吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 給真真正正的男人

夫婦情感今日: 3|主題: 42603

收藏本版

發帖

返回列表

跳至頁

查看: 2852 | 回覆: 13

給真真正正的男人 [複製鏈接]

mjzz

別墅

積分: 900

1^#

發表於 04-4-6 02:45 |只看該作者

給真真正正的男人

好多時見d家長post出來都與男人不照顧小孩有關, 其實男人照顧小朋友係好正常的事, 特別係一對夫婦, 大家都有o野做, 冇一定話湊仔煮飯係女人, 人生只得果幾十年, 對著小朋友日子你估會好耐咩? 點解係要等到將近失去才會珍惜? 小朋友最可愛的是在相處中發現他們成長, 即使他弄髒了.... 也是可愛~

先講明我都係男人, 生兩個b我都有份湊.... 辛苦.... 一定, 不過..... 絕對值得!!!

我們應該感恩神的話語令人清醒

私人傳訊

bandband

子爵府

積分: 11510

2^#

發表於 04-4-6 03:20 |只看該作者

Re: 給真真正正的男人

mjzz,

幸好我老公都有幫手湊囝囝,不過可能男人無女人有咁好耐性,好難忍受到仔女扭計既時候...

因為我都覺得我老公有時好易俾亞仔激到發老脾~~~!!好容易粗聲粗氣,話時話,你有無啲咩心得可以俾各位爸爸參考???

老公VOICEMAIL 1 2 3

私人傳訊

moonhome

男爵府

積分: 5107

好媽媽勳章 BK Milk勳章

3^#

發表於 04-4-6 03:50 |只看該作者

Re: 給真真正正的男人

我老公一見我好激氣就會浦頭幫手揍女
偶爾同佢商量佢放假幫手揍女幾個鍾,
而我冇朋友陪我都會自己出去行下街,做運動
講真有時唔好以為個個女人都可以
懂得好有條理揍bb,我就其中一個

尢其唔識遷就bb時,我就會好鬼激氣
個女咁又唔得,呢樣又話唔得,係要玩d唔玩得既野
一時扭食糖,一時又打開雪櫃拿野食
前幾日又比佢趺壞左部相機,人人都識講引開佢注意,點點點
我都知,我都唔係一開波就發嬲
而係一朝早對住佢去到夜晚
仲有d咩耐性??

我而家好刻意壓制自己既情緒
當阿女有d咩扭計,我都叫自己唔好罵/好惡咁鬧囉
同佢講道理,但佢2歲人仔又真係好似識聽

搵d我又唔覺得厭既玩意同佢玩,e.x.煮飯仔,玩lego
佢又真係乖d呀

我好想做個好媽媽,令到個女開心

私人傳訊

mjzz

別墅

積分: 900

4^#

發表於 04-4-6 05:38 |只看該作者

Re: 給真真正正的男人

心得唔知算唔算..... 其實湊仔係講求EQ極高的考驗, 因為大人總會比小朋友激親, 視乎有幾金咁解, 不過有時有d小事回想, 大家都可能有經驗係, 會發覺之前自己可能惡o左少少, 如果有咁o既想法, 恭喜你, 只要你再想多一層..... 如果阿b下次又咁, 我咁咁咁處理會唔會好d呢? 如果佢唔聽又點點點呢....

好似面試咁.... 衰o左一次再來, 但今次要做好準備, 如果今次有d未準備好, 當然又會衰啦, 咁吸收經驗下次再做好d囉~

曾經有個約3歲小朋友在老麥玩跌杯汽水, 倒到bb車個細妹度, 個爸爸打了他一耳光, 之後吵鬧一輪.... 爸爸氣結地再買另一杯回來, 但禁止3歲小朋友飲.....

其實有咩咁嚴重要打個小朋友? 打完之後bb妹會乾淨番? 而且3歲小朋友係唔係有心? 有冇其他更好的處理方式? 當然是有的, 大人打小朋友 = 小朋友有時咬其他小朋友一般, 係無意識的, 無意識 = 唔經大腦.... 唔好誤會我鬧緊人, 係之前個老師講的.... 大家都需要多加練習, 大o既練運用方式, 細o既練小心d, 咁有了經驗, 下次咪可以小心運用囉~ :-P

小朋友特性: 弄壞, 弄亂, 弄髒, 之後仲戇居居.... 可愛吧~

我們應該感恩神的話語令人清醒

私人傳訊

BB爸爸

複式洋房

積分: 274

5^#

發表於 04-4-6 15:37 |只看該作者

Re: 給真真正正的男人

我都係有幫手湊仔,雖然我都有請工人,但係如果我放假,我都會餵奶,餵飯,換片,沖涼,"um"佢訓,雖然都幾辛苦,不過我覺得咁樣同個仔親近一d好開心,好enjoy!
mjzz,我都係咁,有時個仔百厭,我好勞氣罵佢,不過之後自己都覺得內疚,覺得唔應該發脾氣,都會同老婆傾點樣處理.
我都唔主張體罰,同埋我覺得d細路係越打越奀皮,我老婆個家姐就支持體罰,係我地面前都會打個仔打得好金,如耳光,扭耳仔,而家好彩佢個仔大個d比以前乖左,不過曳起上黎就唔怕人打!

私人傳訊

bandband

子爵府

積分: 11510

6^#

發表於 04-4-6 15:47 |只看該作者

Re: 給真真正正的男人

BB爸爸:

我老公都會同我成日傾點去教養個仔!係好架~!我覺得除咗可以令你地教個仔教得好啲之外,亦都增進番兩公婆既點契同感情! :-P 所以我都覺得同老公好夾架~!

老公VOICEMAIL 1 2 3

私人傳訊

靖嵐

子爵府

積分: 11973

好媽媽勳章

7^#

發表於 04-4-6 16:38 |只看該作者

Re: 給真真正正的男人

我老公都有幫手湊我個女, 由bb幾個月開始至到依家三歲(因為唔足月出世, 之前唔敢掂), 湊得好好o架, 所有關於湊女o既佢都識做同會做, 唔係淨係話陪玩, 所以我個女好跟爸爸, 又成日會話掛住爸爸, 我老公可以自己帶個女出街玩去足一日.
我好感激我老公肯主動湊囡囡, 正如你o地講, 小朋友大家都有份, 小朋友時間過o左就過o左, 第日如果小朋友大o左要唔理個呀爸就冇得怨人, 我相信種瓜得瓜種豆得豆.

o係度真係多謝靖嵐爸爸一起分享湊靖嵐o既苦與樂~ 多謝~
(我知我老公都有睇bk :-P)

我想要9999呀...

私人傳訊

timtim-mame

複式洋房

積分: 201

8^#

發表於 04-4-6 16:43 |只看該作者

Re: 給真真正正的男人

mjzz,

好欣賞你, 你做得好岩呀! 分擔係好重要, 不過唔好話男人, 就算女人, 自己陀自己生, 生左出黎都唔願去湊啦! 所以都唔關男人女人問題, 純粹係個人問題!

私人傳訊

markli

別墅

積分: 734

9^#

發表於 04-4-6 17:46 |只看該作者

Re: 給真真正正的男人

哈哈^___^自從兩個女出世後，又湊女，又做家務。。。最重要係成日上BK.......我直情覺得自己以經變佐女人咁...*____*....嘻嘻^^

吾係呀﹖﹖﹖BandBand......又見到妳！！！除佐我個架步，真係度度都見到妳^___^

私人傳訊

bandband

子爵府

積分: 11510

10^#

發表於 04-4-6 18:39 |只看該作者

Re: 給真真正正的男人

markli 寫道:
哈哈^___^自從兩個女出世後，又湊女，又做家務。。。最重要係成日上BK.......我直情覺得自己以經變佐女人咁...*____*....嘻嘻^^

吾係呀﹖﹖﹖BandBand......又見到妳！！！除佐我個架步，真係度度都見到妳^___^

咦~?

你架步响邊呀...等我又入嚟逛吓先~~~~!!! :-P :-P

老公VOICEMAIL 1 2 3

私人傳訊

yuenwa

男爵府

積分: 5774

11^#

發表於 04-4-6 20:26 |只看該作者

Re: 給真真正正的男人

我老公都會湊囡囡架! 佢比我湊得囡囡仲齊整, 每晚都會同囡囡沖涼. 不過老公有時好忙, 其實囡囡見佢的時間不多, 只有沖涼時間, 沖完涼後要訓覺.

我雖然成日對著囡囡, 但囡囡只係肚餓時才比較"痴"我, 平時見到daddy笑得特別甜!

所以奉勸各位男人大丈夫, 你對兒女付出的時間和精神是十分值得的, 因為你的兒女的甜笑是很好的回報!

私人傳訊

Mummy

男爵府

積分: 5874

12^#

發表於 04-4-8 17:16 |只看該作者

Re: 給真真正正的男人

我老公唔會特別湊仔女的, 佢成日話: "你做得比我好!" 所以佢返到屋企剩係識得同佢地玩, 其實在於我老公角度黎講, "同佢地玩"都算係湊左架啦。不過有左仔女之後, 我老公真係痴家左, 起碼以前有朋友叫佢出去, 永冇say no 的, 而家有左仔女, 我老公唔想去的話, 都會搵個藉口黎推朋友, 目的都係想早d返屋企同對仔女玩下。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

Maney

民房

積分: 26

13^#

發表於 04-4-11 01:18 |只看該作者

Re: 給真真正正的男人

我有2個小寶寶, 男孩子, 分別已經2及3歲多了. 我一直都很欣賞及感激我老公, 他會好樂意去照顧bbs. 他對換片, 沖涼, 餵奶, 餵飯等...無一不懂, 而且十分熟練. 即使買衫褲給他們也是他買, 他最清楚size.
所以, 我的2個小男孩第一聲是叫'daddy', 而不是'mama'. 大的從bb時便十分喜歡跟著daddy到處去. 幸好, 細的到現時為止仍然黏著我, 不過, 我相信很快他也會較喜歡與daddy在一起, 因為他們都是大小男孩. 有時坐在一旁看著他們玩是一種享受(我不會獨佔他們的).
雖然, 很多時我會反對老公對他們的輕微體罰(扭耳仔),(之前會打手仔, 但專用間呎已給我收埋了

). 我會與他分享我的想法, 他有時會唔服氣話我縱容bbs, 但我堅持我的做法, 打並不能解決問題, 只會加深佢地認為打可以解決問題的想法. 有時佢會唔出聲, 有時會在我不為意時才體罰他們...但係, 我都會知道, 因為bbs會話比我知~~hahaha
其實, 我又點會唔比bbs激親呢?! 之前我都有試過打佢地, 但之後個心好痛, 而且好內疚. 於是, 我不斷嘗試去上堂, 上網搵資料, 聽教會講座的資料等等去尋求解決的方法; 當然, 身為一個基督徒, 我絕對信任聖經的教誨, 耶穌已為我們(bbs)的罪被釘十字架了, 為何還要打他們呢??
做父母好容易, 做'好'的父母是要用心的.
各位父母, 曾否想過, 小孩是不會刻意去犯錯的, 小孩只會希望想盡辦法去討好父母, 討好成年人, 引我們去注意去關心他們, 他們的搗蛋可能只是因為我們對他們做得不夠好而已. 再者, 小朋友們出生本是一張白紙, 他們所做的可能根本就是我們的覆印本, 若你認為他們做錯了, 曾否想過自己其實做著相同的錯事呢?!
小孩子那麼可愛, 無論是父或母也應該用心及花時間去關心去親親他們, 而且我絕對相信從中你會得到無比的樂趣, 這些時間短暫而且珍貴.