夫婦情感 今日: 11 | 主題: 42572

積分: 157

122^#

發表於 22-9-1 21:52 |只看該作者

回覆樓主:

雜婚啦，一次不忠

私人傳訊

MAYAPPLE

洋房

積分: 47

123^#

發表於 22-9-4 15:26 |只看該作者

你嘅經歷雖然同我唔同，又冇當場斷正，但處理方式類似，第一次自己同自己講男人可以去滾，女人都可以，俾多次機會佢；
第二次，佩服你再有勇氣原諒佢！我就請佢離開…..完！
0次VS N次既關係，只係幾時再爆！
祝福你！

私人傳訊

wwwcm

積分: 486

124^#

發表於 22-9-4 18:07 |只看該作者

放手吧。

私人傳訊

joby_t

積分: 215

125^#

發表於 22-9-6 20:07 |只看該作者

其實佢有得第一次，就會有第二次，係佢本性問題。一次不忠…唉

唔通你要等到再有第三次先行動？

到時受傷既只會係大家…

私人傳訊

omother

男爵府

積分: 8095

126^#

發表於 22-9-6 20:36 |只看該作者

wmt1217 發表於 22-7-23 13:55
離婚啦，已比一次機會，唔珍惜。
就算再一齊，都唔會再有信任。
唔好彩比你知道就2次姐，你唔知既都唔知有 ...

好明顯一定唔止兩次，但樓主自欺欺人，仲想幫太太搵藉口。

面對現實吧，一係就接受個太太出軌，接受唔到，就傾清楚離婚及子女安排

私人傳訊

SUMSUM_88

男爵府

積分: 9848

127^#

發表於 22-9-6 22:07 |只看該作者

倫落人發表於 22-7-28 18:42
過咗幾日啦，多謝大家比嘅意見同安慰🙏🏻最後我選擇原諒，可能各位會認為我好蠢，點解要再次 ...

咁你知道佢出軌的原因嗎？
為感情？
為性？
為錢？
為事業？
為尋找刺激？
解決唔到個問題，會不斷重複

私人傳訊

Toki1003

積分: 455

128^#

發表於 22-9-6 22:22 |只看該作者

個人意見:

第一次肯原諒已經好大愛
佢仲要犯第二次無珍惜你比既機會
佢亦都唔值得你再比機會佢..放過自己

私人傳訊

thchanpro

別墅

積分: 761

129^#

發表於 22-9-7 09:13 |只看該作者

回覆樓主:

睇到都心痛

私人傳訊

nanahara

洋房

積分: 69

130^#

發表於 22-9-7 18:16 |只看該作者

1.唔知你或佢幾歲
2.佢單親家庭長大

以下純推測
可能佢有戀父情結
但又覺得自己鍾意叔叔好唔正常

通常隱藏本性都只係隱藏到短時間
去到某個點就會爆發

所以要定期搵叔叔滿足下
就好似要定期食藥抑制咁

但出軌就始終都係出軌

私人傳訊

積分: 20345

131^#

發表於 22-9-11 04:43 |只看該作者

本帖最後由 aidan08 於 22-9-11 04:51 編輯

見到你已經做咗決定。

我意見係唔好希冀佢會改變。你既然選擇同佢一齊，又話點愛點愛，咁你接受佢就係一個水性陽花嘅人啦。你再期望佢係你心目中嘅對你專一、賢妻良母型嘅女人，係不切實際。只會再受傷害。你大愛D，接受同面對佢係一個盪婦。

你呢種男人，配呢種女人，註定就係比佢食住的。佢已經心知無論佢出軌幾多次，你都唔會捨得佢。而且，依照你描述嘅事件，佢應該係嗰種好需要靠性去攞存在感同自我價值嘅人，佢會樂此不疲去證明自己嘅魅力，亦都好享受呢D感情拉扯曖昧嘅感覺。

你愈表現愛佢，佢會愈好此道。因為佢係靠呢D嘢去證明自己嘅。

我有兩個好姊妹係咁。佢哋係本身唔覺個老公係自己最好嘅選擇，但就係最愛佢哋嘅選擇。於是佢會同其他有機會而條件又好過自己老公嘅人試吓。佢哋D老公原諒過一次，甚至兩次，令佢哋更加肯定到自己於老公係好重要，所以，更加唔珍惜。

佢哋被踢爆係會好極力挽回婚姻㗎，主要原因係佢哋明知出面嗰個男人根本唔係愛佢哋，根本無將來。老公係水抱。

我兩個姊妹未生小朋友前係咁偷食，生咗之後就無。而你老婆有小朋友仍然係咁。佢本身就係一個無責任感，唔顧後果，非常自私嘅人。亦唔係真心愛你。而且道德底線非常低，唔覺得性係咩一回事，從性獲得自我肯定同滿足，無乜所謂自愛、貞操等等觀念。佢應該覺得自己性方面吸引到人係值得開心嘅。

你只要接受呢D事實，之後無論發生乜事，都繼續愛佢，咁你其實應該可以一世做佢個水抱。除非佢遇到多個傻佬會想同佢有將來，咁你就危D。

私人傳訊

積分: 20345

132^#

發表於 22-9-11 05:06 |只看該作者

本帖最後由 aidan08 於 22-9-11 05:23 編輯

自己係女人，會比較明白女人嘅思考方式。

我嗰兩個偷食嘅姊妹，佢哋本身覺得自己條件好好，應該唔只搵到呢個level嘅老公。但由於種種原因，去到某個年紀都未遇到，所以就嫁咗比個對佢哋最好，但未符合心目中條件嘅男人。佢哋係嫁比某個佢哋set 嘅結婚限期前，對自己最好，但唔係自己最愛嘅男人。所以，佢哋婚後仍然會希望用自己嘅魅力去揾其他可能性，主要係因為有恃無恐，佢哋打賭嘅係個老公唔會捨得離開佢哋。其實係個循環，愈係被原諒，佢哋其實愈係唔會真心尊重個老公。另一個原因係佢哋其實唔甘心，婚前揾唔到自己理想條件以上嘅老公，一方面心底裏好相信自己嘅魅力，另一方面又因為搵唔到一個咁嘅對象去結婚而懷疑自己嘅魅力。所以婚後仍然希望證明自己。尤其出軌之後老公仍然選擇原諒，佢哋會從而更加獲得自信。

當然，我見過有純粹性方面好需索，唔係上述原因出軌嘅例子。但共通點係呢D人係好自私嘅。
佢哋有小朋友之後唔再偷食，係因為好愛小朋友，怕影響佢哋，而唔係因為好愛老公。女人對仔女嘅愛可以好純粹，真係會為佢哋犧牲。而你老婆，有小朋友仍然偷食，恕我直言，佢連小朋友都唔係好愛，重要唔過佢用性去證明自己，佢本性係非常自私。

我自己唔會出軌，原因係我嫁比一個符合自己要求以上嘅老公。而我判斷我老公唔會容忍到我出軌。佢嘅條件完全可以有其他選擇。所以我會珍惜，唔會搏。亦都會比較尊重佢。

男人一旦比女人睇低咗一線，應有嘅尊重就會消失。

私人傳訊

倫落人

洋房

積分: 81

133^#

發表於 22-9-11 08:52 |只看該作者

回覆 aidan08 的帖子

講多少少，我未夠三十歲，呢次原諒唔代表可容忍第三次，如果真係唔好彩遇到，我一定會斬纜。
經過今次我對佢嘅愛淨反好少好少，大家都知道重建當然係艱難，但信仰同子女係最比力量我嘅，多謝咁多位嘅意見，你哋每一個留言我都有思考過，我堅持並唔係單單為咗我自己，作為一個父親，丈夫，兒子，責任唔輕，我為呢頭家能做幾多就幾多，若果有日呢段感情真係到盡頭時，我會放手。

私人傳訊

積分: 20345

134^#

發表於 22-9-11 16:05 |只看該作者

倫落人發表於 22-9-11 08:52
回覆 aidan08 的帖子

講多少少，我未夠三十歲，呢次原諒唔代表可容忍第三次，如果真係唔好彩遇到，我一定 ...

好替你難過。估唔到你咁年輕！從你行文、表達、對仔女嘅責任感，真係睇唔出你咁細個。你值得更好的！

當然，為仔女我明白點解你唔放棄。

但我比D意見你，唔好再同自己講你好愛你老婆。呢種人，你需要比D危機感佢。你咁容易原諒佢，之後又百依百順的話，只會更加唔尊重你。你要冷淡D，唔好比佢覺得你咁垂手可得！

點評

cathngai

發表於 22-9-11 16:56

私人傳訊

cathngai

伯爵府

積分: 15312

135^#

發表於 22-9-11 17:05 |只看該作者

本帖最後由 cathngai 於 22-9-11 17:06 編輯

倫落人發表於 22-9-11 08:52
回覆 aidan08 的帖子

講多少少，我未夠三十歲，呢次原諒唔代表可容忍第三次，如果真係唔好彩遇到，我一定 ...

我都估唔到你咁年輕，我同 aidan08 都好為你心痛, 你真係值得有一個更好，真心愛你嘅伴侶。
希望你太太珍惜，不再犯錯，願意為你為個家真心投入。
記住，事不過三，佢再犯，你不要再留情，真係要學識放手，祝福你

私人傳訊