一個男人存心要欺騙你，不論有再多的防備也是很難避免。一位30多歲的人妻近日在網上發文分享婆媳問題，指老公經常稱要陪伴奶奶所以很少回家過夜，一開始認為奶奶諸多要求霸著自己老公，沒想到原來案中有案，意外被網民識穿事主老公實情是出軌陪小三，揭發後老公更沒有半點愧疚，令人妻心碎並決意離婚：「我明白晒佢完全變咗心唔愛我了。」
一位30多歲的人妻近日在網上討論區以「有無過嚟人同我傾傾計？」為題，發文分享因為奶奶影響夫妻感情，指老公經常稱要陪伴奶奶所以很少回家過夜，令人妻很不開心，「我同99唔係很夾，因99份人冇邊界感，都幾多事喎。我都知99好有資格使個仔做嘢，但係！！！佢成日叫我C6返去陪佢，成日喎！！！我真係好唔開心。C6好孝順，唔好拒絕。C6成日返唔到屋企，我真係接受唔到。」，但人妻為免跟奶奶起衝突，因此一直不敢提出問題。人妻更指老公經常要加班，「宜家C6一放工就急急腳返去99度，我成日見唔到我老公。」
另外人妻再分享，指老公突然埋怨她比自己優秀，私疑奶奶是否從中作梗，「C6話我叻過佢，佢唔開心。但拍拖嗰陣，佢就知道我學歷好過佢嘅，我從嚟都好尊重佢。唔明佢點解突然之間諗咁多，唔知係唔係99喺我老公面前瘀我？」
帖文引起熱議，不少網民聽到人妻的狀況覺得十分可疑，認為事主老公有出軌之嫌，「好確定C6成日都係返99度？唔係我諗得多，而係聽聞幾多個話成日係去99度，但都唔係咁簡單嘅！」。
另外有網民也分享自己妹妹多年前亦有相同經歷，老公經常指回自己家陪媽媽，但最後其實是有小三， 「你老公每星期返去嘅比例係幾多？！返到去真頭過埋夜嗎？你平時同你老公點相處？！照計你地結咗婚，自己都有頭家啦...你99又會咁奇怪痴你老公得咁緊要？！你老公係獨仔嗎？最後。。唔係話想嚇你。。你問吓你老公係咪真係返99度？！」
另外更建議事主要了解清楚事件，應該跟老公一起到奶奶家查明真相，「我個妹就係因為同佢99關係唔好。。一年都見唔倒幾次。。所以先比佢老公呃咗咁耐。。就當你99真係唔通氣，但正常你老公都冇理由成日唔返屋企架。。你地始終結咗婚。點都要抽返d時間陪你啩！」
人妻聽後起初還是半信半疑，想選擇相信老公，但是不少網民相繼提出不同的疑點，「好少有男人願意成日對著亞媽，仲成日喺99度瞓，你唔覺得奇怪咩？你哋之間肯定係有問題嘅，唔好忽視」、「咁你要陪老公一齊返去睇奶奶，學你講好唔情願都要做，睇下奶奶係唔係真係身體唔舒服或老公另有心事，你要去確認一下」、「似有小三多，正常一個男人除非非常之長不大的媽寶，否則點會返阿媽度多過返自己屋企？」
沒想到結果真的另有內情，人妻最終揭發老公真的有外遇，第三者更是一位有未婚夫的人。人妻更透露，當第三者知道事情曝光後主動向事主老公提出分手，惟她老公竟然不願意，「宜家踢爆咗出面個女人好驚，要同我C6斬纜，我睇見條女wechat我C6，同賤男話唔好衝動，唔好再搵佢。宜家C6唔知咩心態叫我同人哋未婚夫講」。
事主老公即使被揭發出軌，都毫無歉意或者有任何舉動要挽救婚姻，「呢幾日我明白晒佢完全變咗心唔愛我了，零愧疚零道歉對住我」，令人妻完全心碎並決意要跟他離婚，「咁樣就算吧啦！我都唔諗，睇見佢我會叫佢搬走！宜家佢應該唔肯走。講鬼咩愛情，條女嚇到拉黑咗佢，宜家聯繫唔到佢傻晒，食唔安訓唔落失晒魂，冷眼睇唔知好嬲定好笑」
大部分網民都支持人妻的決定，「3x 歲又未有小朋友就快閃，放生自己，搵個值得你愛同愛你既人，祝福妳～」、「樓主記得不要心軟，真係襯後生再揾過，加油」。
