興趣嗜好 今日: 0 | 主題: 123931

積分: 624

1^#

發表於 12-6-27 06:24 |只看該作者 |倒序瀏覽 |打印

係我遲認識定係真係少呢

好少聽到有人話養挪威。
若果有人養嘅話，大家可以喺度交流下嘛。

我隻囡而家4個月大，我湊咗佢3個禮拜

0 0 0

私人傳訊

積分: 1491

2^#

發表於 12-6-27 12:32 |只看該作者

挪威森林貓係香港都真係少, 尤其是要純種既更少。我係好鐘意挪威森林貓架, 我鐘意佢大大隻。我之前有諗過養, 可惜個breeder又唔騷我。出街買, 又怕遇著D無良寵物店, 結果放棄左。你未養挪威森林貓前有無養過貓貓架? 呢種貓都幾難打理, 因為佢有雙層毛, 要日日梳先唔會打結。不過見到佢個樣咁可愛, 乜都抵返啦。

雖然我唔係養挪威森林貓, 但我家都有五貓架, 可以交流下。

私人傳訊

積分: 624

3^#

發表於 12-6-27 13:31 |只看該作者

corn819 發表於 12-6-27 12:32
挪威森林貓係香港都真係少, 尤其是要純種既更少。我係好鐘意挪威森林貓架, 我鐘意佢大大隻。我之前有諗過養 ...

我自己就第一次養貓, 男友就讀書時開始養貓(唐貓)。都係決定咗要養貓時上網搵料先知有挪威呢種貓，之後就俾佢吸引咗，佢頸嗰條fur真係引死人

。亦係唯一一種(而家養緊呢隻)我會主動去接觸貓（我本身都怕怕地貓架，唔會嘗試去摸貓，尤其唔識得嘅。

曾經有諗過搵breeder買，但最後都決定咗喺petshop買。
我呢隻我估係純種嚟嘅，睇vet時都無俾醫生講過佢唔係純種，我當佢係架喇。

講起梳毛，我一直睇資料都見到話呢種貓係要日日梳，特別係腋下嘅位置。雖然我隻貓唔多肯俾我梳，但我都keep住日日同佢梳一至兩次(因為有時佢好爭扎根本梳一次唔會梳到啲乜)。但點知頭先睇話唔應該同佢哋梳咁多喎

mouth:，特別唔好用針梳去梳，話咩會搞到佢哋啲毛生唔返。我而家一頭霧水

，你會唔會知呀？我基本上係同佢用furminatxr嚟梳，之後用排梳，用針梳佢最抗拒。

私人傳訊

anma

積分: 21116

4^#

發表於 12-6-27 14:08 |只看該作者

回覆 May023 的帖子

我都好鐘意挪威森林貓, 有朋友養. 你隻係咩色, 有冇相睇下 ?
兩層披毛, 平時用針梳+排梳順毛梳, 唔駛日日梳云全身, 但要keep住隔日梳腋下, 大脾內則, 後腿. 如果唔係好易打毛結, 解唔到要剪. 梳時唔好大力扯, 整痛佢會反抗.

私人傳訊

積分: 624

5^#

發表於 12-6-27 14:27 |只看該作者

anma 發表於 12-6-27 14:08
回覆 May023 的帖子

我都好鐘意挪威森林貓, 有朋友養. 你隻係咩色, 有冇相睇下 ?

我隻囡唔多肯乖乖俾我梳架，多數都要吼佢瞓著咗喇先可以梳下，腋下同大脾位就更加抗拒。我嗰隻係blue cream & white嚟。

私人傳訊

sharonhwyc

珍珠宮

積分: 34970

好媽媽勳章畀面勳章

6^#

發表於 12-6-27 14:57 |只看該作者

1黎少有,
2黎聽講好貴~

郁D就起晒鋼, o係論壇好難生存架, 學下大方d接受人地建議, 唔好咁小家!

私人傳訊

積分: 624

7^#

發表於 12-6-27 15:02 |只看該作者

sharonhwyc 發表於 12-6-27 14:57
1黎少有,
2黎聽講好貴~

我喺我買貓囡返嚟嗰間petshop度問，布偶同緬因價錢仲貴佢少少。不過可能啲pattern影響咗個價錢喇又。

私人傳訊

anma

積分: 21116

8^#

發表於 12-6-27 15:38 |只看該作者

回覆 May023 的帖子

好靚呀, 大左仲靚 !
多d post 佢d相上黎 !

我想睇布偶貓, 可唔可以pm 我邊間 pet shop ?

私人傳訊

積分: 624

9^#

發表於 12-6-27 16:36 |只看該作者

anma 發表於 12-6-27 15:38
回覆 May023 的帖子

好靚呀, 大左仲靚 !

哈哈, 同佢影相真係要好多時間呀, 仲係BB喇可能, 無時停

私人傳訊

積分: 1491

10^#

發表於 12-6-27 17:25 |只看該作者

回覆 May023 的帖子

我之前養左隻金吉拉係雙層毛, 又係如果唔好好梳就會打結, 不過又愛長毛貓個樣好高貴。我同長毛貓梳毛, 如果佢無打結, 我一段就用排梳, 只係想梳走佢D就甩既毛。但一個星期, 點都會用針梳同佢梳三兩次。我揀針梳, 會揀D係個針頭位有圓珠珠個D, 咁樣梳落去貓無咁痛, 毛亦無咁傷。千祈唔好用D針頭好似釘書釘咁個D, 你試梳落自己度都痛啦, 何況係隻貓? 其實隻隻貓初初都唔鐘意梳毛架啦, 你日日同佢梳, 一路梳一路同佢傾計, 佢會慣架啦。挪威森林貓都幾有性格架, 有時佢會唔睬你, 但又時又嗲到你暈。我去貓展個時見到D貓, 又大隻, 條圍巾又起勁, 真係好想抱下佢架。

我自己宜家就養左1隻英短, 同4隻美國捲耳貓。佢地隻隻都好得意, 我鐘意捲耳貓既性格, 成隻狗咁。我一開門佢就坐係屋企門口等我, 我行去邊佢又跟住我, 我坐梳化佢又跳上黎, 真係好得意。佢地都一樣有條大圍巾架, 我又係超鐘意貓貓既大圍巾啦!

布偶貓都好可愛, 個樣似長唔大既貓貓, 一世都係BB樣。緬恩貓呢... 如果我再有quota養, 我一定會養, 因為我鐘意大隻既貓, 抱係身上都好攬D, 哈哈!

私人傳訊

積分: 624

11^#

發表於 12-6-27 18:18 |只看該作者

回覆 corn819 的帖子

我頭先最後忍唔住打去問醫生關於梳毛嘅問題。醫生嘅答覆係應該每日溫柔地去梳毛

布偶貓的確幾靚，有次上網見到一隻成個model咁

不過我未抱過布偶貓，唔知係咩感覺呢

私人傳訊

積分: 624

12^#

發表於 12-6-27 18:21 |只看該作者

anma 發表於 12-6-27 15:38
回覆 May023 的帖子

好靚呀, 大左仲靚 !

貼多張過你睇呀
呢張係佢啱啱俾我鬧完之後扮乖嘅樣嚟
佢成日鍾意咁搭住對手

點評

catcat@cat

發表於 12-6-28 15:46

anma 面花好靚

發表於 12-6-28 11:23

私人傳訊

chachamama322

積分: 2193

13^#

發表於 12-6-27 21:37 |只看該作者

好靚女呀

私人傳訊

積分: 1491

14^#

發表於 12-6-28 10:02 |只看該作者

回覆 May023 的帖子

真係好靚女呀!!!

私人傳訊

anma

積分: 21116

15^#

發表於 12-6-28 11:17 |只看該作者

回覆 May023 的帖子

真係好靚女 !!

私人傳訊

anma

積分: 21116

16^#

發表於 12-6-28 11:22 |只看該作者

回覆 corn819 的帖子

我又係好鐘意長毛貓, 加埋條大圍巾, 好高貴好靚。雖然要花好多時間同佢梳理, 但見佢地靚靚咁, 淨睇人地d貓都好開心.

私人傳訊

積分: 1491

17^#

發表於 12-6-28 11:55 |只看該作者

本帖最後由 corn819 於 12-6-28 11:57 編輯

回覆 anma 的帖子

你個大頭貼個張相係你既貓貓? 金吉拉貓黎? 同我以前養個隻一樣樣, 好靚靚呀? 可惜我隻貓, 舊年以20歲高齡仙遊左啦。

貓貓簡直我減壓既靈丹妙藥。無論返工有幾唔開心, 返到屋企見到D貓, 佢喵我幾聲, 即刻咩都唔記得晒。打理係煩, 但慣左之後又無咩喎, 當係同貓互動既一種方法囉。

私人傳訊

anma

積分: 21116

18^#

發表於 12-6-28 12:46 |只看該作者

回覆 corn819 的帖子

係呀, 金吉拉貓, 好嗲架. 你養到佢廿歲, 一定照顧得好好. 我隻貓一歲幾, 性格好BB仔, 好鐘意玩, 衝黎衝去.
自從養左佢之後, 開心左好多, 家有一貓如有一寶.
你係養緊金吉拉時再加貓 ? 金吉拉容易接受多一隻貓嗎 ? 初時要適應幾耐 ?

私人傳訊

積分: 1491

19^#

發表於 12-6-28 15:09 |只看該作者

回覆 anma 的帖子

金吉拉真係好可愛, 重要極度高貴, 試過佢細個個時我唔係太識養貓, 怕佢熱剃晒佢D毛, 佢嬲左好多日呀! 金吉拉係我第二隻貓, 第一隻係安哥拉。隻金吉拉其實係我收養架, 當日我鄰居既親戚要移民, 佢養左四隻貓。有日佢經過我屋企門口, 見到隻安哥拉養得好靚, 佢就問我可唔可以收留佢個四隻貓, 但我個時讀緊中學, 養唔到咁多, 最後只係答應收養一隻。我無揀, 佢就比左最乖既金吉拉我。個時貓貓得1歲咋, 估唔到我可以養到佢20歲。

金吉拉性格係比較女皇, 佢要係屋企做大家姐架。咩都要問準佢, 咩都要佢最大架。我隻安哥拉仙遊後, 隻金吉拉好唔開心, 終日鬱鬱不歡咁, 坐係門口等安哥拉返。所以我決定加貓, 初初諗住長毛貓難打理, 所以買左隻英短。英短D毛短就短, 但厚到阿媽都唔認得, 甩毛重勁過長毛貓。佢地相處得都OK, 都係個句, 金吉拉要做女皇囉。哈哈! 可能英短性格唔太活躍, 所以金吉拉都頂得佢住。

反而幾年後, 我認識左美國捲耳貓, 佢又長毛, 又有大圍巾, 單層毛無咁難打理, 最緊要係夠活躍, 日日玩唔停, 成世貓都咁爛玩。於是我又加多一隻。呢隻捲耳貓真係好鬼似狗, 初初金吉拉唔係太鐘意佢, 嫌佢煩, 成日追住金吉拉玩。但後來夾得黎, 主要係隻捲耳貓怕左隻金吉拉, 明明捲耳貓坐緊個盒, 金吉拉一埋黎就要讓位, 真係好有大家姐風範。

如果將來你想加貓, 就要諗加咩貓。新貓一定唔可以同金吉拉爭做大家姐, 一定要就得金吉拉。咁就應該無問題。

私人傳訊

anma