會努力架!為左我個囝囝將來既前途幸福著想,死o係呢d人手下就無謂啦

!有咩唔識就會打長途問吓媽咪,如果唔係第時囝囝似我老公就大鑊,食而不知/理其味?-( !就係我99搞到我老公咁大個人都凈係鍾意食罐頭...沙丁魚、茄汁豆、燴花生(呢樣最難頂

),再唔係就蒸臘腸、荷包蛋同腐乳

,佢話呢d野由細食到大喎,全部都無益無營養

,叫佢試新野佢又唔制,更莫講話識享受食餐好喇

私人傳訊

吱仔與lo仔

珍珠宮

積分: 42723

好媽媽勳章

103^#

發表於 08-2-21 09:00 |只看該作者

原文章由 evashao 於 08-2-20 11:22 發表

　
我都有自己學煮過粟米魚柳呀 ~不過一開頭見你講話粟米汁,我都以為自己出左事 ,點之睇埋落去先知你99既煮法係咁求其 ~果陣時我係啱啱學整野,咩都唔識 !但我都有食過出面街既粟米魚,所以我整 ...

個碟粟米魚柳有雪味之餘又腥腥哋+冇味咁囉

張枱真係唔需要好大, 因為佢多數都係兩餸一湯(1湯煲1平底鑊1碟"不"起咗用微波爐翻熱, 或1平底鑊+1碟凍菜+1碟燒味), 我個女去親佢度都淨食白飯

私人傳訊

catandpig

大宅

積分: 2091

104^#

發表於 08-2-21 11:51 |只看該作者

我奶奶同你奶奶都差不多, 可能佢年記大, 食野要清淡, 都可以體諒下,

不過佢煮親D野都無mug味, 飲湯又好似飲水咁, 又唔食牛, 唔食鴨, 唔食辣, ...... 總之佢一個人唔食既野就永遠都唔會係佢張飯枱上面出現, 即係其他人都唔洗食, 食黎食去都係果幾味.

同埋我老爺奶奶d衛生意識都幾差, 成日都用佢地食過對筷子去摷碟餸, 有時落左d醬料入碟餸度, 就用佢食過果對筷子係咁撈勻碟餸

, 又話大家都自己人無所謂, 大佬呀 ~~~ 自己人都要衛生d ga, 我次次見佢撈過邊碟餸就唔食果碟, 終於有一次我一碟餸都食唔到要食白飯, 跟住返屋企食杯麵. 返屋企同老公投訴, 之後先用工筷食飯.

同埋佢地又係好中意叫人攞飯餸返屋企, 同佢講屋企煮左, 佢居然叫你倒左屋企果d, 食佢果d 新鮮d wor.

好彩而家小B出左世, 所以少左返去食飯唔洗煩.

原文章由 Lumpy 於 08-2-15 16:22 發表
我真係唔多鍾意食佢煮的野,一來口味唔同,二來唔多乾淨,三來佢有時真係好煩.

有時唔返去食,佢就會煮野/煲湯叫我地返去攞,我時時都唔鍾意返去攞野,因為佢有時好煩,唔停咀係咁講野.同埋,有時我買晒野返去煮飯,佢又會叫 ...

私人傳訊

funpucca

男爵府

積分: 8001

大廚勳章

105^#

發表於 08-2-21 16:14 |只看該作者

原文章由 funpucca 於 08-2-17 17:14 發表
我99煮野都好恐怖
1.佢一向煮冬菇唔去椗,無論係新鮮定乾貨佢話d冬菇靚唔使去椗,
2.用糖薑(零食)來煲雞湯
3.煮豬手硬過石頭,佢話滾幾滾就食得
4.煮D排骨又硬又難食,D餸無人夾仲話自己煮得好食過酒樓
5.超經典的芋頭糕 ...

再加一樣，係老公講比我聽ＧＥ
薑蔥炒大閘蟹

私人傳訊

mimikitty28

侯爵府

積分: 21796

2024年龍年勳章牛年勳章畀面勳章環保接龍勳章

106^#

發表於 08-2-21 16:33 |只看該作者

我奶奶煮野都幾好食, 之不過就勁多油, d菜真係立立令架, 好得人驚, 而且佢好鐘意食煎炸野, 可以成枱都係炸野, 炸蝦, 炸雞翼, 炸魚, 炸豬排, 成張台得菜吾係炸物, 我由細到大都吾鐘意食煎炸野, 你話我幾慘, 最驚嚇一次係佢飲完碗湯, 留左d湯渣在個碗底, 佢居然將裡面的渣倒入我個碗度話比我食, 我登時嚇呆左, 最後都被迫食左

, 因為那時結婚無耐, 依家應該吾會, 因為佢知我有潔癖

私人傳訊

rubymo928

大宅

積分: 1612

107^#

發表於 08-2-21 16:42 |只看該作者

回复 mimikitty28 # 1

最驚嚇一次係佢飲完碗湯, 留左d湯渣在個碗底, 佢居然將裡面的渣倒入我個碗度話比我食, 我登時嚇呆左, 最後都被迫食左 , 因為那時結婚無耐, 依家應該吾會, 因為佢知我有潔癖 ----
我都試過初結婚無耐, 62 碗湯飲左一半, 比 99 飲, 99 唔飲賜左比我飲, 我 "下" 了一聲, 99 話 "怕物啫, 自己一家人", 我唯焗住有飲, 今時今日, 當然唔會彩佢啦.

私人傳訊

rubymo928

大宅

積分: 1612

108^#

發表於 08-2-21 16:52 |只看該作者

原文章由晞玥於 08-2-20 19:51 發表

雙併呀?

晞玥, 我睇到你 "精句" 大笑到標眼水, 嚇親我同事

私人傳訊

rubymo928

大宅

積分: 1612

109^#

發表於 08-2-21 17:08 |只看該作者

因為我自己系 "無飯主婦" (唔識煮), 所以從來唔會批評 99 廚藝, 以前同佢一齊住時, 佢煮得唔錯. 但唔知系咪佢近年成日話要健康, 反而無甘好味, 同埋廚藝差左 (同以前比).
有意見我都系同老公反映下. 例如, 佢煮豬扒好似石頭, 連我老公都咬好耐先咬到. 我 d 女更加食唔到啦. 原來 99 佢拍兩下豬扒就算.

到下次, 我工人煮(跟我媽煮法, 拍鬆豬扒), 我 62 話無口感 woo. 甘屋企有小朋友, 梗系要就下小朋友啦.

我最唔鍾意我 62 & 大姑奶唔多肯用公快 - 衛生意識差.

私人傳訊

rubymo928

大宅

積分: 1612

110^#

發表於 08-2-21 17:16 |只看該作者

原文章由 alik 於 08-2-17 02:25 發表
我奶奶每次都重覆煮既嘢食, 好悶. 如果你俾佢知道你鍾意食乜, 佢每個禮拜都煮架, 但越住越衰囉

哈, 我媽知道我地鍾意食邊樣之後, 次次返去都會見到 (每星期返一次), 所以我地唔會再讚佢煮既嘢好食. 佢問好唔好食, 我地一定話 "好難食". 我朋友唔知內情, 聽到我地甘 "壇" 我媽廚藝好奇怪, 鬧我地. 因為佢地話我媽煮得好好食 (好鍾意去我媽屋企食飯) 大老, 真系好大獲 ga, 我媽次次煮, 食到你見到都怕怕.

私人傳訊

christy1012

水晶宮

積分: 66752

2024年龍年勳章 2023年兔年勳章醒目開學勳章畀面勳章 BK Milk勳章

111^#

發表於 08-2-21 20:42 |只看該作者

原文章由 funpucca 於 08-2-21 16:14 發表

再加一樣，係老公講比我聽ＧＥ
薑蔥炒大閘蟹

"薑蔥炒大閘蟹"好新穎喎,
大閘蟹唔係蒸先好食嫁咩,
炒.....

私人傳訊

062004

子爵府

積分: 11639

熱血勳章 2016畫展勳章

112^#

發表於 08-2-22 00:20 |只看該作者

食咗唔會C, 但會即刻肚痾呢

, 起碼痾足你1日. 唔係一次半次, 係次次都係. 個份人拿渣到唔恨不特只, 煲湯煮餸都咸到苦, 由得個愚孝仔係咁食都唔STOP佢

邊個便秘, 記得搵 '李香'.

私人傳訊

MaMehar

大宅

積分: 1679

113^#

發表於 08-2-22 10:09 |只看該作者

我初初食唔慣, 因為啲味太濃, 而家慣咗.
我係怕佢每次煮太多嘢, 食唔晒就一個一個問有冇食, 又話我哋浪費.

:-D 歡迎到我的Blog :-D

私人傳訊

吱仔與lo仔

珍珠宮

積分: 42723

好媽媽勳章

114^#

發表於 08-2-22 10:38 |只看該作者

原文章由 funpucca 於 08-2-21 16:14 發表

再加一樣，係老公講比我聽ＧＥ
薑蔥炒大閘蟹

嘥咗D大閘蟹~~~

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

115^#

發表於 08-2-22 11:05 |只看該作者

原文章由 rubymo928 於 08-2-21 04:52 PM 發表

晞玥, 我睇到你 "精句" 大笑到標眼水, 嚇親我同事

哈哈~~我第一時間就係諗到呢句~

私人傳訊

阿jo

禁止發言

積分: 959

116^#

發表於 08-2-22 11:44 |只看該作者

提示: 作者被禁止或刪除內容自動屏蔽

私人傳訊

alik

公爵府

積分: 25507

117^#

發表於 08-3-1 13:32 |只看該作者

唔記得講, 奶奶有些"驚"典菜色:
1. 芝士腸+爆醬豬肉丸滾瓜湯, 但d爆醬同芝士爆晒出黎, 成浸油蒲面
2. 炸腰果做餸 (全碟都係得腰果)
3. 除左有一味主菜係炸腰果之外,仲要在每碟餸都灑一渣腰果, 唔理夾唔夾喎. 所以我食過腰果雞翼, 腰果翠玉瓜炒肉片, 腰果肉餅.....數之不盡
4. 煮親炒瓜類既菜色, 都唔先將d瓜出一出水, 等正式炒時無咁多水出. 炒完之後唔埋獻又連埋氹水一齊上碟, 仲要係又黃又淋到一夾即爛夾唔起的. 自言自語話: "吓, 唔知點解越炒越多水既呢?". 食完飯無人夾又同老爺講"唔, d汁(其實係氹水)留番聽日用黎撈飯就正喇".

5. 佢每次煲湯, 唔知點解d湯都有一浸油蒲面, 佢唔會隔走d油架, 我勉為其難飲一碗就算. 每次食完飯佢都叫我飲都碗, 我唔飲仲追問點解. 真係好意思問, 要人飲油, 點飲呀.
6. 蠔油波蘿: 話說佢有日興起想煮紫蘿牛肉, 但佢自己話因為懶無落街, 屋企得罐菠蘿, 所以就咁蒸熟個罐頭波蘿. 最核突係佢打個蠔油獻落去. 果晚我地無人夾那碟所謂"餸", 我同老公猛陰陰咀笑, 奶奶就問我"乜你唔鍾意食波蘿既咩?", 我答佢我唔食架, 我不嬲唔鍾意食酸味既嘢, 同埋橙呀, 柚類, 醋呀之類, 總之少少都唔得. 我咁就過左骨, 之後佢又問我老公, 我叔仔同一個問題. 我老公話佢: "邊有人淨係用波蘿做餸架, 仲要又咸又甜又酸, 你咁都問得出, 梗係唔食啦". 之後奶奶唯有以笑阻醜, 自己一個人食晒碟波蘿.

仲有, 佢好鍾意落d乜嘢現成鮑魚汁同雞汁落去煮食, 話好食d. 鬼唔知好食d味, 你落雞粉都算, 但佢落埋晒d味精落去, 食到我地個個鬼死咁口喝, 未見過人在家煮餸都要落味精架.

此外, 我地先食飯, 佢就做埋少少嘢先埋檯食. 我發覺佢一埋檯, 就有個習慣: 先用筷子整鬆碗飯, 但唔多唔少有d飯會痴在筷子上, 佢就興用口啜淨晒d飯, 之後用對筷子撩勻晒每碟餸(想d汁勻d呱). 我覺得好核突, 要人食晒佢d口水, 所以我會在佢每次埋檯食飯之前, 夾好晒要食既餸, 埋晒在個碗度. 仲有, 佢夾俾我既餸, 我都唔會食, 我老公亦會幫我擋駕, 話"張檯咁細, 伸長對手都夾到晒啦, 做乜夾黎夾去".