回覆 polar.bear 的帖子
有子女，捱咗幾十年，離婚，後再嫁。我現任先生係懂為人度身浪漫嘅男人。例如我嘅浪漫係要用錢同能力得翻來嘅。佢會花錢成全我浪漫嘅夢想。
節省開支嘅能力，使我同佢住嘅環境條件更舒適，佢比我先知先覺，而且佢修整過嘅嘢從來冇漏洞比我執到，都係高質素嘅成果：
＊屋企嘅電器壞咗，煲水壺，電飯煲，佢會拆開來，測試邊一部份壞咗，買配件，整翻好畀我繼續用。煲水壺買過新嘅仲便宜，所以選擇丟咗。我要求唔買新嘅，要佢整翻個同佢整畀佢前妻同類嘅可即時食用嘅熱水器安裝0係廚房水盤邊。佢馬上開始著手選購材料儀器，幫我裝置。
＊我想0係高處嘅櫥櫃安裝D可以拉出推入嘅鐵架organizer，佢即刻量度櫃內大細，買材料，佢自己安裝，一個星期之內就同我搞掂曬，完全唔使外人幫手。
＊浴缸去水渠唔暢通，都未去到全塞，佢立即係工具儲物室搵到工具來通渠。又係唔使請外人做。
＊室內溫度調節器壞咗，佢第一時間就去搵個新科技功能嘅買翻來自己安裝。可以用手機APP遙遠控制。
＊煤氣爐頭唔通暢，唔夠火力，佢又即刻研究，上網搜索資料，自己買合適嘅出氣嗰部份，自己邊學邊換個新嘅部份。
＊焗爐嘅自動恆溫器不能達到被指定嘅溫度，我都唔知，我用來焗咗一次 pizza畀佢食後，佢已經留意到。於是立即親自買個焗爐溫度計來測驗，搵出根源，自己調教翻好個焗爐，修理好個恆溫器功能。
＊我所有電子用具 電腦，iphone 等等，佢都主動同我改良，使我用得更方便容易。
＊花園要除野草，佢又納來做，叫我打掃屋內。我問佢點解可以比我吸塵仲快嘅？佢話由細到大嘅訓練，佢拔慣咗嘢草。
＊買床，佢揀有各自調教床玉軟硬度功能嘅，有各自調教床墊溫度，時間功能嘅。揀有感應功能同資料搜集自我學習 AI 功能 來根據身體弧度來調節嘅。
花錢得來嘅浪漫：
＊佢帶我去拉斯維加斯最高樓嘅旋轉餐廳點龍蝦餐配酒加餐後火燒香蕉船畀我享用晚膳。還看拉斯韋加斯城。之後去看show，購買最貴嘅嘉賓位來睇表演。帶著雞尾酒上摩天輪看夜色，箱內只有我倆，地方大得可畀我先生帶著我在音樂中起舞。如此夜夜笙歌。
＊佢帶我坐直昇機頭位遊大峽谷，停在荒蕪人煙的大峽谷中，開檯野餐。機師穿著燕尾服，開香檳伺候我哋嘅午餐。來往機場與酒店間有豪華轎車（limousine）來接送我哋。
＊佢帶我入住有客廳有睡房的有情調的酒店套間，電話訂夜燒，早餐送到上我哋嘅床上享用。
＊佢帶我坐0係 香港維多利亞海濱的餐廳；尼加拉大瀑布（Niagara falls）邊沿的餐廳；哥倫比亞河峽谷 岸上的餐廳；荷蘭河畔的小村莊；金門橋端 灣畔的海鮮餐廳；坐在落地玻璃窗旁邊的餐桌，感受著晨曦的溫柔來飲咖啡，乘著滂湃的水流午膳，飲著當地風車緩緩流水釀出的Heineken啤酒，觀賞斜陽幾度飛紅下搖曳著正歸來的風帆邊 對酒當歌，人生幾何？＊還有在德國古堡的地窟內飲當地的古老配方啤酒。在蘇格蘭古堡吃餐館自製的肉餡焗餅配威士忌。在愛沙尼亞拖住我手，攬著我腰，帶我在微雨中漫步古城街磚巷石頭路。黃昏後來到愛沙尼亞至今最古老的中世紀餐廳，Olde Hansa 老漢莎餐廳. 在歐洲古典美女的招呼下，穿越來到中世紀，在燭光下品嚐用中世紀器皿載著千年以來一樣的地道純樸有機做的菜式，當然我是少不了要飲餐館用天然材料自釀制的啤酒。
Love is when the other person’s happiness is more important than your own ~ H. Jackson Brown
發表於 
返回列表
