吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 凍 ~~

婆媳關係今日: 0|主題: 27721

收藏本版

發帖

返回列表

跳至頁

查看: 2671 | 回覆: 20

凍 ~~ [複製鏈接]

ta_ta

大宅

積分: 4201

1^#

發表於 08-11-11 09:51 |只看該作者 |倒序瀏覽 |打印

首先要講下,由我生左第1個仔至依家第2個女都已經歲半,99都成日幫我地手照顧d細路.依家真空期,佢就要早上黎我家至晚上我返到交更.都好辛苦咁騰黎騰去.佢勁錫個仔,亞女就唔會咁操心.由我生完第一個之後,每逢翻風或天氣開始轉涼(好似昨天), 又或者真係好凍時. 我都會聽到一句 "今日好凍呀~着多件衫啦!" 呢句當然99係為左我地好,怕我地凍親. 但真係好似過份左. 佢一日到黑就話凍凍凍, 係都要我個仔(快5歲)着咁多.昨天,當我返入屋企, 全屋都無開窗.見到個仔着緊件褸, 佢已經係着住長袖衫(近似衛衣),入面又着左長袖底衫.我就話:唔駛着啦! 亞仔聽到呢句梗係即刻唔着. 99即時就話我:你個仔唔着多件,個鼻就"fefe"聲,着左至無咋! 好吖!唔好着囉,病係佢病之嘛.接着就black face.又同我講:我坐坐下都覺得凍呀! 我就話: 咁你坐係度, 佢就周圍走,點同呢? 唉~此言一出,弊傢伙! 佢即駁:哼!我夠要做嘢咯,你估我好得閒呀! 又再叫我:喂!(好無禮貌) d長袖底衫你洗左佢啦!你個仔又比嘢咬到身又有,腳又有呀! 我就話:我星期日洗哂嘞.嗰d全部都已經洗左啦! 佢就話:你估咬我呀!咬你個仔咋! 我當時真係好興, 好想捧佢走. 不過,佢自己都好興話走嘞! 我梗係要講99 byebye, 又叫亞仔同亞女同99講byebye. 以為無隔夜仇, 但今早我同亞仔等校車時, 佢黎到, 我即時叫亞仔叫嫲嫲早晨!我又叫99早晨!豈有此理~佢竟然停都唔停,望都唔望下咁講左聲:早晨, 就一路行入lobby.咁無禮貌. 如果唔係為左2個細路, 真係咪駛旨意我同佢聯絡呀!面係人地比, 你都唔好咁吖!!!!!!!

0 0 0

私人傳訊

小小太陽

大宅

積分: 2301

2^#

發表於 08-11-11 10:48 |只看該作者

咁, 不如你唔好叫佢幫你揍啦...

私人傳訊

ta_ta

大宅

積分: 4201

3^#

發表於 08-11-11 10:53 |只看該作者

我都好想, 不過, 無人幫到.

就算12月亞BUN黎左又唔放心一個外人湊. 我真係無用.

私人傳訊

lingwu

公爵府

積分: 25678

hashtag影視迷勳章畀面勳章 BK Milk勳章

4^#

發表於 08-11-11 11:10 |只看該作者

其實我都係覺得你奶奶緊張你地會咁樣~~

私人傳訊

bblucky

別墅

積分: 708

5^#

發表於 08-11-11 11:39 |只看該作者

在佢立場她緊係覺得自己冇錯，但比你話佢，佢會覺得幫你湊仔仔又辛苦重要比你話，佢緊唔開心啦，而且邊有咁快回復心情呀！
SORRY樓主，我唔係要教你點做，我只想你會嘗試從不同方向去諗件事

你試諗下現在你有兒子，第時你新抱叫你幫佢手湊仔，你都辛苦左幾十年湊大個仔，而家又要回復以前的辛苦，不論她是主動定被動去攞苦嚟辛幫你湊仔，希望你能睇通呢點體諒一下！
她也是關心你們，真的無關重要的事就隻眼開隻眼閉
多點稱讚總好過一點責備

[ 本文章最後由 bblucky 於 08-11-11 11:41 編輯 ]

bblucky之家

私人傳訊

MK2006

伯爵府

積分: 17387

醒目開學勳章

6^#

發表於 08-11-11 11:41 |只看該作者

係屋企真係會越坐越凍架, 反而出去行下仲暖d, 你99都係錫你個仔, 等佢下咗火就算啦, 你仲要求佢幫手睇細路.
但都要讚下你, 我知你都頂住條氣, 都做到咁大方得體

私人傳訊

ta_ta

大宅

積分: 4201

7^#

發表於 08-11-11 13:28 |只看該作者

其實我都知佢好辛苦,走黎走去.除左打風或星期六,日,佢都會黎睇住兩條化骨龍,就算之前BUN姐係度做左近2年,佢都話唔放心,要黎"目及"住個工人, 驚佢虐待佢地.我對佢其實都好好禮貌.佢生日反為會係我迫老公同我去揀禮物比佢,間唔時又請佢地食飯/飲茶,等佢開心吓. 唯獨是對我個仔...佢實在太寵個孫仔. 成日驚佢病.亞仔打個噴嚏或咳兩聲, 佢就好大陣仗,又嚷着要帶佢睇醫生. 我地話睇定D先才決定是否須要睇,佢就又黑面話個仔你地既,你地唔鍾意睇就罷. 連姑奶同老公都話佢走火入魔. 我知道呢樣嘢, 我一日比佢幫手湊,我就要投降. 不過,有時真係佢D說話我會忍唔住頂佢兩句架.

其實我係個EQ唔高同埋又係D唔抵得頸既人, 就係為左2個細路我至咁忍....忍.....忍.百忍成金.

我應該要學隻眼開隻眼閉.

私人傳訊

arcaar

子爵府

積分: 14979

好媽媽勳章醒目開學勳章

8^#

發表於 08-11-11 13:35 |只看該作者

我９９都係咁．．就算夏天上佢屋企可以風扇都唔開．．一半為左慳一半話凍．．我仔好怕熱既．．佢唔理．．成日話佢凍想幫佢著多件３開風扇都話唔得．．ｌｏｏｋ大張眼望你除非我老公都上９９屋企先可以開冷氣．．佢就無野講．．扮晒野咁．．如果ｏ係冬天．．著一打都話唔夠．．仲要加幾張被．．所以我唔會將個仔比佢湊．．隨時焗病．．

私人傳訊

wmpl

大宅

積分: 3000

9^#

發表於 08-11-11 14:00 |只看該作者

老人家返老還童,有時會唔知自己過份咗,又乜嘢都擺喺塊面度,可以講話唔知自己做乜?但掉轉你係咁就大件事,咁我睇得出你99都係因為心疼愛錫又唔識表達啫,只不過長期係咁你都真係好難頂,為免成為積怨,你都要好好考慮一下有冇其他方法可以見少啲,又或者你學吓點樣同老人家講說話啦~~

其實好多時唔駛特登勉強自己去忍佢嘅,你覺得辛苦最主要都係唔識點同佢溝通,可以話雙方都有責任,如果學識有時隻眼開隻眼閉,有時又要忍吓口,唔認同佢嘅說話之前都講返句好說話,例如,"你講得啱呀,99,天氣真係涼咗,但係阿仔跑來跑去玩到成身汗,之前你話過咁樣噏住晒唔好家嘛,你覺得凍??我攞件衫俾你啦,你都辛苦,唔好冷親呀!"

可能你99都仲係會話你又或者黑面,但係都由得佢啦,因為老人家係比較固執啲,理解同接受一件事嘅時間係要耐啲,因為面子嘅關係,有時就算佢覺得你啱都唔會認同你,不過佢自己又好需要人哋認同,你咁講,起碼佢唔會真係嬲你,你又唔駛無啦啦受佢氣!

[ 本文章最後由 wmpl 於 08-11-11 14:01 編輯 ]

私人傳訊

大眼肥妹

禁止訪問

積分: 8013

10^#

發表於 08-11-11 16:42 |只看該作者

提示: 作者被禁止或刪除內容自動屏蔽

私人傳訊

2on

別墅

積分: 746

11^#

發表於 08-11-11 17:08 |只看該作者

老人家係咁ka la...
都唔想個小朋友冷親啫...

但有時我地說話都要圓滑d...
唔好咁少事令到大家都唔開心la...

私人傳訊

yy25

子爵府

積分: 13211

好媽媽勳章醒目開學勳章

12^#

發表於 08-11-11 22:57 |只看該作者

我９９又係咁，着衫呀‧凍呀‧

私人傳訊

ta_ta

大宅

積分: 4201

13^#

發表於 08-11-12 09:23 |只看該作者

昨天特登去買左少少冬天衫比2個細路.返到屋企,第一時間梗係叫"奶奶" 啦,唔係想死.

同亞仔social完, 就攞d衫出黎,
同奶奶講: 奶奶,你睇下呢幾件啱唔啱? 好彩,佢既反應無早上咁差,
可能已經下左啖氣. 態度好左好多. 哈哈,不過, 最終都又係嗰句:
你唔好厭我"沉",聽日着恤衫返學,同佢着返件冷衫啦~
今次我醒呀,我答:知道,然後就同亞仔講:記得聽日要着件冷衫返學,媽咪一陣放係sofa度,知唔知.

私人傳訊

Cat1218

大宅

積分: 1690

14^#

發表於 08-11-12 10:09 |只看該作者

我就蠢左,唔識死,阿b瞓醒起身喊,我已經同佢著左件裳,抱住佢行來行去,99見到阿b喊,就話阿b凍吖,我話著左裳了,bb瞓醒係咁架,佢話唔夠架.25度著三件仲唔夠..99係咁嘈我,跟住我尾十分鐘嘈足十分鐘,阿b又喊緊,我真係火都來埋,佢仲要係我手上搶走我個仔,足之搞唔掂,bb仲狂喊先俾番我!!

私人傳訊

BABYPURPLE

子爵府

積分: 13240

15^#

發表於 08-11-12 15:04 |只看該作者

我奶奶又係好奇怪...佢自己覺得凍..就唔會開風扇...但我個仔係熱到出晒汗...就話我個仔奇怪....大佬呀...小朋友同老人家既身陳代謝點同呀...小朋友又會走黎走去...出晒汗有乜出奇..
呢排開始凍...咁我比個背心睡袋細仔訓...係包埋腳既...點知半夜起身...見到個袋腳尾既拉鏈開左到腰....佢隻腳就放左出黎...仲要開左床尾風扇....一睇就知係奶奶杰作...我次次一用睡袋....佢就會覺得個BB會好熱..由大仔年代已經係咁....但睡袋已經係薄架啦...個仔又無出汗....

私人傳訊

cherrielovely

男爵府

積分: 6003

好媽媽勳章

16^#

發表於 08-11-12 15:21 |只看該作者

我99剛好相反, 佢自己周身肉, 明明個廳真係凍, 佢都話唔凍, 而加咁既天氣仲著住件雞翼袖, 我只係想幫bb適量咁著衫, 一陣凍親就煩...

私人傳訊

gemay

大宅

積分: 3749

17^#

發表於 08-11-12 23:17 |只看該作者

個個99有夠好啦，幫手梗多

私人傳訊

ta_ta

大宅

積分: 4201

18^#

發表於 08-11-13 10:20 |只看該作者

HAHA, 25度著3件,仲癲過我99......

原文章由 Cat1218 於 08-11-12 10:09 發表
我就蠢左,唔識死,阿b瞓醒起身喊,我已經同佢著左件裳,抱住佢行來行去,99見到阿b喊,就話阿b凍吖,我話著左裳了,bb瞓醒係咁架,佢話唔夠架.25度著三件仲唔夠..99係咁嘈我,跟住我尾十分鐘嘈足十分鐘,阿b又喊緊,我真係火都 ...