自由講場 今日: 1443 | 主題: 1316525

積分: 51912

141^#

發表於 10-5-27 10:23 |只看該作者

原帖由 jacquesau 於 10-5-27 10:06 發表

客氣啦, 我只係覺得政府實在有資源錯配既問題, 做事往往只起了個頭, 就沒有下文, 造成社會矛盾！

但就呢單新聞, 好明顯係個年青人有好深既怨恨, 先會揀早會當住所有師生跳樓, 佢既行為在佢角度是最大亦是最後的控訴 ...

都係架!查實呢件事唔單止學校老師作為警醒去正視去反思,查實家長甚至呢個社會既每一個人都要反思去以此為鑑囉!

呢件事真係令人好震驚...同埋我一直响未有呢件事前,都好杞人憂天咁,耐唔耐都會諗個仔會唔會終有一日會爆煲,真係會响學校度跳落黎,始終我係一直覺得我仔既壓力源頭都係學校,但佢又矛盾地又好鐘意間學校同佢幾個老友同學,再加上佢本身問題對佢自己黎講都好大壓力,所以我係幾驚個仔真係情緒失控起上黎會咁樣做,,,誰知呢次竟然有男仔咁樣做咗...真係拎黎控訴呢個社會同世界囉.

同埋啱啱睇咗呢個男仔臨死前至開嗰個yahoo blog同唯一一篇既BLOG,查實都幾覺佢同我係同一類人,諗既野又似乎差唔多,只係佢仲年輕,化唔到自己心裡面對呢個社會同世界既怨恨,有好多事情查實佢都仲未去明白,可能佢就係有呢個膽量同意志去用呢個方式黎表達佢對世界既不滿,而我同呢個世上其他人唔會夠膽咁做,因為為咗咁而死好唔抵...佢死左嗰期無錯係好大迴響,但度氣過咗,呢個地球依然係咁樣轉,好難會因為佢既犠牲而去改變囉...要改變人既想法,唯一最幫到自己既就係自己.連自己都打咗自己入窮巷,真係好難改變架.

私人傳訊

積分: 51912

142^#

發表於 10-5-27 10:45 |只看該作者

http://www.youtube.com/watch?v=jq33aRrDqQ0&feature=player_embedded

响FB GROUP度睇番呢條片,讀番佢BLOG上寫既野,嗰刻好心痛!

連精神科醫生都批評呢間學校用對正常學生既罰法黎罰患病既學生係好有問題.

真係好希望各校真係要反思...我地明白老師想一視同仁,唔想大細超,但事實都要睇個別學生實際情況而去作出調整同變通,否則只會令各方都負上更沉重更不必要既壓力同傷害.

[ 本帖最後由 ~仔仔媽咪~ 於 10-5-27 10:50 編輯 ]

私人傳訊

積分: 38391

143^#

發表於 10-5-27 11:08 |只看該作者

其他我唔想評論，無謂落井下石。我只係想講，唔通老師管教學生都唔岩？做錯事要對人道歉有咩問題？點解有人日日返學開開心心，點解有人日日被罪？

我想講，唔好一面倒埋怨環境，自己條件如何？有冇努力開創自己的人生？

生活唔一定痛苦既！

私人傳訊

susi1024169

積分: 42413

好媽媽勳章

144^#

發表於 10-5-27 12:56 |只看該作者

原帖由 VKwan 於 10-5-27 11:08 發表
其他我唔想評論，無謂落井下石。我只係想講，唔通老師管教學生都唔岩？做錯事要對人道歉有咩問題？點解有人日日返學開開心心，點解有人日日被罪？

我想講，唔好一面倒埋怨環境，自己條件如何？有冇努力開創自己的人生？

生活唔一定痛苦 ...

自己條件如何？你係講緊有問題既學生?生病佢地都唔想,即使佢地想努力開創自己的人生,都比一般小朋友困難,佢地需要社會多D諒解,支援,但反而被認為佢地自己攞黎,父母做成....但學障OR思覺失調等精神問題既形成原因係專家都比唔到答案你,只知道佢地都控制唔到自己身體某方面機能,而唔係佢地專登唔去控制令自己失控,如果你話普通小朋友,埋怨環境,無努力開創自己人生,結果做成咁,係自己攞黎既...OK~但對住一個有問題既小朋友,你用咁既看法就.....我覺得唔太好囉....

私人傳訊

積分: 38391

145^#

發表於 10-5-27 13:22 |只看該作者

原帖由 susi1024169 於 10-5-27 12:56 發表
自己條件如何？你係講緊有問題既學生?生病佢地都唔想,即使佢地想努力開創自己的人生,都比一般小朋友困難,佢地需要社會多D諒解,支援,但反而被認為佢地自己攞黎,父母做成....但學障OR思覺失調等精神問題既形成原因係專家 ...

我唔係批評個細路，因為佢已經生病喇，冇得好講，係批評緊其他話學校唔岩既人！

例如父母，點解個仔一路生活唔開心佢地會唔知？睇個blog根本個細路思想偏激唔在一時，小學時已有，呢個或許才是患病原因之一，做咩要將責任推晒落學校度？

其他批評學校既人，請問學校可以點做？講真，睇都知呢個學校既學生並非收一些好自律好上乘既學生，e+學校管教學生都話錯？你叫以後老師點上堂呀？學校係咪唔駛做？

呢個悲劇冇人想，我自問好細心睇晒個篇5000字既文，我都想了解下個細路發生咩事，其實我都覺得好可惜亦好關心佢。我都認為個細路好有思想，比其他吃喝玩樂既細路強得多。但我唔認同責任係學校度！

我咁講或許太武斷，但之前講得唔清唔楚反而令網友誤會，我個人睇法係，最大責任係父母同家庭度。又可能會有人話，咁，都唔關父母事架喎，係社會制度令到有部份人生活唔好。

如果要埋怨，問題就沒完沒了架啦，我唔想再打咁多字，我想講，人要學識如何解決問題，即使不完全解決都要想個辦法面對，呢個係每個人既人生功課。

[ 本帖最後由 VKwan 於 10-5-27 13:23 編輯 ]

私人傳訊

KWT

男爵府

積分: 6353

hashtag影視迷勳章

146^#

發表於 10-5-27 14:00 |只看該作者

KIWILAU,

我相信你會是一個盡責的老師,如果不是,不會上來發言.但以事論事,你覺得黃父母有什麼失責的地方?如何照顧兒子不周全?學校與老師又有那些處理手法是對的呢?

我只覺得事實上,學校對家長失去信任能力,即對對方誠信存疑.如果你信任家長,如果家長說兒子每晚都有食藥,為什麼要學生在學校當著他們面前服藥?沒有信任.什麼事件導致學校不信任家長?究竟要發生多少事故才會造成這個現象?

死者矣矣,怎麼也不能復生.要做的是,怎樣才能避免悲劇重演,這件事的背後,可以吸取什麼教訓?而不是推卸責任,這樣對死者也不公平.

私人傳訊

susi1024169

積分: 42413

好媽媽勳章

147^#

發表於 10-5-27 14:14 |只看該作者

原帖由 VKwan 於 10-5-27 13:22 發表
我唔係批評個細路，因為佢已經生病喇，冇得好講，係批評緊其他話學校唔岩既人！

例如父母，點解個仔一路生活唔開心佢地會唔知？睇個blog根本個細路思想偏激唔在一時，小學時已有，呢個或許才是患病原因之一，做咩要將責任推晒落學校度 ...

AGREE~責任係父母度,但現實生活中,父母可做既事,並唔多,呢類小朋友,唔係多關心,佢地既病就唔會發作,某程度上,精神問題早已經存在係身體上,差在幾時爆發,佢一直等緊個爆發點,我睇報紙,似乎呢位同學既爆發點係感情問題,同女友分手後觸發,如果真係咁,父母又能做到D咩?正如我細佬,自小父母都好關心佢,我覺得我父母已經做得好好,但我細佬性格好掘,好想成績好,但遇上一次成績轉差,對佢黎講係觸發點,就開始思覺失調,呢D唔係父母可控制到,即使父母由細到大都同佢講盡左力就OK,唔使太著緊成績,但都仍然發生....可以點?
(你唔使回覆我,我只係想表達下思覺失調家屬既角度)

私人傳訊

KWT

男爵府

積分: 6353

hashtag影視迷勳章

148^#

發表於 10-5-27 14:55 |只看該作者

原帖由 ~仔仔媽咪~ 於 10-5-27 09:01 發表

德、智、體、群、美'呢五個理念,從小開始,唔單止係老師同學校要依循呢五方面去教育學生,我地當時係學生既自己都係依循呢五個方向去學習去行事,可能在於我黎講,我由細到大都係 ...

仔仔媽咪,

很佩服你對兒子不離不棄的精神.具有德、智、體、群、美'呢五個理念的老師,而又有耐心教導的老師可遇不可求百中無兩.

其實即使沒有精神或情緒問題的學生,也不見得沒有問題,講得好聽些,學生是否跟老師投緣.老師喜歡你萬事皆好,不喜歡你,做什麼都有問題,只要你做錯小小事,就好像放大鏡咁,小事變大事.同樣事情如發生在別的學生身上,可能什麼問題都沒有.可惜,我仔仔並不得老師歡心,問題是他會駁嘴,而且時常理據充分,常使人啞口無言.除非再用其他事件責罵他.因此,常常被罵,且莫名其妙.

舉一例子:
吃完午餐,仔仔吃生果時,老師罵他,他以為沒有洗手就吃生果,連忙洗手.跟著他舉起雙手給老師看,老師又繼續罵他,他以為雙手濕,連忙用衣服擦乾雙手,再給老師看,老師仍繼續罵他,結果他將生果(未吃完)丟掉,可老師仍然繼續罵他,結果老師提及默書部,仔仔謂早前班長收了,才停止罵他.之後仔仔問坐在他後面的同學(發生事情時在場全程觀看),知不知道究竟老師為什麼罵他,那同學也說不知道.

相信你們一定奇怪仔仔被罵,為什麼不問老師自己錯在那裡?以前仔仔都有問過,結果換來大罵:自己錯在那裡都不知道?你有沒有留心上堂.......等等一大堆莫名其妙的東西.

有時仔仔向我投訴,我也曾試過婉轉對老師表達,結果換來仔仔什麼都做不好,勞作,音樂等等.幸好還有兩個月就結束惡夢.

好的老師難以求得,如遇上,好過中六合彩.如有,那學生可能不用死.

私人傳訊

Femo

大宅

積分: 2036

149^#

發表於 10-5-27 15:08 |只看該作者

我好同情男生的父母. 要照顧生病兒子唔係一件易事.

私人傳訊

kylie10

公爵府

積分: 27490

好媽媽勳章醒目開學勳章環保接龍勳章

150^#

發表於 10-5-27 15:08 |只看該作者

可惜！壓力？校內同學目睹事發經過者，會有留暗影嗎？

mouth:

私人傳訊

newbiee

積分: 45787

好媽媽勳章

151^#

發表於 10-5-27 16:03 |只看該作者

原帖由 VKwan 於 10-5-27 13:22 發表
我唔係批評個細路，因為佢已經生病喇，冇得好講，係批評緊其他話學校唔岩既人！

例如父母，點解個仔一路生活唔開心佢地會唔知？睇個blog根本個細路思想偏激唔在一時，小學時已有，呢個或許才是患病原因之一，做咩要將責任推晒落學校度 ...

事實係點, 我諗呢度無人知, 大家只係按報章等消息而評論, 如果報導係真, 你覺得學校處理手法真係無錯? 唔需要檢討?
學生有病, 學校係控制唔到, 但學校唔幫不特止, 仲將佢當一個普通學生黎處理而令事情惡化, 我真係覺得學校係間接迫死佢.
如果咁都唔反省同埋檢討, 呢類事件只會繼續發生.

私人傳訊

77777

男爵府

積分: 7188

好媽媽勳章醒目開學勳章

152^#

發表於 10-5-27 16:16 |只看該作者

其實學校係應該可以處理得好d, 佢用d隔里個d手段來迫個小朋友寫悔過書, 可以就咁交比老師, 係咪有必要要公開呢?? 呢d對一個小朋友有無壓力? 更唔好再講個小朋友本身係有病.....普通小朋友面對呢d情況可以無唔開心的感覺??

我直覺呢間學校的處事手法好有問題.....好似富士康事件, 都係因為壓力太大, 您唔可以一口咬定出事d員工個個都精神有問題, 不過肯定佢地工作得好唔開心....始終凡事留一線好d...

原帖由 newbiee 於 10-5-27 16:03 發表

事實係點, 我諗呢度無人知, 大家只係按報章等消息而評論, 如果報導係真, 你覺得學校處理手法真係無錯? 唔需要檢討?
學生有病, 學校係控制唔到, 但學校唔幫不特止, 仲將佢當一個普通學生黎處理而令事情惡化, 我真 ...

私人傳訊

積分: 38391

153^#

發表於 10-5-27 16:25 |只看該作者

原帖由 newbiee 於 10-5-27 16:03 發表

事實係點, 我諗呢度無人知, 大家只係按報章等消息而評論, 如果報導係真, 你覺得學校處理手法真係無錯? 唔需要檢討?
學生有病, 學校係控制唔到, 但學校唔幫不特止, 仲將佢當一個普通學生黎處理而令事情惡化, 我真 ...

按報張消息而論，個細路既弟弟都冇話聽過學校要什麼公開道歉喎，如果記大過都話唔得，試問學校可以做咩呢？冇錯，呢個係悲劇，但站在學校的立場，亦需要有法可依。

其實如果家長覺得學校有咩唔妥/唔適合個仔，就應該唔比個仔返學或轉校，而唔係夾硬留個仔係度任由佢惡化掛？that's why我唔覺得個主要責任係學校度，學校只係導火線。

睇個篇文，見呢個細路，自細已經對世界/人類有怨恨，係佢既記憶裡，四年級已經咁諗(呢個種子，一定早於四年級出現)，亦覺得生命係痛苦，試問呢種認知從何而來？呢個係我既main point

[ 本帖最後由 VKwan 於 10-5-27 16:27 編輯 ]

私人傳訊

newbiee

積分: 45787

好媽媽勳章

154^#

發表於 10-5-27 16:36 |只看該作者

原帖由 VKwan 於 10-5-27 16:25 發表
按報張消息而論，個細路既弟弟都冇話聽過學校要什麼公開道歉喎，如果記大過都話唔得，試問學校可以做咩呢？冇錯，呢個係悲劇，但站在學校的立場，亦需要有法可依。

其實如果家長覺得學校有咩唔妥/唔適合個仔，就應該唔比個仔返學或 ...

咁相反, 如果學校係覺得無足夠人手/時間/知識去教導呢個學生, 咁點解唔叫佢轉校, 而夾硬比個學生留低而令事情惡化?
一個bk媽咪比喻過, 呢d小朋友就係一塊易碎玻璃, 明明已經貼上"小心, 易碎"嘅標籤, 但送貨嘅人仍粗暴處理而令佢碎裂, 咁你話送貨人係咪有責任?
如果送貨人知道自己無能力去完成呢項任務, 咁點解要接呢單生意?

私人傳訊

積分: 38391

155^#

發表於 10-5-27 16:57 |只看該作者

原帖由 susi1024169 於 10-5-27 14:14 發表
AGREE~責任係父母度,但現實生活中,父母可做既事,並唔多,呢類小朋友,唔係多關心,佢地既病就唔會發作,某程度上,精神問題早已經存在係身體上,差在幾時爆發,佢一直等緊個爆發點,我睇報紙,似乎呢位同學既爆發點係感情問題 ...

sorry to hear that你係家屬之一……

年輕人患呢種病真係好可惜！而且大家都好同情父母之難處，所以我並唔想落井下石咁批評佢父母，你我開始時發言都好隱晦。

只不過我提出大家唔好一面倒話學校唔岩而忽略左父母本身的角色，同可以做到d咩幫個小朋友。

黎得bk都係父母，我希望大家借鏡吸取教訓，個細路既父母太傷心可以理解，其他人如果一味埋怨，未可以就不幸事件提高警覺，咁好傻囉，始終仔女有事，父母一定要警覺性高，諗下點保護仔女，而唔係出事至黎追究。

私人傳訊

積分: 38391

156^#

發表於 10-5-27 17:02 |只看該作者

原帖由 newbiee 於 10-5-27 16:36 發表

咁相反, 如果學校係覺得無足夠人手/時間/知識去教導呢個學生, 咁點解唔叫佢轉校, 而夾硬比個學生留低而令事情惡化?
一個bk媽咪比喻過, 呢d小朋友就係一塊易碎玻璃, 明明已經貼上"小心, 易碎"嘅標籤, 但送貨嘅人仍 ...

自己唔行動，而怨別人點解唔叫我行動？！唔緊要，我唔想爭論，我只係誠心希望各位作為父母一定要自己警覺，即使唔係呢種症，任何事都係，年輕人真係好需要家庭支援，呢個細路，我真係覺得好可惜！

私人傳訊

積分: 51912

157^#

發表於 10-5-27 17:19 |只看該作者

原帖由 newbiee 於 10-5-27 16:36 發表

咁相反, 如果學校係覺得無足夠人手/時間/知識去教導呢個學生, 咁點解唔叫佢轉校, 而夾硬比個學生留低而令事情惡化?
一個bk媽咪比喻過, 呢d小朋友就係一塊易碎玻璃, 明明已經貼上"小心, 易碎"嘅標籤, 但送貨嘅人仍 ...

同埋我個人既意思唔係學校罰個學生唔啱,有錯當然要罰,要教學生何謂責任,呢樣一定要教,只係我既main point係用既方法唔啱亦唔正面囉.你可以鬧佢,但鬧得佢黎係要正面係要令佢順服,而唔係用一個負面或者對佢有唔好效果既方法黎羞辱佢或者刺激佢個情緒.

之前我都有睇報導話佢細佬事後都講番無聽過學校要求佢哥公開道歉,所以呢個POINT我都有保留,如果學校無咁要求過,當然無理由再屈學校老師有咁要求過囉!但學校既責任一定有,個學生有佢錯既地方(思想同行為),但唔代表學校係完全無辜又無問題囉.始終淨係睇食葯問題同其他方面既事情上,我唔覺得學校有尊重過家長既意見更加係無溝通,好似食葯咁,學校講到咁FIRM話一就一定要改早上食,家長話隻葯係FOR夜晚食,咁又何解學校好似覺得自己至高無上咁,連家長同醫生建議都唔理,而堅持要改早上食葯,由老師監住佢食,而唔係要求家長自己監番個仔响屋企食葯????學校老師無得否定埋醫生既指示囉.

再用番上面quote既比喻,人地一早話咗塊玻璃唔係咩強化玻璃係好易碎,照理負責運送既工人點都要搵方法去搵措施黎確保塊玻璃唔會跌碎,就算無其他野保護住塊玻璃,D運輸無呢方面既知道,但都點都會比平時更小心翼翼去拎實塊玻璃唔俾佢跌落地或撞碎囉...所以唔識唔代表真係可以唔駛去學去搵方法架.到最後如果個工人已經好小心又做足好多安全措施去保護塊玻璃,但最終都係碎咗,物主無錯係會心痛,但唔會點怪責工人既不是囉.始終大家都有努力付出過.只要你有交個心出黎認真去正視去處理過,人地父母已經好心存感激!呢樣正是我之前長篇大論所講既POINT.唔係要老師叻過我地班家長同治療師/醫生,根本無可能既事,而係在乎老師肯唔肯主動去學去搵方法去幫呢類學生.

又拎我仔依家個中文科老師黎講,佢都好鬼惡好鬼嚴架...基本上日日何止迫到我仔埋牆,我都俾佢D投訴同要求迫到埋哂死角...有時都真係好激氣架!心會諗,咁我都好忙嘛,個仔叫唔聽,佢係都要番學走黎蝦你唔交功課唔寫字仲發埋你脾氣走埋,咁我都無計架...我又唔响學校...

但一見到呢位惡老師雖則連家長都管教埋,但佢真係好交出個心出黎,一心真係想教好同幫到我仔囉!只要睇番佢平時既'小動作'甚至投訴內容,例如佢會額外自己用電腦打字額外PRINT一張中文默書範圍同功課範圍俾我仔,講真我都好知老師勁忙超辛苦,但係佢都可以連呢D野都幫我準備埋,淨睇呢樣,就算佢平時係幾黑口黑面又惡C又成日追我地債(功課),但我會好感激佢呢D付出囉!因為佢已經做突咗!已經做咗好額外既野出黎,佢就係希望我仔可以交個心出黎讀到書,想我仔大個仔D,唔好成日行為脾氣咁低能搞到成日俾同學蝦,雖則依家都差唔多學期完,我仔都係嗰隻衰款,都仲係發老師脾氣,但我已經好感激呢位老師既付出.因為佢真係用個心去對學生,就算之前我聽其他家長批評呢位老師唔體諒學生壓力,係咁要學生抄寫,但事實令我好欣賞同尊敬佢.

=="唔知我講到咁鬼長氣...大家明唔明我意思呢...即係我在乎既係過程(點做事),而唔係在乎個結果(唔係要求一定要做到成績出黎囉)...........

mouth:

私人傳訊

積分: 51912

158^#

發表於 10-5-27 17:22 |只看該作者

原帖由 VKwan 於 10-5-27 17:02 發表
自己唔行動，而怨別人點解唔叫我行動？！唔緊要，我唔想爭論，我只係誠心希望各位作為父母一定要自己警覺，即使唔係呢種症，任何事都係，年輕人真係好需要家庭支援，呢個細路，我真係覺得好可惜！ ...

明白.所以至一直話家校真係要合作要KEEP住良好溝通囉！是但一方唔做野，咁條橋起到幾咁靚都會倒塌囉.

私人傳訊

積分: 38391

159^#

發表於 10-5-27 17:33 |只看該作者

原帖由 ~仔仔媽咪~ 於 10-5-27 17:19 發表

同埋我個人既意思唔係學校罰個學生唔啱,有錯當然要罰,要教學生何謂責任,呢樣一定要教,只係我既main point係用既方法唔啱亦唔正面囉.你可以鬧佢,但鬧得佢黎係要正面係要令佢順服,而唔係用一個負面或者對佢有唔好效 ...

如果家長早前已經認為學校食藥安排唔合理，咁仲唔據理力爭？比著我冇鞋挽劇走啦！我至唔會留個仔比人虐待，家下都出左事喇，就算賠錢都冇用啦！所以咪話，保護到仔女既，最大責任係父母囉！除左父母，你可以期望邊個會幫你睇住仔女？

私人傳訊