急症室安排我住院,醫生即晚抽左一細支膿去種菌。第二朝,見到乳腺科醫生。 醫生安排我去佢地部門,入病房用一支較粗的針,進行抽膿。我個腫痛位大約4cm x 4cm ,抽出20cc膿。醫生話只能抽出比較液體的膿,唔會可以抽乾淨晒,仲有較「傑」身的膿,要靠抗生素及自體吸收去消除。抽完膿即日可以出院,安排繼續複診。而今次唔可以餵母乳,要完晒抗生素,同埋冇再紅腫,先可以餵人奶。亦建議依段期間,食少d上奶食物。
Ps :
整個塞奶到有膿過程,我都持續泵到奶。每邊60-100ml 都試過。
再做資料蒐集及打埋去母嬰健康院問。發現其實可以喺覺得塞奶的時候,就Walk in 去母嬰健康院,話搵母乳姑娘。母乳姑娘會幫手處理,同可睇情況即時搵健康院的醫生幫手跟進。
希望各位同路人媽媽,唔會好似我咁較到情況咁差。