親子旅遊 今日: 24 | 主題: 161181

積分: 2554

161^#

發表於 24-7-14 22:46 |只看該作者

heilok 發表於 24-7-10 23:22
我在官網買的。買的時候只要揀日子，不用揀時間。我原本預最遲嗰個時間，但睇錯時間，搭早咗一班車。我8點 ...

明白，我見morning ticket 最遲係13:17 回程，你只留4小時左右 ,足夠嗎？
在官網買完票後，是否收到email, 到時scan QR code?
我見book 其他時間，要揀出發時間及逗留時間，是否一定要坐booked的班次？
attach1/tmp/phpbysD3H

私人傳訊回覆引用

積分: 2554

162^#

發表於 24-7-15 07:47 |只看該作者

CathyLss 發表於 24-7-12 14:34
可飲用的，我都係直接飲的。

私人傳訊回覆引用

積分: 2554

163^#

發表於 24-7-15 07:49 |只看該作者

MissMaMa 發表於 24-7-14 21:42
係，好多人喺廁所裝水飲，但我就習慣買樽裝水或煲水飲，始終信唔過 d喉管，覺得污糟
...

真係飲廁所水

私人傳訊回覆引用

MissMaMa

珍珠宮

積分: 44955

164^#

發表於 24-7-15 08:47 |只看該作者

chun媽發表於 24-7-15 07:49
真係飲廁所水

係呀，見好多外國人入廁所裝水飲。不過，我自己接受唔到飲水管直出嘅水，水管可能已老舊或多污垢，如果屋企加裝濾水器就okay

私人傳訊回覆引用

heilok

公爵府

積分: 27069

165^#

發表於 24-7-15 14:28 |只看該作者

chun媽發表於 24-7-14 22:46
明白，我見morning ticket 最遲係13:17 回程，你只留4小時左右 ,足夠嗎？
在官網買完票後，是否收到email, ...

足夠有餘。我留最耐係排隊影打卡相。不過我上去嗰程係坐Eiger Express，慳咗時間。
我唔係呢個版面買，morning ticket 唔駛揀時間。網上買票會send 電子票去你電郵，download 落嚟就得。最好screen capture 埋安全d。我坐其中一段纜車時，有人check 票，隔離有個外國人上唔到網，問我地share wifi 俾佢download 票。

私人傳訊回覆引用

tinlong.hk

積分: 3940

166^#

發表於 24-7-15 15:57 |只看該作者

本帖最後由 tinlong.hk 於 24-7-15 16:11 編輯

chun媽發表於 24-7-14 22:46
明白，我見morning ticket 最遲係13:17 回程，你只留4小時左右 ,足夠嗎？
在官網買完票後，是否收到email, ...

上少女峰不一定要坐book左的班次, 揀時間主要是為了分流. 官網票是QR code, 搭cable car時要scan, 火車時就有人查票先show QR code.

私人傳訊回覆引用

積分: 4590

167^#

發表於 24-7-16 08:14 |只看該作者

chun媽發表於 24-7-14 22:46
明白，我見morning ticket 最遲係13:17 回程，你只留4小時左右 ,足夠嗎？
在官網買完票後，是否收到email, ...

認同一般黎講4個鐘係夠既，尤其如果無打算行去Mönchsjoch Hut。不過你係會買Half Fare Card嗎？如果有HFC上少女峰站，其實Good morning ticket同普通票來回只係差唔夠20CHF (唔同STP，用STP兩者係差70幾CHF)。當然如果係上面逗留時間唔長係可以20都慳返，純粹睇你想唔想俾多20買彈性、突然想留耐D都得。

普通票全日通用無指定班次，其實SBB個app都隨時買得到，反而如果你Kleine Scheidegg/ Eigergletscher <> Jungfraujoch一段火車想確保坐指定班次想坐留座車卡，係要俾多10CHF留座費(留座但不設劃位)，Jungfrau.ch有得淨留座。

我當年係一早睇webcam實時情況 + 天氣預報見好天，先係Grindelwald站即場買普通票搭頭班車 (當年未有Eiger Express)，留左係少女峰站整整6個鐘，我都諗唔起點解可以留咁耐，仲要無行曬去Mönchsjoch Hut果條路，可能影相影太耐。

私人傳訊回覆引用

積分: 2554

168^#

發表於 24-7-16 11:18 |只看該作者

CathyLss 發表於 24-7-16 08:14
認同一般黎講4個鐘係夠既，尤其如果無打算行去Mönchsjoch Hut。不過你係會買Half Fare Card嗎？如果有HFC ...

謝謝你貼心的回應，我在Grindelwald 逗留三天，除了去少女鋒，自然去First,, 值得買3 day pass 嗎？
再問清楚，如果3 day pass ,係咪22,23,24 號三日

私人傳訊回覆引用

積分: 4590

169^#

發表於 24-7-16 21:32 |只看該作者

chun媽發表於 24-7-16 11:18
謝謝你貼心的回應，我在Grindelwald 逗留三天，除了去少女鋒，自然去First,, 值得買3 day pass 嗎？
再問 ...

你係指淨係買3日Swiss Travel Pass (估唔係講Jungfrau Travel Pass？)，然後唔買Half Fare Card嗎？咁你可能要再計計數，不過好大機會都係買HFC+買票平。

如果你係指又買HFC又買3日STP，咁就更大機會係淨HFC+買票平。好似22-24號咁，如果有HFC當你呢3日買曬Saver Day Pass 2nd class，其實目前就算升左好多價都只係共167CHF，而3日STP要244CHF。你可以睇返STP同Saver Day Pass係咪一樣都覆蓋你既行程。而上山優惠可以用HFC。除非你去好多博物館，STP係包既。

如果係問係咪值得俾錢買方便，其實都好睇個人 (同埋差價)。宜家俾我唔會買STP，但其實我最初去係計都無計數就決定買15日pass，當年係人生第一次自由行，仲要帶住屋企人，諗住費事煩買pass最方便。買pass有時有另外一個好處，就係唔會因為車程價錢影響去定唔去既決定，例如玩完預定行程後淨返少少時間可以去某地方，但只夠睇半個鐘九個字，如果車程要俾例如20CHF，有人可能會諗係咪值得俾錢去咁短時間。用Pass就少左呢個顧慮。

私人傳訊回覆引用

積分: 2554

170^#

發表於 24-7-16 23:15 |只看該作者

CathyLss 發表於 24-7-16 21:32
你係指淨係買3日Swiss Travel Pass (估唔係講Jungfrau Travel Pass？)，然後唔買Half Fare Card嗎？咁你可 ...

多謝你詳細回覆，我指的是 Jungfrau Travel Pass, 有HTP 只需俾CHF 165, 可以去少女鋒、First, Harder Kulm

https://www.jungfrau.ch/en-gb/jungfrau-travel-pass/#2068

私人傳訊回覆引用

積分: 4590

171^#

發表於 24-7-16 23:56 |只看該作者

chun媽發表於 24-7-16 23:15
多謝你詳細回覆，我指的是 Jungfrau Travel Pass, 有HTP 只需俾CHF 165, 可以去少女鋒、First, Harder Ku ...

喔原來真係講Jungfrau Travel Pass，咁可能你要計計數，不過唔包Eigergletscher <> Jungfraujoch的要另外買飛呢，你條link價目表下面細字有寫價錢，所以係165CHF + 75CHF。因為上少女峰站平左38.5CHF (113.5-75)，可以當係俾126.5CHF (165-38.5)去任搭其他Jungfrau region交通。感覺要一日去好幾個地方先可以抵返，如果你少女峰站以外淨係去First就唔抵了。

如果你停留觀景台時間唔長可能可以試試計下數，去First我自己係為左Bachalpsee (極之易行既山路)，但如果唔行山、唔玩咩飛鷹之類果D，停留時間應該可以短好多。我其他歐洲地方旅行都買過纜車pass之類，有個好處係可以唔同時間唔同光線既時候上同一個觀景台，其中一個觀景台我上左去3次、另外有兩個各2次，無pass應該唔會咁做。

私人傳訊回覆引用

tinlong.hk

積分: 3940

172^#

發表於 24-7-17 16:33 |只看該作者

你首先要決定左買唔買3 day pass先, 然後再決定買唔買half fare card. 我只見你會住Grindelwald 3日, 不知你會否另外再住Interlaken, 還是3日當中包埋落山玩Interlaken, 亦唔知你係瑞士其他行程, 建議你定左行程, 成條大數計一計.

正如樓上講, 若果只上少女峰同First, 買3 day係唔抵的, 因為少女峰最尾程火車要加錢. 但你有3日, 若果去埋唔同山頭/小鎮玩, 同埋會落Interlaken坐船, 咁又會抵返. 不過張pass好衰, 唔係所有cable car都包, 要上官網睇清楚.

一般黎講, 夏天我會建議一日上少女峰, 搭carble car上, 火車落, 落山時去Wengen (典型瑞士山上小鎮)同Lauterbrunnen(睇瀑布), 夏天日照長, 落山仲有時間玩, 可以食埋晚飯先返歸. 山頂一般4小時足夠, 仲有snow park (有ski/snowboard experience同 sledding / tube可以玩), 另外仲有zipline, 不過要睇身體狀態, 唔少人上到去都有高山反應, 玩得未必暢快, 所以我通常建議人去first玩zipline. 另外山上既shop有氧氣買, 唔舒服可以買黎用, 但真係太唔舒服就要落返山.

First我可以玩大半日, 當然視乎你玩d咩, 行下cliff walk, 排下隊影相, 玩zipline, gilder, mountain cart (仲要排隊), 好快就一日, 時間有剩就行下Grindelwald個鎮.

Grindelwald地區仲有其他野玩, 例如Glacier Canyon Grindelwald (峽谷), toboggan@Pfingstegg(都有zipline), 或者上其他山頭同小鎮, 絕對夠你砌多日行程. 但若果你果3日包埋interlaken, 落山行下, 上Harder Kulm, 遊下湖, 就冇一日.

所以定左行程再計數啦.

私人傳訊回覆引用

積分: 2554

173^#

發表於 24-7-17 18:18 |只看該作者

tinlong.hk 發表於 24-7-17 16:33
你首先要決定左買唔買3 day pass先, 然後再決定買唔買half fare card. 我只見你會住Grindelwald 3日, 不知 ...

多謝兩位高人指點，原來Grindelwald附近都有咁多嘢玩，咁就簡單了，初步打算
21號上午仍會在Luzern,中午才坐車到Grindelwald,跟住到附近走走。
22號去少女峰+Lauterbrunnen
23First+ glacier canyon
24號上午到interlaken,下午才去Geneva
謝謝
行程已經好豐富了。

私人傳訊回覆引用

tinlong.hk

積分: 3940

174^#

發表於 24-7-18 06:46 |只看該作者

回覆 chun媽的帖子

原來你過兩天就飛, 我沒追之前的帖.
現時天氣預報是下星期一/二間中有陽光, 希望你到時有好天氣, 若果你買左3 day pass, 又或者冇買定票, 可以一朝早睇定天氣先決定邊日上邊坐山, 總之一早見少女峰山頂天氣好就即上. 你可以check官網webcam, 或者download jungfrau app, 都有webcam睇, 有時山下望上去有雲, 但山頂高過雲層反而天朗氣清, 有雲海睇tim. 所以直接睇webcam最準. 不過唔好望睇雲海, 因為有的話山下天氣就未必好, 有得有失.

去Geneva做咩? 冇咩特別野睇. 有時間就去附近既Annecy / Yvoire, 其他Geneva景點半日行完, 兼且唔太特別.

私人傳訊回覆引用

積分: 4590

175^#

發表於 24-7-18 06:53 |只看該作者

chun媽發表於 24-7-17 18:18
多謝兩位高人指點，原來Grindelwald附近都有咁多嘢玩，咁就簡單了，初步打算
21號上午仍會在Luzern,中午才 ...

其實係架係好多野睇。少女峰站落返黎沿路都有野睇的，例如Eigergletscher同Kleine Scheidegg之間有個人工湖仔Fallbodensee配合週邊既山都幾靚的，不過要行少少山路。

如果你去Jungfraujoch之後打算去Lauterbrunnen，我覺得可以考慮好似樓上建議咁，有興趣有時間就睇埋Wengen，順路的。係Kleine Scheidegg轉火車落山，一班去Grindelwald、另一班去Lauterbrunnen係經Wengen的，兩邊都係半個鐘一班車。落山搭去Lauterbrunnen既火車途中，可以係Wengen落一落車、快快地睇一個半個鐘，先再坐其後既班次去Lauterbrunnen。如果你鍾意瀑布，果一帶有Trümmelbach Falls (要入場費) 都好熱門的，我自己無咩興趣瀑布係無去過 (亦可能係咁個人係鍾意Wengen多過Lauterbrunnen。)

提起少女峰站上面既高山反應，其實就係因為家人突然有輕微高山反應、突然好眼瞓，行行下未去到Mönchsjoch Hut都要折返返室內休息。係上面以平日正常速度行既話我地都有喘氣既感覺，要行得好慢。聽朋友講佢旅伴更加因為心急跑左一下，跟住就好唔舒服、唇/指甲都紫曬、咩都玩唔到。所以係Jungfraujoch上面唔習慣真係盡量慢唔好急。

私人傳訊回覆引用

積分: 2554

176^#

發表於 24-7-18 10:55 |只看該作者

tinlong.hk 發表於 24-7-18 06:46
回覆 chun媽的帖子

原來你過兩天就飛, 我沒追之前的帖.

去Geneva 兩晚，是有點無奈，因為Zermatt 交通問題。
24/7 晚到Geneva
257/7 Day trip 到 Montreux + Chillon Castle
26/7 Geneva 市內走去，黃昏到機場

請問去Montreux 好D 還是 Annecy 好D?

https://wisebaby.tw/annecy/

還是看天氣再決定
謝謝

私人傳訊回覆引用

積分: 2554

177^#

發表於 24-7-18 10:57 |只看該作者

CathyLss 發表於 24-7-18 06:53
其實係架係好多野睇。少女峰站落返黎沿路都有野睇的，例如Eigergletscher同Kleine Scheidegg之間有個人工湖 ...

多謝你貼身的提示，之前睇一些post，都提到高山症的問題，要唔要去藥房買定D 藥？如果要買防高山症的藥物，應該係乜咩野呢？

私人傳訊回覆引用

積分: 2554

178^#

發表於 24-7-18 11:39 |只看該作者

想網上book Pilatus goldern trip, 呢個網站是否安全？

https://shop.e-guma.ch/pilatus-bahnen/en/tickets/c/golden-roundtrip-1075471

私人傳訊回覆引用

積分: 4590

179^#

發表於 24-7-18 13:07 |只看該作者

chun媽發表於 24-7-18 10:57
多謝你貼身的提示，之前睇一些post，都提到高山症的問題，要唔要去藥房買定D 藥？如果要買防高山症的藥物 ...

當年係有擔心屋企人有反應，因為我地會住Gornegrat夜晚係無得走，係有叫屋企人去衛生署個旅遊健康中心睇醫生拎藥，俾左兩隻西藥我已經唔記得係咩。屋企人有食藥有反應，係Gornegrat個晚頭痛+失眠，我無食藥都無咩反應。屋企人覺得自己唔可以再住咁高了，放棄諗去九寨溝之類。

我自己覺得短停唔係太大必要食藥，之後同屋企人旅行再上高山都無再買藥了，因為唔係住係高山上面，只係短時間停留，有咩都可以即刻落山。如果你擔心都可以買定藥既，或者好多人會買中藥紅景天，不過好似係要幾日前食定。

私人傳訊回覆引用