自由講場今日: 2997|主題: 1315345

收藏本版

發帖

返回列表

跳至頁

查看: 4980 | 回覆: 1

荃灣裝修黑店（華豐／樂天（梅窩）） [複製鏈接]

AMPMQQ

民房

積分: 16

1^#

發表於 22-7-22 23:24 |只看該作者 |倒序瀏覽 |打印

之前搵左間荃灣的裝修公司，叫華豐裝修xx有限公司，做全屋裝修（包括水電全換），簽約時公司合約名轉左做樂天（梅窩）xx材料公司，佢地解釋話係分公司名，已經覺得唔係好對路，但無理會太多，照簽約。無朋友介紹，純粹撞運氣咁搵左呢間公司，之前只係上網搵下黑店名單，但無呢間野的名，間店又好似係到好多年咁，所以揀呢間做裝修。間公司係簽約前就最好服務，車我去睇佢不同的裝修單位，簽約後差唔多係無服務可言，亦唔會主動同你匯報工程進度，要靠自己去跟單工程，無良至極。

工程一開始時，我比較著緊d每日上去睇，打算無咩特別就唔上去睇，等收貨，費時上去食塵，點知日日新鮮鑊鑊甘。一開波係做油漆剷底，簽約時講明剷底，點知連最上層的乳膠漆都未剷清就話完左剷底，我上去影曬相投訴，佢地先再搵人黎求其剷多少少。我同個油漆師傅理論話剷底連乳膠漆都可以未剷清架咩，一般剷底唔係至少剷到紙巾灰？佢話無可能，最多剷曬最表面的乳膠漆就算，到左底灰唔會再剷落去。我只好讓步，見佢剷左乳膠漆（90%）都算數，未投訴前剷得70%乳膠漆。跟住去到打拆程序，間公司做野次序都有問題，簽約前已講清楚邊d電器要保留（我已標記好邊d電器爐具要保留），佢無先幫我拆落黎做保護，而係一邊打拆，一邊拆電器爐俱，結果打爛我要保留的物件。仲要工程一開始無做好走廊保護影響鄰居（合約講明要做大堂，升降機同走廊保護）。之後到水電，水喉果到合約講明要做谷磅測試，師傅又打算側側膊唔多覺，唔做谷磅測試，我好彩睇到叫住佢話合約有寫，佢先肯做。之後去到防漏先最弊，個防漏師傅開西卡107開到仲稀過油漆，大半包西卡107可以油曬個廁所同廚房，合約寫廁所廚房牆身油180cm高，連埋地面，佢有照合約咁油，但大半包西卡107點油到咁大範圍。最經典係油到好多地方都有穿孔（無染到西卡107），但個師傅堅持話無問題。

成單工程（超過1個半月）個老闆（監工）上去睇唔多過4次。，仲有好多溝通誤會，漏甩都提及唔曬。

已經比左差唔多10萬，去到呢到可以點算？我好想解約，但唔想比呢間公司賺。坦白講，我仲有7位數的流動現金，如果花錢用法律途徑可以懲罰到呢間公司，我唔怕花。如果要和平解決又唔比呢間公司賺到錢，可以點做？請問有無建議可以比我？

工程進度（已過1個半月，合約工程期限係3個月）
1.完成清拆
2. 油漆叫做完成剷平，批灰批左少少
3.水喉已換，電制50個已做（未裝電制面）
4.公司包的磁磚已送到（全部未鋪）
5.防水已做（所有地方未鋪磚）

請問工程進度去到呢到大約值幾多錢？最適合做法係唔係解約同跟工程進度退返錢？