吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 痔瘡傳統開刀手術後(分享) +有肉凸出來(求意見) ...

醫護健康今日: 0|主題: 7454

收藏本版

發帖

返回列表

跳至頁

查看: 12691 | 回覆: 11

痔瘡傳統開刀手術後(分享) +有肉凸出來(求意見) [複製鏈接]

lilylilyc

男爵府

積分: 7224

認識瑞士牛牛第三回認識瑞士牛牛第二回認識瑞士牛牛第一回畀面勳章

1^#

發表於 17-8-17 01:05 |只看該作者 |倒序瀏覽 |打印

本帖最後由 lilylilyc 於 17-8-17 14:38 編輯

我七月嗰陣去咗醫院做痔瘡傳統開刀手術 , 因為之前睇醫生檢查到有好大粒瘜肉同埋有兩粒痔瘡喺肛門入面，屬內痔，因為由於太過大粒所以一定要開刀，醫生話傳統開刀復發機會率低，而我粒野嘅程度又可以做開刀，所以我就選擇咗開刀啦 , 而家做完手術後差不多有30日, 我想問一問曾經有無朋友做完傳統開刀手術之後，亦已經割除入面全部痔瘡+瘜肉, 醫生都話入面冇曬嘢㗎喇 , 但係做完手術之後訓醒巳經發現喺肛門入面突出兩嚿肉出嚟, 其實醫生當日有同我講呢啲係正常現象, 因為開完刀側邊嘅肉會腫脹需要一段時候消腫，但係都已經成個月了, 仍然都返唔返入肛門入面，不過其實巳經比做完手術後的一星期细了一半左右，舊肉都會縮小左。

我睇左好多網上但都好少人講話有肉突個出嚟呢個情况，所以我想問下大家其實做完傳統開刀手術之後有冇朋友有呢個問題? 如果有咁其實大約用咗幾耐時間完全消曬腫返返入去肛門入面呢？可能我個人比較心急，因為個感覺好似係我未做手術之前嗰粒痔瘡走咗出肛門出面而返唔到入去嗰種感覺咁，小小夾住夾住咁，雖然而家唔痛，但很不爽啊!

我上次覆診嗰陣醫生同我講已經好番8成, 但係我就問佢點解舊肉肉返唔到入去咁，佢話要四至六個星期，唉！希望真係得啦, 而家我好驚, 佢唔識返返入去, 我而家唔需要食藥及冇藥膏搽只需要重灰錳氧，而且只需大便後浸就得喇，有時間我自己都會用個盤溫水浸，希望保持到血液循環D肉内快啲消腫返入去啦！

以下有小小感受同各位分享，希望有朋友將會做嘅多小小了解。謝謝！

0 0 0

私人傳訊

lilylilyc

男爵府

積分: 7224

認識瑞士牛牛第三回認識瑞士牛牛第二回認識瑞士牛牛第一回畀面勳章

2^#

發表於 17-8-17 14:20 |只看該作者

回覆樓主:

本帖最後由 lilylilyc 於 17-8-17 14:55 編輯

第一天: 由於要照埋腸鏡，所以之前一晚入醫院，醫生話全身麻醉需要禁食同清腸，所以餓左一晚。

第二朝一早做手術，係手術室聞咗幾下氣就瞓著咗，我諗做咗兩個鐘倒已經係病房，當我醒返之後感覺傷口唔太痛, 亦冇沙布、棉之類喺傷口入面，仲係線都冇鏠，之後個日成日就感覺到好想大便，可能照腸鏡嘅問題個肚脹得好緊要, 所以不斷排氣, 好在排氣期間肛門傷口都唔痛, 但感覺有啫喱狀物體流出，之後隔咗六個鐘頭食嘢, 我食嘅都係粉類，因為之前收到風一定要食啲比較軟身嘅食物，如果唔係第一次排便就有排受苦。醫生開咗止痛藥,抗生素同埋軟便藥.

第三天：一早起床有便意, 用最勇敢嘅心情去排第一次便，好彩冇傳說中咁痛，然後順便去沖埋涼之後就去浸灰錳氧，個陣感覺到自己肛門口有兩粒肉突咗出嚟，就好似未做手術之前嗰粒野走出嚟又返入唔到佢嗰種情况。

第四天: 醫生嚟到我問佢點解有呢啲情況 , 醫生話我因為傷口大, 所以側邊嗰啲皮會腫脹外露, 起碼需要一個月先至會消腫，當時我個心都定咗啲。而且呢兩日排便都好正常，同埋都唔係話真係好痛可以接受到，傷口係有帶少少血。

之後返到屋企 ,每一日都要早午晚浸灰錳氧, 同時排便後亦都要浸多一次，同埋我自己食得好清，只係食魚，粥麵，生果之類同埋大量飲水係必須的，所以喺兩星期內傷口都巳ok, 已經感覺唔到再有血水, 但嗰兩粒肉仍然係肛門口仲未返入去，所以仍然要食軟便藥，因為排便時有啲赤赤痛的感覺。

直到第30天左右, 我仍然都係食得好清,但係比之前肛門口嗰兩粒肉肉已經細咗，但係仍然唔肯返入去，去醫生覆診話需要多兩星期左右 , 我仍然keep住飲大量水同埋食生果，因為肉肉阻住咗大便比較難出，所以到今日我仍然keep住晚上食一粒軟便藥。因為我每一日都保持最少有一次大便，所以個感覺唔係咁爽。但係唔排又唔得, 感覺好無奈。

所以我想知有冇人知道我呢兩粒肉肉嘅問題,希望有朋友解答下, 唔該晒

人為善~ 福未將至, 禍巳遠離 .....

私人傳訊

lilylilyc

男爵府

積分: 7224

認識瑞士牛牛第三回認識瑞士牛牛第二回認識瑞士牛牛第一回畀面勳章

3^#

發表於 17-8-19 09:00 |只看該作者

回覆樓主:

慘啦，原來冇人有呢啲經驗，淨係得我有依啲咁嘅情況，咁我應該點做好呢?

我跟住再上網睇多啲資料而家反而有啲擔心, 我驚我係手術後俗稱嗰啲叫做贅肉，我見人哋講唔會縮返以前咁平面，只可以變成提子乾咁细粒，咁死啦 , 以前未做手術之前嗰粒仲可以推返入去，而家返嚟做咗手術之後突多粒出嚟唔識返入去咁，咁做左手術有咩分別呢？仲衰過唔做……

人為善~ 福未將至, 禍巳遠離 .....

私人傳訊

SDaisy

複式洋房

積分: 284

4^#

發表於 17-9-5 12:35 |只看該作者

有無聽過痣創槍手術? 知唔知同傳統嘅開刀手術有咩分別?

私人傳訊

lilylilyc

男爵府

積分: 7224

認識瑞士牛牛第三回認識瑞士牛牛第二回認識瑞士牛牛第一回畀面勳章

5^#

發表於 17-9-5 23:56 |只看該作者

SDaisy 發表於 17-9-5 12:35
有無聽過痣創槍手術? 知唔知同傳統嘅開刀手術有咩分別?

其實之前睇醫生我有問過可唔可以用痔瘡槍, 因為聽聞痔瘡槍比較方便啲, 可以快啲返工, 但係醫生話係由於我係第四期內痔, 同埋粒痔瘡比較大 , 而且因為我粒痔瘡已經要手動推返入去，所以不能用痔瘡槍, 要用傳統切割手術。

切割同痔瘡槍的兩者分別我又唔太知道，因為我係做切割而無做痔瘡槍，不過如果你唔係太嚴重, 我建議你睇咗醫生先，如用藥膏可以搽嘅就搽咗先，希望可以搽得好佢，唔好諗做手術先，因為過程都幾辛酸 ! 另外你飲食方面都要注意下, 每日飲多啲水盡量未避免便秘。呢度見過好多jm講做痔瘡槍有時都會好易翻發, 而傳統切割手術康復時間比較長又辛苦, 所以唔太嚴重的話都唔好諗住行手術呢條路……

人為善~ 福未將至, 禍巳遠離 .....

私人傳訊

SDaisy

複式洋房

積分: 284

6^#

發表於 17-9-6 12:11 |只看該作者

唔該晒呀, 我睇左醫生佢叫我做手術。聽您咁講之後我打算再睇多個醫生睇下先...

私人傳訊

lilylilyc

男爵府

積分: 7224

認識瑞士牛牛第三回認識瑞士牛牛第二回認識瑞士牛牛第一回畀面勳章

7^#

發表於 17-9-6 12:59 |只看該作者

SDaisy 發表於 17-9-6 12:11
唔該晒呀, 我睇左醫生佢叫我做手術。聽您咁講之後我打算再睇多個醫生睇下先... ...

我都覺得如果你唔怕花錢嘅話, 去睇多個唔同醫生接納兩個唔同意見都好，因為我睇第一個E生嘅時候，冇同我講原來我有粒大瘜肉，我睇第二個醫生嘅時候佢話其中一粒係大瘜肉一定要切，所以先至冇辦法要進切割行手術，但係有啲如果好細粒情況唔嚴重嘅話或者可以用痔瘡槍, 我聽我朋友講佢七日就自動剝落, 之後都ok好快好迫，但是因為每個人嘅體質同埋病況唔同所以就真唔肯定會個人係咪一定都係咁痛