自由講場今日: 2083|主題: 1332569

收藏本版

發帖

返回列表

跳至頁

查看: 18868 | 回覆: 483

12 3 4 5...25

積分: 24737

1^#

發表於 14-5-2 23:58 |只看該作者 |倒序瀏覽 |打印

本帖最後由 miuling814 於 14-5-3 01:05 編輯

由於我5月1日同囡囡去咗旅行，啱啱先返到，但一打開個post，嚇咗一跳，有D事，我諗我必須交待一下：

1:點解之前住緊公屋，依家又話有樓？
依家間公屋係我父母，而我嘅小朋友一直都喺元朗返學，又喺我父母湊，咁我都喺我父母屋企住，照顧小朋友，星期六日就返屯門。

2:點解之前有徵過二手傢私？
因為之前我奶奶過身，咁我老爺間沙田間公屋一直都係中單位，咁房署出信要我老爺搬細單位，咁以前好多傢私已經擺唔落，我老公話買過哂D嘢俾距，但距又話sai 錢、又話唔使、點都唔肯。咁我就試下上網睇下會唔會徵到，又諗會環保D。但點知俾部份jm狂插，又話唔會瞓，又話污糟……唉……

3：點解5月1日出post，話今日去律師樓，但居然有律師樓開門？
可能我冇文化，當時我所指嘅今日係4月30日，並唔係5月1。因為我係凌晨2點幾出post，我冇注意到過咗12點就算第二日。

4：點解睇我以前嘅post好似好窮，但依家又話老公有層樓？
我相信每個人都會有唔如意嘅時候，我前幾年同我前一任老公離婚，因為大家性格不合，之前嘅時間，我湊住對仔囡，生活過得好辛苦，返工一日兩份，日頭做行街，夜晚就去馬灣做清潔、洗地，為嘅就係賺D錢養仔囡。到後來，我識到依家個老公，距不但冇嫌棄我有小朋友，仲對我好好，距仲同我註冊，搬去屯門同距住。個因為囡囡喺元朗讀書，我唔想幫距轉校，咁我就安排返學嘅日子就喺我阿媽到住。

5：點解3月留言話賣咗層樓買唔返，依家又話有樓？
老公未識我之前，距買咗沙田大圍嘅富X花園，當時樓價低，又只係俾一成首期，咁距就買咗，不過唔係自住，係放租。之後距再儲落一筆錢，喺屯門買多一層樓，都係俾一成首期，咁距就只係將大圍嘅租金用來供屯層樓。喺2010年4月時，有個地產經紀問距層樓賣唔賣，話sale到xxx萬。之後距問班朋友意見，話中高層賣緊Xxx萬，距只係低層，同中高層價錢差5萬，賣咗賺xx 萬。咁我哋就讚成距賣。點知賣咗唔夠半年，D樓價係咁昇，又話要3成首期，咁距已經買咁返層樓。
我意思就係咁。

6：點解層樓再以轉名？
我之前都有講過，我只係上去簽名，其他詳細嘢，我冇問過老公，亦唔清楚。

7：點解上到律師樓就諗到離婚？唔通夫妻關係唔好？
可能我睇得電視多，見識淺，所以我上律師樓就聯想到要離婚？

感謝曾經留言過嘅jm，令到你哋咁浪費時間，實在抱歉。
我透露的已經好多，你哋無論支持我或插我或鬧我，我都感謝。你哋就算話我怕咗你哋又好、驚俾你哋拆穿又好，話我大話精之類，乜都好。我全部不作任何回應。感謝大家費神。