吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 喵喵再覆診，又有新問題…仲餵唔餵降鏻葯好？求分析。 ...

自由講場今日: 978|主題: 1320265

收藏本版

發帖

返回列表

跳至頁

查看: 12430 | 回覆: 102

喵喵再覆診，又有新問題…仲餵唔餵降鏻葯好？求分析。 [複製鏈接]

12 3 4 5...6

~仔仔媽咪~

水晶宮

積分: 51912

1^#

發表於 20-5-9 09:31 |只看該作者 |倒序瀏覽 |打印

本帖最後由 ~仔仔媽咪~ 於 20-5-14 00:20 編輯

今日又湊咗隻喵覆診，見另一個醫生，佢開咗降鏻葯俾我隻喵食，我番屋企餵第一劑已經出哂事，我淨係餵咗鉀水同半粒降鏻葯，其他補鐵丸同腎興都未餵，隻喵由原本好活潑突然180度變，好唔舒服咁又手軟腳軟扭曲住身體入房瞓响我老公枕頭上面唔郁，吽咗成晚走嚟狂嘔，嘔完至精神正常番，但未肯食野，淨係係咁飲水…

我勁唔開心吖，係我親手餵隻葯俾佢食，搞到佢咁唔舒服，打去診所急診問，佢地又好firm咁講話唔關降鏻葯事，實牙實齒話一定關腎問題同貧血事，明明未覆診前呢個月隻喵仲精神食得玩得瞓得，呢兩個星期有番啲肉，依家診所堅持要我繼續餵降鏻葯，但我老公叫我唔好再餵葯，話由佢好地地食野好過，我唔知跟邊個好，但真心怕咗隻葯，但醫生話喵喵鏻爆哂錶，但又安排兩個星期後至覆診，究竟仲俾唔俾隻喵食降鏻葯好？

我隻喵頭先食完降鏻葯就同呢隻喵一樣，睇完篇文章我好驚。

https://jimmy12010.pixnet.net/blog/post/180671481-誤診險害死貓！毛孩醫療%3D家長的賭注

0 0 0

私人傳訊

KINGMAX

子爵府

積分: 13329

2^#

發表於 20-5-9 09:39 |只看該作者

唔住院,下次睇另一個医生,攞D葯舒緩,簡單自然算了

私人傳訊

Catcatlove

伯爵府

積分: 17814

3^#

發表於 20-5-9 09:46 |只看該作者

回覆樓主:

如果係慢性腎衰竭，我之前既貓比你嚴重好多，但我係樂天幫佢訂h4o水，之後兩個星期佢舒服好多，再去覆診醫生都覺得好奇怪（我冇同醫生講佢飲h4o水），驗血腎指數下降咗好多

私人傳訊

Catcatlove

伯爵府

積分: 17814

4^#

發表於 20-5-9 09:47 |只看該作者

Catcatlove 發表於 20-5-9 09:46
如果係慢性腎衰竭，我之前既貓比你嚴重好多，但我係樂天幫佢訂h4o水，之後兩個星期佢舒服好多，再去覆診醫 ...

隻水你要餵佢飲，而且開咗我記得好似要24小時飲完

私人傳訊

~仔仔媽咪~

水晶宮

積分: 51912

5^#

發表於 20-5-9 09:49 |只看該作者

回覆 KINGMAX 的帖子

其實果個醫生係我上次隻癌貓睇開，勁多客，但比起其他醫生佢較俾到意見啲，冇咁被動，之前我啲貓睇過愛協或其他醫生，真係乜款都有，有個仲要實牙實齒話我另一隻貓囡冇得救，叫我啪咗佢，好彩堅持冇咁做，結果我隻喵囡到依家接近一年仲生歐歐，仲變咗肥婆，所以搞到我冇咁容易取信醫生講既所有野。唔係唔信，我知驗血啲指數呃唔到人，但又嚟明明隻喵食得玩得瞓得，突然同我講佢就嚟唔得，我真係腦一片空白企咗响度。唔識思考。

私人傳訊

vivian0919

侯爵府

積分: 21087

虎到金來勳章牛年勳章

6^#

發表於 20-5-9 09:55 |只看該作者

~仔仔媽咪~ 發表於 20-5-9 09:31
我隻喵16歲，呢半年佢有慢性腎衰竭，每日我都幫佢打皮下水同鉀水，
啱啱湊咗佢覆診，驗血醫生話佢腎指數好 ...

醫生有冇話住院要住幾多日？會唔會睇多一個醫生比d意見？

私人傳訊

~仔仔媽咪~

水晶宮

積分: 51912

7^#

發表於 20-5-9 09:56 |只看該作者

回覆 Catcatlove 的帖子

H4O水係咩嚟架？除咗打呢隻水，您仲有冇打鹽水（皮下水）？今日我開始轉一日打兩次100ML皮下水俾佢囉！之前呢半年我都係KEEP住一日打一次咋，見佢啲毛勁滑勁有光澤，冇之前發現佢腎衰竭咁又乾又出皮屑，我一路以為夠水份咋。如果醫生打嚟話有住院位，係咪推咗佢？噚晚已經BOOK下星期再覆診。

私人傳訊

~仔仔媽咪~

水晶宮

積分: 51912

8^#

發表於 20-5-9 09:58 |只看該作者

回覆 Catcatlove 的帖子

但我隻喵飲水唔吸收吖，吸收唔到水份，所以至靠打皮下水飲水吖。

私人傳訊

~仔仔媽咪~

水晶宮

積分: 51912

9^#

發表於 20-5-9 10:00 |只看該作者

回覆 vivian0919 的帖子

如果睇另一個，我又唔知邊個信得過。真係就算同診所都可以個個醫生講既野會完全唔同，好confused。

私人傳訊

KINGMAX

子爵府

積分: 13329

10^#

發表於 20-5-9 10:06 |只看該作者

慢性腎衰竭,人我就知選食物和份量好重要,貓我估也差不多

私人傳訊

Catcatlove

伯爵府

積分: 17814

11^#

發表於 20-5-9 10:10 |只看該作者

~仔仔媽咪~ 發表於 20-5-9 09:58
回覆 Catcatlove 的帖子

但我隻喵飲水唔吸收吖，吸收唔到水份，所以至靠打皮下水飲水吖。 ...

呢隻水既特性就係吸收得多，透析度極高，你上樂天睇下，但要留意個日期，如果你隻貓只係腎衰竭，係有機會完全好番

私人傳訊

hker

侯爵府

積分: 23008

12^#

發表於 20-5-9 10:43 |只看該作者

本帖最後由 hker 於 20-5-9 10:47 編輯

我貓當年是急性腎炎，血差到機也不出（急性，90-99% 是死的），出了HHH. 即時去城中最出名cat hospital, 九條命。名醫第一句： put to sleep, 我貓在桌下面叫。我問：試也不試就put down? 她說我在令貓貓受苦。

最後，我堅持醫，留院吊水。出院時，另一醫生再advise, put to sleep. 我不肯，她黑面走了。掉下nurse 教我打皮下水

。( 我一世也記得那面口！）

往後4 年。貓貓每天乖乖回家打水（我貓有出去玩的），吃藥，及吃我預備的食物*forcefeed; 她不食紅肉，但貧血；我每天迫她吃點牛肉；她自己吃其他的食物）。

＝＝＝＝＝
中間呆呆地，便送入院吊水

＝＝＝＝
皮下水 vs 用血入，根本是兩回事。esp 身體不好的貓貓，勉強用皮下水，會谷爆心臟的。
貓貓不舒服，一定要入院吊水，用血入。

＝＝＝＝
腎出現問題，electrolyte 也會亂，身體會十分不舒服的。所以，入院搞吧！

皮下水，只是當飲水。不要"神化"功效。

＝＝＝
我貓最後，活多4 年多。到死那一天，也不太辛苦的。

但我身邊的，也是貓貓不想活了。主人不想放手也不可。（貓很神奇的，沒狗的服從！會自己決定自己treatment? e.g. 邊吃藥邊嘔 or避主人)

私人傳訊

~仔仔媽咪~

水晶宮

積分: 51912

13^#

發表於 20-5-9 13:45 |只看該作者

回覆 hker 的帖子

謝謝您寶貴分享。我都有諗鹽水through血入係有效稀釋過打皮下入。但mainly我最唔想喵喵入院都係次次喵喵住過院出嚟，一定响醫院中cat flu出嚟，次次cat flu完啲喵身體明顯再差過以前，見隻喵都16歲，好難捱到多次呢啲【住院附加cat flu】,所以至咁卻步，再加上依家佢真係表面除咗瘦同仲有啲攰樣外，堅見佢仲醒神，照樣全日出嚟廳跳上窗邊曬太陽，自己跳落地密密自己食乾糧濕糧，呢個星期又食得唔差，所以見到咁，更加confused係咪留响屋企自己親自好好照顧，依時打皮下水加食鐵丸腎葯，反而佢仲舒服過住院吊鹽水。雖則自己好知自己明顯偏向唔住院，但始終係生命，點都想乜都俾最好佢，都怕自己做任何決定會揀錯，所以至上嚟聽多少少意見。

私人傳訊

~仔仔媽咪~

水晶宮

積分: 51912

14^#

發表於 20-5-9 13:48 |只看該作者

回覆 Catcatlove 的帖子

就係之前佢胃口麻麻食少咗，噚晚驗血都話佢胰臟發炎，出面姑娘又話多數腎貓都會連帶周邊其他器官都會出問題，所以噚晚收到太多講法，我都需要時間loading吖。

私人傳訊

~仔仔媽咪~

水晶宮

積分: 51912

15^#

發表於 20-5-9 13:58 |只看該作者

回覆 KINGMAX 的帖子

應該同人差唔多，我之前上網search貓腎衰竭資料，講既野同人既差唔多。都係話主要靠日常飲食習慣嚟緩和衰竭既速度。所以個大前提都係想佢安享晚年，生活得舒服。尤其見隻喵明顯仲想生存，我晚晚定時預備針幫佢打皮下水同飲鉀水，佢次次都好搞事地咁上下就會出現我眼前等我去預備，係正式嚟料至係咁2扮逃走，但都唔會入房躲貓，走極都仲响廳仲抱到。所以我又唔會考慮送走佢，佢半年前睇另一個醫生就係咁，乜都完全被動，意見都俾得好被動，淨係一味同我講，十五歲咁大年紀實會有腎衰退架噃…佢都已經好大年紀，乜都幫唔到佢架噃，活到十五歲都差唔多啦…所以今次至試下轉番噚晚個醫生，想搏佢有多啲主見啲，但收到既成績表，竟然係咁。腦一片空白。

私人傳訊

littledot

公爵府

積分: 29435

16^#

發表於 20-5-9 14:06 |只看該作者

~仔仔媽咪~ 發表於 20-5-9 09:31
我隻喵16歲，呢半年佢有慢性腎衰竭，每日我都幫佢打皮下水同鉀水，
啱啱湊咗佢覆診，驗血醫生話佢腎指數好 ...

我冇養過貓，但之前隻狗腎有事，冇胃口和精神差，吊炎水一定有幫助，但治標唔治本，未必能痊癒，嗰時佢每隔一段日子就要去吊，出嚟就keep住食藥，但醫藥貴真係駛左好多錢！

私人傳訊

hker

侯爵府

積分: 23008

17^#

發表於 20-5-9 14:11 |只看該作者

~仔仔媽咪~ 發表於 20-5-9 13:45
回覆 hker 的帖子

謝謝您寶貴分享。我都有諗鹽水through血入係有效稀釋過打皮下入。但mainly我最唔想喵喵 ...

em, 或者，去拿second opinion吧。

但有些situations, 我真的沒聽過 /經歷過。

e.g.留院後catflu? 我貓貓留院經驗，也沒發生過這問題。朋友間也完全沒聽過。（貓友renal failure 很多sharing的）

e.g. （很多時）renal failure 會有其他發炎？Pancreatitis , 是可致命的，也時時聽貓死於這問題。對我來說，這是很可怕的病。貓貓不停嘔（好像試過？我真的忘了）。我貓腎那麼差（機是驗不到/爆晒），直接引起的就是BUN/ CREATININE 高。貧血（要打EPO) , phosphorus 高。。。details 我真的記不到了。所以，與其問網友，vet 的second opinion更可靠吧？他們才是專業人士，網友 cases，個個不同。

留醫vs 不留醫，是很大的decision, 我明！esp 貓貓，那麼敏感的動物。Therapy/吊命未必是她們需要的。

祝妳貓貓快點舒服一點！

私人傳訊

Charlotte_mom

王國長老

積分: 217065

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

18^#

發表於 20-5-9 14:14 |只看該作者

會唔會考慮針灸？我妹隻狗要見營養師開餐單同針灸（盆腔問題試過下半身唔識郁、鉀不正常地勁低、體重問題）
如果表面正常，我唔忍心16歲擺佢住院，佢地去獸醫度都驚到癲

私人傳訊

Onlok

水晶宮

積分: 73717

熱血勳章好媽媽勳章 hashtag影視迷勳章

19^#

發表於 20-5-9 14:23 |只看該作者

~仔仔媽咪~ 發表於 20-5-9 09:31
我隻喵16歲，呢半年佢有慢性腎衰竭，每日我都幫佢打皮下水同鉀水，
啱啱湊咗佢覆診，驗血醫生話佢腎指數好 ...

just for sharing

我隻狗，當年18歲，年紀大嘅病，又食唔到，行唔到，送咗去留院，瞓一晚，一邊開始有壓瘡跡象，再住一晚另一邊又有壓瘡跡象……屋企人堅持要救，一路吊水。我話佢係時候要走，我哋咁做只會延長佢嘅痛苦，其實咁唔係錫佢，只係自己唔捨得，愛佢就希望佢走得舒服，大家最終選擇狗狗安樂去。
可能大家有唔同睇法，感受唔同。