在職全職 今日: 4 | 主題: 47963

積分: 3672

1^#

發表於 16-4-1 02:22 |只看該作者 |倒序瀏覽 |打印

本帖最後由 tokeichen 於 16-4-1 02:39 編輯

以下發帖好長, 但希望大家俾 d 意見我。

我 o係 2010年入而家喱間公司, 到而家已經 5年半, 當時係 assistant accountant, 一入到去頭 3年半都好博, 9:20am 返到公司開工, 多數會留到 6:30 - 6:45pm 先走 (office hour 係 9:30 - 18:00), 返到去係不停咁做, 不停開票•入數同做 d ad hoc 野, 所有我做緊 o既 projects 有關 a/c o既事都係我一個人包辦, 真係除左去 toilet 同 lunch 其他時間都冇停, 但就算我 6:45pm 之後先走, 我呀 head 都會叫我每星期搵兩三日留到過 7:00pm, 而我一朽加人工都比公司同 department 其他 o既同事 average o既加幅少, eg. 前兩年同事 average 加 5%, 我只有 4.6%。

o係我做左 3年半時我曾經向我當時岩岩由 account manager 升做 deputy financial controller 反映我想升做 accountant 同加人工, 但佢回覆係我未考到牌, 升唔到, 我問佢升職加薪係睇 performance, 年資, 學歷定專業資格, 佢都係o個句話我未考到牌, 唔肯正面答我根據乜野黎升職加薪, 佢仲o係半年後請左個 assistant manager 返黎要我將我做緊o既野分一半俾佢做。其實我一路都考緊會計師牌, 但日日返工放工都好攰, 仲要返學, 好難提起精神溫書, 又冇 on the job training, 所以考左好耐都未考到。

由一入到公司到而家, 我 a/c department o既老細 (CFO) 都表現到好唔信我同好有階級觀念, 我開完晒票, 俾埋我呀 head (deputy financial controller) 同個 deputy CFO approve 左, 放入我老細房, 佢可以兩個月都唔簽俾我, 但我 d 同事關 o既票, 佢最多只會拖兩個星期, 有時 urgent o既票要佢簽, 佢只會叫我放低, 簽完佢多數只會俾我呀 head 俾返張票我, 但我老細係會將 d 簽完o既票直接俾我 d 同事, 有時仲要我呀 head 攞入我老細房俾我老細簽。

我做左 5年半都冇得升職, 但個 assiatant manager 黎左 1年半就已經升左做 manager, 而且我 o係喱間公司做左 1年後覺得公司 system 有 d 野可以改進, 我提出過, 但我呀 head 冇理我, 但而家個 manager 岩岩升左就話想改個 system, 而我呀 head 又叫我將 d 問題 group 埋俾個 manager 去同 admin 傾改個 system, 即係如果你個 title 唔夠高, 就算係為公司好講咩都冇人聽。

我考慮 o既係我要供樓, 而喱間公司 o既人工算係咁, 福利都唔錯, 如果辭職, 我都應該可以應付到兩個月o既使費, 但而家又講到經濟唔好, 怕難搵工, 又或者搵唔到一份比而家好 o既, 如果俾著係你, 你地會唔會辭職? 會辭左先搵定搵到先走? 個 post 可能好長, 又悶, 但希望大家俾 d 意見

0 0 0

私人傳訊

Mrs.Kangaroo

公爵府

積分: 25364

2^#

發表於 16-4-1 06:27 |只看該作者

回覆：tokeichen 的帖子

你系咪埋唔到堆？同事关系如何？

嘅然你比左一半workload 个 asst mgr, 咁你慢慢做你应该要做嘅嘢，唔洗咁博。快d考埋个牌先，現公司升职又好，揾新工又好，个牌考到糸自己嘅。

支票果d閒事，冇咩所謂，佢唔簽唔关你事。
process improvement 个d都系，提出过，反应过，盡左自己本份就ok啦。

加油。

Birth 15/3: W:4.2kg L:52cm HC:37.5cm
Day 09: W:4.37kg L:55.5cm HC:37cm
Day 46: W:7kg L:62m HC40.5cm
Day 82: W:~9.2kg L:~66cm
Day 112: W:~10.4kg

私人傳訊

anna59

珍珠宮

積分: 47519

3^#

發表於 16-4-1 08:13 |只看該作者

可能大老闆以貌取人，day one 已經吾鍾意你

私人傳訊

CorrineNg

積分: 8972

4^#

發表於 16-4-1 08:16 |只看該作者

回覆：請大家俾 d 意見, 如果係你地, 會唔會轉工

請問你部門有無和你同級或低過你?而你老細對他們態度一致嗎?好多大公司都係睇cert升職。本身如公司accountant位係要考到牌既。根本都唔會升你啦。如想升一係轉工羅。自己有能力咩市道都唔難搵工架

私人傳訊

積分: 3672

5^#

發表於 16-4-1 09:16 |只看該作者

引用：你系咪埋唔到堆？同事关系如何？嘅然你比左

原帖由 Mrs.Kangaroo 於 16-04-01 發表
你系咪埋唔到堆？同事关系如何？

嘅然你比左一半workload 个 asst mgr, 咁你慢慢做你应该要做嘅嘢，唔洗咁 ...

我公司 d 人冇一堆堆, 佢地只會自己顧自己, 好唔團結, 所以冇一堆堆, 所以冇話埋唔埋堆。

我公司好 open, 完全冇 partition, 所以冇可能做到自己野, 莫講話要溫書, 就算做野做到好攰, 想休息下, 上幾分鐘網都好難, 而且工作範圍只係開票同入數, 同考試 o既野冇咩關係, 對考試冇幫助。

開票o個方面, 老細唔簽其實唔關我事, 但 d 同事同 d vendor 唔知係我老細唔簽票, 就會打黎追我, 會影響到我平時做野 o既時間, 當我同佢地講老細忙未簽, 佢地都會覺得我老細日日都 o係 office, 點會唔得閒簽..., 唉, 我為左 d 票, 其實都煩左好耐, 但又控制唔到我老細幾時簽票, 所以冇咩可以做。

System improvements 方面, 我都係咁諗, 提出左, 方便到自己做野就算。

私人傳訊

鳥嘴123

子爵府

積分: 10136

6^#

發表於 16-4-1 09:48 |只看該作者

我見識過好多老闆請人時已經將下屬分類

例如: 請個 Assistant Manager 返嚟, 佢係一心諗住培養佢成為 Manager
所以佢當初一開始就會揀有學歷, 有專業資格, 但經驗稍為唔夠嘅人

同時, 佢請個 Assistant 返嚟, 一心諗住將所有雜務交晒俾佢
咁就會請個熟手, 但學歷唔高, 年紀唔輕, 只求穩定嘅人
而老闆係永遠唔會考慮升呢個人

好明顯你係後者
你係好熟手, 但你嘅工作永遠係做做做
唔會有 strategic planning, 唔會 involved in senior level discussion
所以無論你幾勤力, 甚至你考到牌, 佢都唔會升你
但如果你嘈得勁, 佢可能會考慮加少少人工
因為佢都需要熟手女工, 無人想再由頭 train 人

我唔贊成你先辭職, 因為你仲要供樓養家
積蓄要夠一年使費先好輕言辭工

但你真係好應該啲起心肝去考牌
考到牌就即刻轉工
希望下一份工你會成為我講嘅第一類人

又要懶, 又怕辛苦, 咁就要甘心安於現狀
呢D 叫等價交換

私人傳訊

積分: 3672

7^#

發表於 16-4-1 09:51 |只看該作者

引用：請問你部門有無和你同級或低過你

本帖最後由 tokeichen 於 16-4-1 10:15 編輯

原帖由 CorrineNg 於 16-04-01 發表
請問你部門有無和你同級或低過你?而你老細對他們態度一致嗎?好多大公司都係睇cert升職。本身如公司accounta ...

我部門狀況有 d 奇怪, 分左兩 teams, 一 team 做香港野, 一 team 做大陸野, 另外兩個唔係同group o既同事坐 o係同一個 office。 o係我同 team 就只有我呀 head, 個 manager 同我; 另一 team 就有個岩岩由 a/c clerk 升左做 assistant accountant, 仲有一個都岩岩由 assistant accountant 升做 accountant, 而當中由 assistant accountant 升做 accountant o既同事我眼見我老細同佢 o個 team o既呀姐都好 o錫佢, 態度完全同我地同 title o既唔同。而另外 o個 team 仲有一個 accountant 佢都係冇牌的, 但就做到 accountant 喱個 title。我都係因為個同事冇考牌都有 accountant 喱個 title, 而且我頭三年半都博, 所以我覺得當我 manager 升左做 deputy financial controller 時, 就係時候同佢講升職 o既事, 而且我公司唔係大, 但估唔到佢會用我冇牌喱個理由黎推我...

我近喱兩年都有搵過工, 但係連 in 都冇得 in, 因為好多都要有某 d 經驗又或者有牌, 所以都難轉。

私人傳訊

csc1150

積分: 3160

8^#

發表於 16-4-1 12:35 |只看該作者

本帖最後由 csc1150 於 16-4-1 12:36 編輯

回覆 tokeichen 的帖子

同工不同酬,好多公司都有,人地機會特別多係咪有甚他關係,有熟人介紹,你自己想想繼續留無發展, 都應該等搵到工先走,如果近兩年搵工連IN都無得IN,可能你本身人高已經偏高

私人傳訊

winnie_329

禁止訪問

積分: 327

9^#

發表於 16-4-1 19:31 |只看該作者

提示: 作者被禁止或刪除內容自動屏蔽

私人傳訊

wingwong1102

積分: 4007

10^#

發表於 16-4-1 19:40 |只看該作者

回覆：請大家俾 d 意見, 如果係你地, 會唔會轉工?

轉

私人傳訊

wingwong1102

積分: 4007

11^#

發表於 16-4-1 19:43 |只看該作者

回覆：請大家俾 d 意見, 如果係你地, 會唔會轉工?

呢份工無前途，對你的成長亦無幫助，如果你不甘永遠做account clerk, 唯有轉工

私人傳訊

wingwong1102

積分: 4007

12^#

發表於 16-4-1 19:45 |只看該作者

回覆：請大家俾 d 意見, 如果係你地, 會唔會轉工?

介意講你考左牌幾耐？

私人傳訊

janicetsang

積分: 5554

13^#

發表於 16-4-1 21:58 |只看該作者

你係咪做人唔得圓滑，講野好堀果種？
比如等老細簽票，你曾否催佢同埋語氣唔好？如果係咁，老細會突登遲D簽。
辦公室政治，好講人際關係，說話技巧唔好，好影響仕途。
Btw,我覺得OT半小時至9個字，一D都唔搏喎。

私人傳訊

積分: 3672

14^#

發表於 16-4-2 13:26 |只看該作者

引用：你係咪做人唔得圓滑，講野好堀果種？比如等

原帖由 janicetsang 於 16-04-01 發表
你係咪做人唔得圓滑，講野好堀果種？
比如等老細簽票，你曾否催佢同埋語氣唔好？如果係咁，老細會突登遲D簽 ...

我博o既意思係o係 office hours 內做到冇停手, 盡量o係 office hours 入面做晒要做o既野, 如果要日日ot 到夜晚 11, 2 點先叫博, 咁我公司只有我老細 (即係 cfo) 博。

另外, 我叫我老細簽票都會非常客氣 \"x先生, 喱兩張票趕, 麻煩可唔可以幫我簽左先?\" 叫只會叫我放低, 唔會即刻簽, 簽完都唔會直接俾返我, 會交俾我呀 head 俾返我

私人傳訊

積分: 3672

15^#

發表於 16-4-2 13:39 |只看該作者

引用：介意講你考左牌幾耐？

原帖由 wingwong1102 於 16-04-01 發表
介意講你考左牌幾耐？

我考左好耐牌 lu, o係轉喱份工之前已經合格左兩科, 但轉左喱份工 5 年半以來都冇合格過, 除左因為工作上同考試完全冇關而對考試冇幫助之外, 仲因為返工 o既時間完全放鬆唔到, 返到屋企好攰, 集中唔到精神溫書, 每星期仲要返一至兩日學, 真係攰到冇朋友

私人傳訊

farm712

積分: 7451

16^#

發表於 16-4-2 14:02 |只看該作者

回覆：tokeichen 的帖子

老實講，你ot唔算勁，如果有小朋友，準時收工，人工唔錯，福利好，份工都叫過得去。只係做野唔爽。

不過，我係你就繼續做(hea做)，反正老細都唔睇你台戲，坦白講，你做乜都無用。你要擦，要上位，都要老細受至得。hea做加考牌，為自己的將來計劃下。考完牌，有機會轉工，仲一定要搵到至轉。慢慢黎，唔好心急。

有樓供，有家要養，唔可以劈炮，你宜家型唔起。要沉著應戰，到你考到牌，有solid experience，要走的時間，老細先知自己走寶。無謂急。

私人傳訊

janicetsang

積分: 5554

17^#

發表於 16-4-2 17:07 |只看該作者

如果你老細唔妥你，你一定做左D野唔啱佢心水。
比如佢叫你OT到7點，你有無聽佢講？
講野方面，就算有唔該前麻煩後，語氣可以令句說話感覺好唔同，有無咄咄逼人感覺？
勤力，又唔代表表現好。
同一個意見，由唔同人提出，用不同方法演譯，別人接受程度也不同，所以，negotiation是一種skill.
升職，要自己開到口，即是說老細並不認同你。
你有無打扮，除工作表現外，外表presentable都好重要。

私人傳訊

最後回覆

禁止訪問

積分: 7947

18^#

發表於 16-4-2 18:22 |只看該作者

回覆：請大家俾 d 意見, 如果係你地, 會唔會轉工?

提示: 作者被禁止或刪除內容自動屏蔽

私人傳訊

ipoipo

積分: 2632

19^#

發表於 16-4-2 20:08 |只看該作者

tokeichen 發表於 16-4-2 13:26
我博o既意思係o係 office hours 內做到冇停手, 盡量o係 office hours 入面做晒要做o既野, 如果要日日ot 到 ...

你咁叫佢簽左先,就死得拉，應該叫佢批准，由其是老闆，佢會諗你叫我簽我就簽拉！我通常會寫字條叫佢批再加口語話呢2單可能會急少少，請你睇睇，如果冇問題，麻煩你批准付款！請佢批准呀！

私人傳訊