searching for a suitable doctor for my family member, I come across the following. Hope to share it with those who 're looking for doctor.
If possible, pls. consult Two doctors (instead of one), ask for a "second opinion". Take care.
我媽咪4X歲人,係2個月前知道自已患左乳癌,屋企人個個情緒都好DOWN ,亦好擔心 ,佢有去睇醫生,知道已經係第二期,亦都係第二間醫院排期做手術,係排期期間,佢去睇中醫,想話係做手術前,驗多次睇下中醫對佢既病情有無作用,於是今日帶埋先前係第二間醫院驗到既報告走去仁安醫院求診,想話照超聲波,睇下癌細胞有無縮細或者有無擴散,點知就係呢個所謂醫生羅嘉寶 LAW KA BO 佢只係好敷衍咁按左我媽個乳房2下跟住我媽同佢講想照超聲波睇下個病情有無好轉或者惡化,個羅醫生就話:你上次都已經照過一次啦再照都無意思,如果要照既話不如打枝萬幾萬既針啦(完全無解釋係咩針,點解打針驗到,超聲波照唔到 ),跟住我媽話因為飲緊中藥,想知道有無效,想睇下個癌細胞有無擴散或者縮細跟住果個羅醫生用D好惡劣既態度同我媽講:我都未聽過話中藥可以醫癌症,就算你去到北京,上海邊到都無可能醫得好你架啦,如果你真係想知道有無好轉,你就打果枝針啦!!(第二次SELL果枝針)跟住個羅醫生繼續講:我睇過你報告啦,你睇下你D毛孔都擴大曬,我睇你都已經到第三期架啦,打果枝針啦(SELL第三次都無解釋)!! 最後我媽借詞話考慮下,去交左$550就走!講真,一個癌病患者,身心都已經受盡折磨,所謂醫者父母心,點解呢個羅醫生可以咁無同情心,用D咁差既態度去對待病人?佢既說話,對我媽咪打擊好大!!我媽一路喊住搭車返屋企 , 果個羅醫生講到好似生癌係罪人咁,生癌係抵死既咁..........全程都只係話比錢打針,打咩針又唔解釋,又唔提議咩方法幫到個病人,咁無醫德既醫生,大家千奇唔好去睇!!!!!!!! 個個都有阿媽生.....覺得D病人咁煩,阻住佢D時間,就唔好學人做醫生啦! 讀書唔修品德,講野似古惑仔咁,有咩資格去醫人? 如果我阿媽就係因為佢講既說話覺得自已無得醫,走去自殺,到時邊個負責?