事發於上星期, 阿仔(k3)放學後去自修室玩, 佢排隊玩電腦排咗1粒鐘, 排到喇, 佢同學就走嚟推開佢:”行開!畀我玩。” 阿仔於是想搶回電腦, 對方就揮拳打到佢流鼻血, 佢就還手抓傷了同學仔的臉, 2家人於是不歡而散啦。
點知呢個星期一, 對方向學校投訴話我個仔打佢, 故事演變成:我個仔主動打佢, 佢沒有還手, 只是在喊…
我覺得好嬲, 平時佢個仔在玩電腦, 我仔未排到冇得玩, (ngai)佢十幾分鐘佢都唔肯讓, 唔讓都算啦, 始終是先到先得嘛, 仲要講埋d核突嘢:”睇妳個樣成舊屎咁, 我唔會讓你架!…”
阿仔以往成日都畀呢個同學仔”蝦”, 不過我覺得不太過份的, 我都會由得佢, 因相信”唔畀人蝦”必須要靠佢自己, 我不可能一世代佢出頭。但今次… 真係火滾囉。
發生在學校範圍以外, 都要向老師投訴, 仲要係更改事實嗰隻, 真係好唔開心。我已下了禁制令, 以後放學後要立即回家, 不准至到自修室, 另外不可再於此同學”玩得咁埋”, 我唔想再被屈及給老師帶來麻煩。
[ 本文章最後由 Giant 於 08-7-16 13:09 編輯 ]
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!