小朋友的心靈非常脆弱，若然在學校大便失禁更容易令其自尊心受損，對上學蒙上陰影！日前有港媽在討論區分享，指剛升讀小學的女兒因為在校內大便失禁而情緒低落，一問之下是由於老師不批準上廁所，結果她忍不住要在褲內大便，而且平日一緊張或被老師責罵都會不其然地肚痛，令港媽十分擔心女兒，「望住佢喊住放學，好心痛」。
相關討論：亞囡今日賴左便便，喊住放學
近日一位港媽在網上討論區發文，分享原本打算接就讀小學的女兒放學後去玩耍，豈料看到女兒換上一身運動服與老師一同步出校門，面上流露失落的表情，像快要哭出來的樣子，老師就交待女兒在課堂上大便失禁；港媽眼見女兒情緒低落，就直接讓她回家。
港媽透露女兒性格膽小，一向不太懂表達自己，回到家中哄了對方很久，女兒才緩緩道出事件因由，「原來係老師話阿囡成日去廁所，唔比佢去，結果阿囡忍唔住賴左啊！之後亞囡仲話佢一緊張，比老師鬧都會唔知點解肚痛。」，港媽表示十分擔心，指女兒升小前從未有上述情況，「望住阿囡喊住放學，好心痛」。
相關討論：亞囡今日賴左便便，喊住放學
不少同為家長的網民分享，遇過有老師非常嚴格，會為免影響上課而拒絕隨便讓學生上廁所，建議事主教導女兒勇敢向老師表達因身體不適，有確切需要，「有啲學校老師真係好嚴，唔俾上堂去廁所，有無教阿女小息去定先？」、「如果真係肚痛，教佢舉多次手，通常第二次老師知道有急切需要都會俾去嘅」。
有部分網民質疑老師拒絕讓學生上廁所的理由，「想知道樓主老師係用一個點樣態度，唔俾樓主阿女去廁所」、「至怕有d不講道理既老師，唔比小朋友去廁所之餘，仲嚇到小朋友肚痛」、「我覺得老師無咩愛心咁，可能覺得佢成日去廁所，覺得小朋友講大話」。
另外有家長身同感受，分享自己的子女也曾遇過類此情況，提醒事主要顧及小朋友的自尊心受損，「我女都係咁，要用一段時間先適應返，因為有陰影，要學校社工幫手一排先好啲肯返學咋。」 、「要安撫囡囡心理,咁大個可能覺得羞家,怕面對同學日後提起,唔想返學。話佢知佢冇錯,俾信心囡囡」、「快d氹返女女叫佢下次唔洗驚架，照舉手出聲。要鼓勵佢幫佢重拾自信，唔好因為一次嘅失守而影響日後嘅人生。」
