夫婦情感 今日: 2 | 主題: 42650

積分: 7155

虎到金來勳章醒目開學勳章環保接龍勳章畀面勳章

1^#

發表於 08-9-2 01:41 |只看該作者 |倒序瀏覽 |打印

剛剛係我地拍拖15週年，結婚7週年，生了BB 九個月～湊BB真係好辛苦, 我因為好唔想奶奶湊，唔理我老公反對，辭職湊BB~ 因為BB早產，我唔可以卑我奶奶搞飛～雖然我奶奶份人工同我份人工差好遠，但我都寧願自己湊，因為早產BB健康係好緊要~

BB住了個幾月醫院，我坐月其間日日去醫院睇BB,風雨不改,身體根本無得休息，又要拿人奶卑BB,當時，我老公都無乜體諒我生早產BB既心情，我成日內久我有BB時心情好差，成日喊，因為我好怕BB要卑奶奶湊, 結果我自己真係湊到BB,但係早產，令人好擔心~

辭職初期，我老公一番到屋企就黑面，乜都唔幫我做，一個出世三磅既BB,住院四十幾日番屋企先得五磅幾，一月份好凍，我老公都唔會幫我一把，我有一次湊BB湊到我頭暈想嘔，我打卑佢，佢唔想請假，我媽睇唔過眼打卑我老公，佢仲同我媽講叫我卑99湊!
我好失望，我兩年前小產，今次lee個BB又作小產訓了幾個月床，老公都唔會感激我！點解我生BB既情景同我想像係甘唔同~

好喇，BB而家九個月，我老公好了好多，可能見BB尚算健康，但我好驚BB一歲我老公會迫我卑99湊番．．我好驚~仲有，生了BB後，我老公已經唔會主動錫我，攬我，就算ML都係我主動～我曾經send SMS 卑佢話我十五年黎都好愛佢，佢只答我"收到"，我覺得好寂寞，佢係唔係唔滿意我自己湊BB先甘對我？我而家三十歲，我究竟點先捱過lee個人生!?

雖然佢而家已幫我做了好多家務，唔再好似初期甘乜都唔幫，但我總覺得我地之間好似凈番感情，再無愛情～但我為了BB,只好乜都忍~ 但我好驚BB一歲唔知我地會發生乜事~

0 0 0

私人傳訊

CYK

積分: 4240

2^#

發表於 08-9-2 10:31 |只看該作者

樓主,

>>我覺得好寂寞，佢係唔係唔滿意我自己湊BB先甘對我？我而家三十歲，我究竟點先捱過lee個人生!?<<

你唔寂寞的,因為你仲有個BB陪住你,你老公都幫你做家務,即係佢支持緊你啦,男人係咁啦,佢咁做已經係"愛"你的表現...

我個囡9個月大時,我又剛即炒左個工人,放工回家都係我做曬家務(晚飯食外賣),佢睇住個囡(淨睇,因為要換片同餵奶就會叫我做),我老公都話佢已經好支持我啦...

你唔好亂諗野,平時多D同BB出下公園玩,同其他媽咪傾下,你可能生BB同湊BB辛苦,情緒唔隱,放開D,唔好諗負面野...

我都試過你現在的情況,係屬於有少少情緒病的,只要個人放開D,就會開心返(雖然係"講易行難",試下啦)

私人傳訊

smallyan

積分: 9092

睛靈勳章

3^#

發表於 08-9-2 12:11 |只看該作者

D男人係喎,叫望住亞囡,真係望住唔識郁

唔好諗唔好D嘢,多D同BK mami 傾計,記住想BB開心首先自己要開心,你會影響到BB的

主祝福你一家平安,喜樂

私人傳訊

juicypig

珍珠宮

積分: 30278

環保接龍勳章 hashtag影視迷勳章

4^#

發表於 08-9-2 12:15 |只看該作者

咁樓主個老公其實本身想唔想要bb架先

一個人之所以快樂,不是因為她擁有得多, 而是因為她計較得少

私人傳訊

magcat

子爵府

積分: 11714

5^#

發表於 08-9-2 12:43 |只看該作者

點解樓主老公咁想比你奶奶湊BB呢? 生之前冇商量BB邊個湊?

私人傳訊

積分: 7155

虎到金來勳章醒目開學勳章環保接龍勳章畀面勳章

6^#

發表於 08-9-2 17:05 |只看該作者

有BB時係默認卑99湊,但有BB期間發生好多事令我覺得我99唔識湊,因為佢係鄉下人,永遠唔會好似我地香港人甘湊,我無辦法,唯有提議我老公叫我99辭職後,每日去我屋企湊BB,起碼我可以睇番BB夜晚,我老公話99甘會辛苦過番工,我老公甘講,我都知我老公唔知湊BB係好辛苦~ 加上我叔仔同我講過佢媽係湊唔店,我擔心到不得了,有Bb後期好唔開心,成日同我老公鬧lee個問題,佢成日話卑D時間佢,結果我一訓完醫院, 一開始番工幾日就穿了水,BB得31 week就出了世~

雖然係之前默認,但一直都未有共識,BB就出黎啦~早產BB同足月BB真係好唔同,本身足月我都唔想卑佢湊,何況早產,BB係醫院插喉,唔識呼吸, 肺炎, 感染,我99一樣都唔明,個女出院後仲又小腸氣,要每日食三種維他命,要定時番醫院check,食特別奶粉.....我點放心卑99湊. 佢連抱BB要托頸都唔知，有話乜乜乜鄉下都係甘...

我湊BB湊到身心疲倦，我子宮入面兩個瘤好痛，孕婦濕疹都未醫好，我半句都唔敢同我老公講，我怕佢叫我放棄～我99一早上黎探我個女已叫我再生個仔，我老公唔會同佢講生第二個都可能早產．早產三十幾週已算好好彩，如果廿幾週真係好擔心~

連我媽咪,叔仔作為第三者，都覺得我99湊唔到，係我老公愚孝一定要卑99湊．．．因為我曾經同我老公due話個女一歲卑99湊，但而家九個月，我99上親黎，都有驚心動魄場面，我無可能放心都卑佢，可能都個女一歲時就係我同我老公鬧大交既時候！

其他我既底線係叫99黎我屋企湊，我好想夜晚跟番，但我老公點都唔贊成~ 我好驚，每晚都訓唔到～

私人傳訊

jayjay_pig

複式洋房

積分: 403

7^#

發表於 08-9-3 02:02 |只看該作者

你比99湊嘅意思係將bb擺係99度湊，定係99搬去你地度湊呢？其實樓主你唔使太過緊張！比佢湊吓都未常係件懷事，你99幾大？你個女依家9個月大，都四圍爬、周圍攪啦！有d人真係唔試唔心息，你試吓完全放手比佢湊幾日，等佢自知自己應付唔嚟佢就知難而退啦！我亞媽今年五十，佢幫我湊我六個月大嘅女兩日，都謝哂啦！其實你99都算係好吖...咁想幫你湊，我99，死都唔肯幫我湊(一日都唔會)！淨係識攬住個外孫女！所以我冇比過我個女佢見

私人傳訊

積分: 7155

虎到金來勳章醒目開學勳章環保接龍勳章畀面勳章

8^#

發表於 08-9-3 12:15 |只看該作者

原文章由 jayjay_pig 於 08-9-3 02:02 發表
你比99湊嘅意思係將bb擺係99度湊，定係99搬去你地度湊呢？其實樓主你唔使太過緊張！比佢湊吓都未常係件懷事，你99幾大？你個女依家9個月大，都四圍爬、周圍攪啦！有d人真係唔試唔心息，你試吓完全放手比佢湊幾日，等佢自知自己應付唔 ...

我老公話係放個女係99度,日日番去睇wor,我叫佢叫99去我屋企湊,我老公又話佢老母會辛苦過番工,我心林甘你繼續番工啦~又叫我卑佢帶BB去街市, 去飲茶,成日林住湊孫享福,我老公都癲~

我99 五十歲, 佢成日想湊係因為想炫耀,想帶個女番大陸卑人睇 , 佢乜都唔識, 我個女雖然九個月,但乜都減番兩個月, 早產BB要睇住發展, 我99甚至卑錢同膠袋我個女玩,又話卑麥精益了多個女飲~ 佢唔明乜叫早產,可能足月BB既媽咪都唔明~

不過如果我老公繼續係甘, 愚孝佢老母, 我寧願放棄我老公,因為阿女係我心肝寶貝, 我好難先有lee個女, 我都無後悔自己湊~ 我卑佢湊一個鐘都驚~ 佢既然有份工,就自己番工啦~ 每次想黎將我個女舞黎無去,我老公都唔出聲,我好無奈~又唔敢同老公嘈~

[ 本文章最後由妹妹豬媽媽於 08-9-3 12:18 編輯 ]

私人傳訊

esse

積分: 2266

9^#

發表於 08-9-3 16:30 |只看該作者

縷主我好明白你感受

我bb都係早產，得4.5磅。係醫院都住左0.5月，坐月都走去醫院餵奶，我個老公係大陸做野，陪唔到我，所以我都喊住去走落去~

抱住bb訓時，我真係覺得自己好無助，而且傷口又痛。

埃~~ 你唔好諗佢點對你啦，你努力湊好呀b啦! 唔好回頭想著傷心事

私人傳訊

jamie_mama

積分: 7745

畀面勳章爸B勳章

10^#

發表於 08-9-3 17:07 |只看該作者

我覺得你要同你c6講清楚囉！你哋兩個好似樣樣都“默認“咁！咁唔得㗎！做夫妻點可以估估吓㗎！同佢講你點諗啦！我睇你c6都好愛護你丫！佢咁諗可能都係唔想你咁辛苦啫！好好傾吓啦！

私人傳訊

filleul

積分: 1635

11^#

發表於 08-9-3 17:30 |只看該作者

首先好佩服你“含辛茹苦”咁凑大BB，我雖然係足月BB媽咪，但明白凑BB已经令我身心疲累得要死，係你嘅處境，相比我地，可能仲要付出双倍努力。而家BB健康成長，亦係你最大嘅回報！

你字裏行間，完全表露出BB係你嘅所有，比任何嘢都重要，就係咁，你無形中比咗好多壓力自己而唔察覺，相信你老公都會同时感受到呢啲壓力，更可能係佢逼使要你将BB比99凑。從一方面看，你老公係为咗要顺從99嘅意願，所以要将BB放係99度。但可能從另一角度看，其實你老公可能见你凑BB壓力咁大，想99幫下手，同时可能你太focus係照顧BB，你老公可能覺得好被忽略，希望可以藉99凑住BB，揾番啲二人世界。又或者佢唔想你唔返工，佢唔想一個人咩起頭家囉！

我地做媽媽嘅，都係以子女为重，然後先到老公，自己永逺放到最後，呢啲就係与生俱來嘅母性，就係咁，好多时啲男人會“hap”子女醋，男人唔同女人，佢地嘅priority list同我地調番轉，雖然口裏話爱個家、爱仔女同爱你，但唔係我地嗰種對家庭、對家人嘅無私嘅牺牲囉。

不過看你嘅形容，你99係比唔到信心你可以交BB比佢凑，當然佢地嘅standard同我地真係有一段距离。加上BB係你嘅，你梗係做到200%同緊張佢啦！你亦唔好expect佢會做到同你一樣嘅standard。我以前将呀女比媽咪凑，都有好多嘢看不顺眼同接受唔到，所以最後選擇咗請工人。起碼我係老细，佢有咩唔岩我可以”丙“佢。

男人好難會感受同明白我地點解要對BB咁緊張，凑BB亦無我地咁细心，所以佢地跟本好難体会到點至係凑得BB好。如果你只係向佢講，“批評”99唔掂，咁只會令佢覺得你只係针對99，對佢有偏见，當然佢唔會唸你嘅出發點係为BB啦。

不過點都好，我認为你首先真係要release咗你啲壓力，再慢慢同老公倾下，了解佢係要将BB比99凑嘅真正原因。

原文章由 妹妹豬媽媽 於 08-9-3 12:15 發表

我老公話係放個女係99度,日日番去睇wor,我叫佢叫99去我屋企湊,我老公又話佢老母會辛苦過番工,我心林甘你繼續番工啦~又叫我卑佢帶BB去街市, 去飲茶,成日林住湊孫享福,我老公都癲~

我99 五十歲, 佢成日想湊係因為想 ...

[ 本文章最後由 filleul 於 08-9-3 17:35 編輯 ]

私人傳訊

Melody_BB

伯爵府

積分: 15128

12^#

發表於 08-9-3 21:33 |只看該作者

不如考慮下請工人啦！你話吾捨得個B要放響99度。

C6吾會明，對媽媽來講，BB比自已的生命更重要！

會吾會你個C6吾想你做full-time媽媽，想你工作？

另外，得閒叫你99來pratice下，可能你個女玩到你99謝晒呢！得閒就作下比你奶奶知你個女有"幾難湊"

到時你99主動話吾湊，就一天都光晒！

支持你為BB抗爭落去，不過有時要用下計!

對你C6來講，可能好難面對你99要湊BB的要求！

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

13^#

發表於 08-9-3 22:10 |只看該作者

你唔好俾太大壓力自己先,我地都係做人媽媽,可以感受得到你湊BB湊得幾辛苦....
我淨係覺得擔心得太多+俾太大壓力自己,你老公嗰度我諗都冇咩辦法可以改變佢要俾阿媽湊呢個諗法,除非係你99自己開口話唔湊,如果唔係講D咩你老公都聽唔入耳!

私人傳訊

積分: 7155

虎到金來勳章醒目開學勳章環保接龍勳章畀面勳章

14^#

發表於 08-9-4 00:11 |只看該作者

我99每一兩個星期黎睇BB一次,我觀察佢根本唔可以湊BB, 話卑麥精佢飲,卑蛋糕佢食,我個女先剛剛食米糊~ 尋日仲卑銀紙佢摸，竟然由我老公截住！　我有時係度林，我好慶幸我無卑我99湊，如果唔係佢卑乜佢食，卑藥油BB搽，我都無得出聲~ 我99尋日仲話BB瘦，我個女出世得3磅，而家17磅，係未追到足月BB.但都係體重範圍入面．．．好彩我老公都幫我講，唔係唔卑，係未夠鐘~有時我係度林，我寧願99黎親都做stupid野等我老公sense到～

至於老公想我出黎做，係因為想我份人工cover佢老母而家份人工等佢老母可以享福，做孝順仔．而我呢，我覺得湊到BB番N1,我先出番黎做，到時我媽咪退休幫我湊個女放學係最好，我媽咪都唔嚴遠，日日黎湊放學都得，我媽咪有識英文，可以教BB,我99呢，成日講鄉下話~ 我媽咪都話一日都唔可以卑我99湊，因為佢份人逞能，實扮湊得店～

私人傳訊

sarahlee

伯爵府

積分: 19306

好媽媽勳章

15^#

發表於 08-9-4 10:47 |只看該作者

如果請工人會否好一點, 咁bb可在自己屋企, 放工番黎就見到, 你話點湊佢就點湊, 咁你地兩個放工番黎又可以見到bb, 若奶奶過黎幫手都多左工人係度會好點.

但當然你要先同你老公商量好, 話怕奶奶辛苦, 因為湊一個bb真係身心疲累, 何況係一個不足月bb呢.

若真行不通, 可否同老公商量先俾奶奶湊一星期, 看看情況是否可以, 或者奶奶湊唔掂佢自己都會打退堂鼓呢!!!

私人傳訊

積分: 7155

虎到金來勳章醒目開學勳章環保接龍勳章畀面勳章

16^#

發表於 08-9-4 12:52 |只看該作者

原文章由 sarahlee 於 08-9-4 10:47 發表
如果請工人會否好一點, 咁bb可在自己屋企, 放工番黎就見到, 你話點湊佢就點湊, 咁你地兩個放工番黎又可以見到bb, 若奶奶過黎幫手都多左工人係度會好點.

但當然你要先同你老公商量好, 話怕奶奶辛苦, 因為湊一個bb真 ...

卑99試湊,我老公同99都會扮湊得黎,甘我就無得再湊ga la~ 我99黎我屋企幾個鐘,我都提心吊擔,又卑呀女企窗台,玩銀紙，我就癲了~ 唔好玩我個心肝寶貝，我老公又唔卑請工人，因為佢寧願用請工人既錢卑佢阿媽辭職湊孫~如果到個女一歲，我老公真係話要卑佢阿媽湊，我寧願反面~我結婚七年都唔生都係因為避我99~

私人傳訊

filleul

積分: 1635

17^#

發表於 08-9-4 15:25 |只看該作者

聽你咁講，你老公同99講來講去都係为咗一個字 --- “錢”！！！

咁係咪即係話，99要凑BB嘅目的，係至在你两公婆比錢養佢，咁如果你出番去做嘢，BB又唔使佢凑，但錢照比佢，咁係咪OK？當然係佢老人家嘅立場，如果白逗你地嘅錢，會驚比人話，所以點都要揾啲“名目”，例如幫你凑BB，證明佢唔係白逗你啲錢，right？！

你老公唔想請工人，费事比99話，寧願将啲錢益外人都唔益佢，呢個我都可以理解。但聽你之前講，你呀媽唔介意幫你凑BB，咁你出返來做嘢，BB比呀媽凑，錢照比99，咁樣就晒佢，佢無理由亦無藉口再拎呀B做擋箭牌掛！！

不過咁做對你同你呀媽就好唔公度囉！但唔明你老公係咪一定要聽你99話聽得咁緊要！講真你99好似仲有工作能力，亦唔係得你老公一個仔，又唔係攤响度等啲仔女養，講真身为人呀媽，佢都應該體諒有小朋友嘅家庭開支好大，唔應該逼你地養埋佢囉！

除非係你老公嘅一廂情願，死充孝顺仔，咁你真係要同佢溝通下啦！将來仲要供書教學，開支超乎你想像，就算公一份婆一份，都好吃力，養育一個小朋友至佢出來做嘢，要花4百萬。如果你老公硬要充孝顺仔，佢真係要衡量下自己搞唔搞得掂！

睇過你嘅post，覺得你同你老公嘅家庭背景都好似有啲距离。佢呀媽係鄉下婆，文化水平唔高，但你媽咪識英文，相信佢嘅文化同教育水平都有番咁上下，因佢地上一代唔係有咁多人接受到好嘅教育。所以我認为你對99嘅評語，可能會有啲睇唔起鄉下人嘅成分係度，不過你嫁入去嘅时候都應該知佢地係咩背景，所以唔好成日focus係99唔顺你眼嘅嘢，你嘅心情可能會好過啲！雖然係好難做到，但以佢嘅文化水平就係咁，無可能再教育同改變佢，你放開啲，心情都好啲啦！

原文章由 妹妹豬媽媽 於 08-9-4 12:52 發表

卑99試湊,我老公同99都會扮湊得黎,甘我就無得再湊ga la~ 我99黎我屋企幾個鐘,我都提心吊擔,又卑呀女企窗台,玩銀紙，我就癲了~ 唔好玩我個心肝寶貝，我老公又唔卑請工人，因為佢寧願用請工人既錢卑佢阿媽辭職湊孫~如果到 ...

[ 本文章最後由 filleul 於 08-9-4 15:29 編輯 ]

私人傳訊

lililai0606

積分: 4564

18^#

發表於 08-9-4 15:37 |只看該作者

我和老公近日冷戰是因為沒有工人(抄了1個月新エ人又未來，因家務繁重而我們都要工作完做及照顧2小孩，很疲累磨擦也多了，自己有時也忍不住發脾氣，他亦大聲呼喝我!令我很不開心，但我們都各持已見認為沒錯，現在不知點做好

又要繼續做家務，一点私人時間也沒有，真是有BB沒老公!

私人傳訊

Jovywong824

積分: 1929

19^#

發表於 08-9-4 16:01 |只看該作者

原文章由 filleul 於 08-9-4 15:25 發表
聽你咁講，你老公同99講來講去都係为咗一個字 --- “錢”！！！

咁係咪即係話，99要凑BB嘅目的，係至在你两公婆比錢養佢，咁如果你出番去做嘢，BB又唔使佢凑，但錢照比佢，咁係咪OK？當然係佢老人家嘅立場，如果白逗你地嘅錢，會驚比人話，所以 ...

你講野好到 POINT ! 有相同經歷嗎 ?

私人傳訊

filleul