夫婦情感今日: 6|主題: 42570

收藏本版

發帖

返回列表

跳至頁

查看: 1548 | 回覆: 35

c6識諗左 [複製鏈接]

malokying

別墅

積分: 661

1^#

發表於 12-8-14 02:53 |只看該作者 |倒序瀏覽 |打印

生呀囡無耐(4個月到)我已經掙扎咁出唔出番去做野，當時6299有意開餐廳，62叫左我湊埋個囡做樓面+收銀，我答應只幫一個月，因為我要番工煮飯家務，每日只睡3小時或無訓，整整幫了他9個月，每天番3個鍾or6個鍾or8個鍾，比3000人工我…但我62一直用請不到人為由拒絕放我，我同99一齊工作既，但佢份人自私覇道，當中6299對我都不像家人，比呢個人工我番到去有時候要煮飯比佢地食，幫佢地收衫打掃湊囡，我覺得自己好似工人，做到我好有怨氣，有一日，我終於頂唔順了，當時我揹住個囡，個囡歲幾，大個喇唔係可以放佢係bb車或床上佢就會乖乖地唔煩我！個時99係我格離只係講安撫呀囡既說話，我當時實在頂唔順拍抬怒望住佢，我問心我從來無對佢兩老不(勁)，之後佢衝左去後欄喊，我執包服回了娘家半年。個段時間係我最傷心既時期，我咁樣怒望我99，我咁樣番左外家，我62找我呀哥數我，我哥以為我問題誤會我，c6迫我同99講sorry，仲係我媽面前話我做咩咁對佢屋企人，仲話我有精神病痴線，我對c6好失望又恨佢，最終迫於無奈，我打了信息比99say sorry。
半年過後，我同c6不嬲都聚小離多，佢番兩份工，而且我搬左番呀媽到，所以差不多攪到離婚。
係娘家時，我想如果自己囡係單親家庭長大，就會好慘，因為自己都係單親。個時c6叫我番去住，我為左呀囡有個開心既家，我番左去住，事件已經半年了，所以我同99既唔鐘意對方只收在心底，我知道自己番去要睇人面色，要做哂家中大小事務，要做妹仔，但我捱！為左呀囡，我願意做對有名無實既夫妻！
回到這個家到現在為止又捱了一年半，今天發生左d難過既事，就係我99關心叔仔b6老婆岩岩生完個仔點，我想番起以前佢點對我，我而家仲捱咁，我係房中忍唔住喊左出黎，我c6攬住我同我[我知你感受，你屈住太耐喇，我會以後都保護你，我會好快帶你離開呢到]我係咁流眼淚，我點頭[嗯]。
過了幾年，以前既c6 o靚仔覺得自己屋企有小小錢二世組，今日我發覺佢大個左識体諒我，開始識責任同負擔，多謝c6今晚對我講呢番話，我的知道我地是一條心既，真係好恩惠自己留係佢身邊改變左佢，過兩個月，我就可以搬離這個家，希望我地一家三口有個開心既生活，各位jm加油！