大家好，我YO媽今日又同大家傾下香港澳洲大不同，今次我會同大家傾下大家好關心嘅小朋友課外活動。
好多香港家長考慮嚟澳洲生活，主要原因都一定為咗下一代。好似之前同大家講過，其實唔係淨係香港先有虎媽，澳洲都有外國虎媽。當然啦，除咗我上次提過外國都有分好校區有好學校，大家都想入好學校，其次就係小朋友參加嘅課外活動，喺香港小朋友放學後要應付海量嘅功課，測驗同考試，佢哋根本無時間同無心機去學課外活動，所以星期六日都要應付埋密密麻麻嘅活動令自己個PROFILE靚仔啲，考名校都容易啲。
更多文章：【幾個移民媽】搬到外地無外傭幫手？專家：要有耐性地接受新生活模式
其實澳洲都一樣，好嘅學校區因為樓價偏貴，所以如果無經濟能力，就只可以靠小朋友嘅音樂或體育才能考入去。好似如果YEAR 6已經考到7級鋼琴，入名校嘅機會又大增！
不過除咗考名校之外，澳洲嘅課外活動的確比香港多，而且價錢比香港平好多，所以小朋友可以接觸唔同種類活動，其實都幾開心！尤其係一般小學都唔會有功課，所以家長都會每日安排不同課外活動，好似鋼琴、小提琴、畫畫、日語、高爾夫球、滑水等等，其實有好多喺香港比較難接觸同消費高嘅活動喺澳洲都好普遍。
更多文章：【幾個移民媽】澳洲飲食文化大不同 過到去唔通日日食生蠔？
不過要大家留意嘅係，澳洲一年學校會放假4次，每次2至3星期，一般都唔會有假期功課，所以家長就會安排不同嘅活動畀小朋友放電。但係返工嘅家長們一到假期就會好頭痛，因為接送小朋友都係一個大問題。假期嘅課外活動唔會好似平時返學咁長時間，所以家長就要同公司配合學校假期去接送。但係大家請放心，澳洲嘅老闆都好好，大家都會互相遷就時間。呢度在家工作同彈性上班時間都好普遍，所以大家唔使擔心，因為喺澳洲家庭生活，孩子先係最重要㗎！
利安環球物業創辦人及執行董事張肇麒（Terence）形容，自己身為爸爸，同樣希望可以給最好的予子女。不過，他堅持要以子女的興趣為首要因素，不希望「催谷」繼續成為潮流。Terence笑言，身邊有不少家長朋友讓子女參加不少課外活動，希望有更好的入學機會。他卻希望課外活動的重點在於讓小朋友體驗不同事物，而非只為學位，他笑言：「咩都好，最緊要個女玩得開心，畀佢自己揀啦！」
