2013年媽媽會今日: 0|主題: 26100

收藏本版

發帖

返回列表

跳至頁

查看: 665 | 回覆: 10

[1月] 報喜：17／1凌晨四點半出世 [複製鏈接]

Wing225

大宅

積分: 4323

BK Milk勳章

1^#

發表於 13-1-23 11:31 |只看該作者 |倒序瀏覽 |打印

本身自己超怕痛，好在阿仔乖，只系痛左十個鐘就生左。
16／1朝早五點幾見紅，慢慢沖涼洗頭先叫醒C6，去食左個早餐先搭的士入威記。辦手續個陣，姑娘話只系見紅，檢查過冇特別可能觀察一日就要出院，個時心諗：下!原來仲未生得，早知唔咁早入黎。就咁系醫院呆左成個朝早，到下午開始感覺到個肚有啲痛，不過仲只系好輕微，小兒科。其間啲醫生都只系黎問過有冇覺得痛，完全冇幫我檢查過。
到夜晚七點左右啲陣痛開始黎料，每隔5、6分鐘一痛，痛到個人要停哂所有動作，之後愈黎愈密，到十點幾開始一分鐘痛兩、三次，痛到對腳都冇力，隔離床的產婦見我咁痛苦都幫手叫姑娘幫我檢查。到凌晨十二點左右，我真系痛到痴左，有個高級的姑娘幫我檢查之後，即刻叫人黎送我落產房，連執野打電話俾C6的時間都冇俾我，就咁送我落去。
落到產房，每次痛都好個力壓落黎令我想柯左佢出黎，但姑娘只系叫我忍，仲要話忍唔到就會傷到阿B。姑娘見我痛得咁辛苦，問我打唔打止痛針，當時一心只想唔好痛，冇諗過有冇任何負作用，叫姑娘即刻幫我打。不過打完都仲系愈黎愈痛，一啲用都冇。
痛到三點半，姑娘叫我試生，教我用力，但生左半個鐘都唔得，要轉另一個姿勢，跟住試左幾次話見到頭仔就叫C6入黎，最後四點半重3.51公斤的豬仔終於出世了。