吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› $3699香港首創湖南團竟有600人? 港女直擊現場苦況 ...

自由講場今日: 543|主題: 1335556

收藏本版

回覆發帖

返回列表

跳至頁

查看: 6204 | 回覆: 75

$3699香港首創湖南團竟有600人? 港女直擊現場苦況

[複製鏈接]

12 3 4

蛋花湯

侯爵府

積分: 20445

2025勳章 2025勳章蛇年勳章

1^#

發表於 4 天前 |只看該作者 |倒序瀏覽 |打印

復活節公眾假期是旅遊旺季，有港女在社交平台發帖，現場直擊參加一個由本港旅行社開辦、自稱「香港首創」高鐵專列的湖南旅行團，遇上大伏，出團上車才知有「600幾人」，「真心大癲！我以為去咗佢公司Annual dinner！」

她在帖文中嬲爆披露首日苦況，「做咩都要全部人（600多人）一齊做」，「餐廳洗手間完全超負荷！唔少人都去唔切洗手間！」

該湖南團共4日行程，在復活節公眾假期首日(18日)出發，並在假期結束當日（21日）回港，涉事旅行社在其社交平台聲稱「呢個長沙高鐵專列行程可以話係『香港首創』」，會為團友預留專區席座位，近距離欣賞煙花。
行程會前往長沙、瀏陽、衡陽，除「煙花盛典」，尚會參觀國家4A級旅遊景區、非遺項目、梯田及古桃花源等「人間仙境」等等。

該港女在帖文中批評旅行社隱瞞，未有在報團時告訴她們，直至上到高鐵才知道「原來係有十幾團，600幾人」，「事先個個都唔知咁樣玩法，佢係等你上晒車先講。」她說本來預期四、五十人而已，但未料旅行社「狂收人」：「......都預咗幾十人一團，通常咪4至5團......600人齊上齊落真係冇諗過！」
她指出，旅行社「規定全部人一齊活動先大鑊，完全唔會食飯分開兩三間餐廳，或者景點分流或者分批去」。

她表示，第一餐在高鐵食午餐，「啲菜全部凍上，因為人太多...600人...有啲團早咗，佢就開始上菜，所以擺到凍晒」。她在帖文中再仔細披露首日苦況，「今日第一日，做咩都要全部人（即600多人）一齊做」。

首個行程到博物館，「全部人塞係入面，本身個到又黑，地方又唔係大，啲人完全搵唔返自己個導遊。」由於人太多，她們要「跑住睇」，女事主說：「我都唔知我睇咗啲乜！一味得個趕字！」

到中午食飯時間，「又要全部人一齊，餐廳洗手間完全超負荷！唔少人都去唔切洗手間！」
她在回應網民提問時，談到數百人去洗手間的苦況，「600人，我就算當你三份一係女...都200人...但得三格女廁。」她無奈表示：「你一個景點咁多人...都係忍一時...我係頂四日。」

到晚飯時間，她又要被「焗聽（該旅行社高層）感言」，「仲要我哋不停舉杯拍手，一係就不停賣廣告叫我哋join其他團！」她批評：「你只係不停造勢要我哋配合你哋，有冇諗過其實搞到啲人好辛苦？」「真心大癲...我以為去咗佢公司Annual dinner！」她形容這個團唯一的好處「係夠人多，可以包到（高鐵）專列，可以入閘快啲。That's all！」

帖文引發熱烈迴響，不少網民驚訝竟安排600團友共同出團，而且一同活動：「600人那叫宋帝昺走難，何其壯觀。」「伏！」「600人真係太多。」「差啲以為你曲線講緊學校旅行。」
女事主回應表示：「我都係人生第一次跟團搞到咁。」她又交代該600名團友的背景：「係多老人...不過好多只係剛退休人士，亦有唔少中年情侶嚟玩，好明顯以為係hea團， (結果)中咗伏。」

0 0 0

私人傳訊回覆引用

lilysun123

珍珠宮

積分: 30845

2^#

發表於 4 天前 |只看該作者

蛋花湯發表於 25-4-22 09:25
復活節公眾假期是旅遊旺季，有港女在社交平台發帖，現場直擊參加一個由本港旅行社開辦、自稱「香港首創」高 ...

好恐怖,開名啦

私人傳訊回覆引用

anna59

珍珠宮

積分: 48850

3^#

發表於 4 天前 |只看該作者

邊間旅行社

私人傳訊回覆引用

HoWangMami

子爵府

積分: 11449

4^#

發表於 4 天前 |只看該作者

我唔知係咪同一旅行社攪,但我上次去江西呢D高鐵專車,同一境況,景點人太多,去唔到取消,話係貴賓會等埋先開始既SHOW,結果係冇等,最後比人小到要回水,每天早餐同人搶位搶野食,全程導遊都唔知仲咩,基本連去食飯都行錯路,跟本幫唔到你,回來去佢FB寫投訴,全部唔好既都刪左,只留低讚果D,但唔清楚係真心讚定水軍,呢D試過一次,唔會再去,呢間旅行社都一樣,唔會有下次。

私人傳訊回覆引用

kwan_sy

大宅

積分: 1130

5^#

發表於 4 天前 |只看該作者

600團友真係好誇張

私人傳訊回覆引用

melodyy28

珍珠宮

積分: 35555

2025勳章 2025勳章蛇年勳章畀面勳章

6^#

發表於 4 天前 |只看該作者

anna59 發表於 25-4-22 09:34
邊間旅行社

同問?

私人傳訊回覆引用

Zong56

男爵府

積分: 9411

牛年勳章

7^#

發表於 4 天前 |只看該作者

anna59 發表於 25-4-22 09:34
邊間旅行社

邊間旅行社x3

私人傳訊回覆引用

mickey1388

伯爵府

積分: 19363

2024年龍年勳章

8^#

發表於 4 天前 |只看該作者

蛋花湯發表於 25-4-22 09:25
復活節公眾假期是旅遊旺季，有港女在社交平台發帖，現場直擊參加一個由本港旅行社開辦、自稱「香港首創」高 ...

600人

私人傳訊回覆引用

十一哥

公爵府

積分: 28779

2025勳章 2025勳章蛇年勳章虎到金來勳章

9^#

發表於 4 天前 |只看該作者

長沙唔洗跟團啦, 自己去不知幾爽

私人傳訊回覆引用

HeiB0724

男爵府

積分: 7470

畀面勳章 BK Milk勳章

10^#

發表於 4 天前 |只看該作者

回覆 HoWangMami 的帖子

係咪美X假期OR X味假期 ?我都係上個月參加佢地個江西專列五天團，簡直係攞苦來辛，導遊咩都唔知，上車唔點人數，在車上唔會講明集合時間，落車自己行，後面團友完全跟唔到。行程表標榜婺源最美麗鄉村~洪村，去條爛鬼村得幾朵油菜花同埋剩返村內老人家賣野菜。為咗賺到最盡，安排全國免門票嗰日上靈山，迫完一輪話架接駁纜車因為人太多而取消行程。行程表所列特色餐，但餐餐啲餸都係一樣味兼難食。自費活動更加不知所謂，話明包場睇「遇見武寧」竟然可以在門口等半個鐘導遊拎門票，攪到開咗場先坐低睇，個表演不值一看，收人150元人仔。另一個自費話遊船，其實係騙局，成班人坐天星小輪咁行一轉，全無風景可言，盛為每人120元。跟得團都預咗俾旅行社賺，但都唔係咁樣。總言而之，永遠不再參加呢間旅行社。